الموضوع: (( رابطة الاسطورة فيات 131 ))

انا سألت كام سؤال كده في رابطة التمبرا يا ريت حضرتك تجاوب عليها

المشاركة الأصلية كتبت بواسطة HOSAMSAMSOON

[frame="9 10"]
مبروك مقداما على العربية بعون الله
الدخان الاسود بيكون عيب حرق بنزين او عيب كهرباء او عيب كربرتير
وكلها حاجات بسيطة و تتعالج
الى تخاف منة الدخان الابيض من الشكمان او من فايز الموتور
لازم يكون معاك ميكانيكى او تتفق مع البايع انك تاخدة عند ميكانيكى او تترفع فى البنزينة و يقيس عزم الموتور و يكشف على كل حاجة فيها و نصيحة
خد معاك ميكانيكى و ترفع العربية للكشف فى محطة بنزن
حتى كدة الميكانيكى يعرف يبص كويس على العربية من تحت
العربية التانية كويسة مبدائيا
انتا ممكن تخدها لمدة اكتر من شهر لحد ماتتعود علىيها و على ابعادها و ظروفها فى السواقة و بعد كدة تشدها سمكرة و دوكو على كيفك
بس حاول وقتها تعرضها على سمكرى و بهيجى علشان تعرف التكلفة كام بالتقريب
وبردة انا شايف ان السعر دة ينزل شوية
وربنا يوفقك
[/frame]

طب انت شايف انهي احسن ؟؟
لان كل عربيه شوفتها كان فيها عيب ماعدا عربيه واحده كانت موديل 79 الماني 1300cc
بس كان طالب فيها 23 الف و انا شايف انه كتير عليها اوي

طب حاجه تانيه كمان
انا سمعت ان قطع غيار الالماني مش متوفره زي الايطالي و اغلي منها
الكلام دا سليم ولا ايه النظام ؟؟

دا فيه بيقولي دا انت مش هتلاقي الفوانيس بتاعتها

1- اسم العضو / حسين ابوذيد
2- مهنة العضو / محاسب
3- سن العضو /25 سنة
4- مكان اقامة العضو / القاهرة
5- سنة صنع السيارة 131 (ان وجد ) عدد السيسي
6- صورة للسيارة
7- سبب امتلاك سيارة 131 (ان وجد ) عربية محترمة وعائلية وناعمة وقطع غيارها متوفرة وقابلة لاعادة البيع بسهولة
8- هل توجد سيارت اخرى (ان وجد ) سيات 133
9- الحالة العامة للسيارة فيات 131 ( ان وجد )

المشاركة الأصلية كتبت بواسطة HOSAMSAMSOON

[frame="9 10"]
فى البداية احب راحب بيك فى منتدى نايل موتورز اقوى منتدى للسيارات فى مصر و الشرق الاوسط
كما ارحب بيك فى رابطة الاسطورة فيات 131 اقوى رابطة متخصصة فى سيارات فيات 131 و لله الحمد
مشركتك خلتنى احزن جدا جدا على عربيتى الى انا بعتها فى اخر شهر يناير الى فات بسعر 20 الف و كانت بحالة بيتى الى اقصى درجة غير عنيتى بيها المتميزة نظرا لحبى و فهمى للعربية و لكل مواصفاتها و ما ليها و ما عليها
بس السوق وقتها كان ميت و كنت مستعجل علشان اسافر للخارج
الحمد لله على كل شىء
احسن موديل نزل لل131 هوة موديل 1983 موتور 1600 سي سي واحد كامة سي ال المانى الصنع
عربية ناعمة جدا و سحب ممتاز و استهلاك فوق الممتاز
وحسب متوسط الاسعار المرفقة واضح ان متوسط سعرها الحالى يكون فى حدود 26 الف
على فكرة ابعد عن العربية الى مغيرة كارونة
و المفروض العربية تجيب سرعة 145 للماتور 1600
العربية الى تغير كارونة بيقل سعرها لان سعر الكارونة لوحد مابين 2500 الى 3000 جنية
طيب يا جماعة
نصيحة
تابع كونتكت كار على النت و تابع قسم بيع السيارات فى المنتدى و كمان اعلانات الوسيط بعون الله تتوفقكم فى حاجة كويسة وانا بعون الله موجود للمشورة
الغريب فى الاسعار الى انا شايفها ان المفروض فى رمضان الاسعار بتقل بسبب ضعف حركة البيع و الشراء
امال بعد رمضان و على مواسم البيع و الشراء حيحصل اية؟؟؟؟؟؟
فى النهاية
ا\ حسين
انتا شرفت الرابطة بمرورك الكريم
وشكرا على تعريف سيادتكم
بس رجاء استخدام استمارة التعارف الموجودة فى اول مشاركة ووضع كل البيانات المطلوبة بها حتى يتم اكتمال التعارف بسيادتكم كما يتم وضع ترتيب لكم و اكمال باقى خطواط الانضمام
شكرا لتفهمكم

[/frame]

يافندم شكرا جزيلا علي نصائحك المفيدة

ولكن في هنا نقطة من خلال متابعتي لحركة البيع علي مصراوي وكونتكت كار وبيزات وغيرة من المواقع المتخصصة ان في الايام الاولي من الشهر الفضيل يكاد يكون مفيش اي اعلانات ولكن ابتداءا من النصف الثاني من الشهر ابتدت الاعلانات تزيد بشكل كبير ولكن يابشمهندس كما ذكرت في البداية لا في بيع ولاشرا وانا الحقيقة مش عارف ده دليل علي اية لو سوق المستعمل كلة رفع فعلا بسبب زيادة الجمارك علي الجديد طب الناس مبتشتريش لية ولا هنوصل مثل سوق العقارات اسعار في السما بدون شراء ولابيع .... وبعدين لازم يكون فية تقدير للعربية من قبل مالكها فلما نقول ان عربية موديل 80 او 81 يعني ماشية 30 سنة وده رقم كبير يعني الطريق اكل منها ويبقي سعرها 25000 دي حاجة مش مقبولة لان الفرق كدة بينها وبين عربية جديدة موديل تسعينات زي الاكسيل او الابيزا والسويفت واقصد جديدة من حيث الشكل والفترة التي انتجت فيها والكماليات المفتقدة في موديلات الثمانينيات زي التكيف القوي والزجاج الكهربا اللي بجد وغيرة والمقارنة هنا هتكون في صالح الجديد بغض النظر عن المتانة والقوة وقطع الغيار وكمان مننساش سعر اعاده البيع للعربيات الجديدة يخلي المنافسة لصالحها ولو بصينا للمستقبل هنلاقي ان العربية القديمة مهما كانت حالتها بعد 3-4 سنين هتكون قيمتها في النازل علي عكس الجديد اللي ممكن يحافظ علي قيمتة مده اطول ....كل دي عناصر تدخل في تحديد السعر الفئة وانا شخصيا لما قررت اشتري 131 كانت حسبة اقتصادية بحتة نطر لمشواري العظيم مابين مدينة الشروق وعملي في القرية الذكية علي امل اني كمان سنة ولا حاجة اكون قادر اجيب حاجة زيرو واسيب 131 لاهلي يستعملوها ولكن بالاسعار اللي باسمع عنها دي الموصوع صعب اوي انا أسف للاطاله ولكن اصلي انا متغاظ من الاسعار اللي بطلع مع نفسها في بلدنا دي

واخيرا عندي سوالين بخصوص رد حضرتك
1- هل تغيير الكورونة للعربية وتركيب واحدة ياباني يعيب العربية ؟ واية السبب في كدة مع انها ماشية تمام وسحبها ممتاز وال 120 كم اللي زكرتهم انا مرضيتش ازود علشان العربية مش بتاعتي ومش واخد عليها لكن حسييت ان العربية معندهاش اعتراض اني ازود ؟ والمناسبة العربية كان فيها بارومة في الابواب فقط ورعشة بسيطة في الفرامل وعلبة الدركسيون رايحة خالص ده كل اللي شفتة والله اعلم بالمستخبي...!

2- بالنسبة لنفس الموديل ولكن موتور 1300 سي سي اي العيوب والمميزات؟

وكل سنة وحضرتك وكل اعضاء الرابطة بخير بمناسبة عيد الفطر المبارك وتقبل الله منا رمضان واعادة علينا كرات مديدة