المشاركة الأصلية كتبت بواسطة saadelden
اولا انت محتاج متخصص كربراتير يظبطهولك تمام و يصلحلك الابواب بتاعته و الاكسات و يرجعهولك جديد
دا هايحل معاك مشكله الدخنه و استهلاك البنزين و استجابه العربيه
تاني حاجه عايزك تفك البوجيهات و تشوفها مهببه ولا عليها زيت ولا نضيفه
و لو نوعهم تعبان الاحسن غيرهم و هات بوجيهات دينسو الياباني
تغيير فلتر الهوا و الزيت كل 10000 كيلو او كل 6 شهور بالكتير هايريح العربيه و يحسن الاستهلاك
العجل سايب او العربيه سايبه من بعضها يبقى لازم تروح لعفشجي يكشف علي العفشه و تتربط كويس و لو فيه حاجه محتاجه تتغير يبقى حطها في الخطه بتاعتك
بس اهم حاجه تكون سليمه عندك المقصات و شدادات الكرونه
الجنوط بقى انت و زوقك و دايما بننصح الناس تبعد عن الصيني , لو بتفكر في حاجه نضيفه عندك الماليزي انضف الانواع الرخيصه
و الكاوتش بردو ابعد عن الصيني و لو لقيت كوري زي هانكوك او كومهو علي الاقل
لو انت من القاهره فيه محلات كبيره كتير مشهوره زي المطراوي و الغطاطي بيبيعو الجنوط و الكاوتش و تشكيلات كبيره جدا
اولا مبروك السماعات
ثانيا السماعات الاحسن انها تكون مربوطه كويس جدا و متقفله كويس عشان تديك احسن اداء ليها
و طبعا لازم تكون بعيده عن التنك