الموضوع: عايز أظبط عفشة التمبرا أرجو النصيحة

أهلا يا أخ زلباني

رغم اني تمبراوي حديث كما تعرف لكن لي خبرة مع علبة الدركسيون من أيام ال 125 .

علبة الدركسيون بتاعة ال 125 لما باظت رحت خرطتها و كلفتني حوالي 100 جنيه بس الكلام ده سنة 99 عند واحد متخصص في خرط و صيانة علب الدركيون و مجموعة الحركة
الجيربوكس و خلافه و كان اسمه فوزي حجاب في شارع شمبليون أمام مدخل الصالة بتاع سينما ميامي و من ساعة ما صلح و خرط العلبة لحد ما بعت العربية 10 سنين ما اشتكيتش منها .

بالنسبة للعفشة يستحسن تجيب جديد أما عن الميكانيكية فحسب ما أتذكر أنت من سكان الهرم أو فيصل بص ياباشا
في مركز صيانة معتمد لفيات و هيونداي في شارع العريش ناحية فيصل و كان زمان وكيل معتمد للانشيا , الحقيقة أنا مجربتهومش لكن المركز كبير جدا و مليان عربيات و فيه معرض لفيات الزيرو و كنت مرة سألتهم لو بيتشغلوا في التمبرا و موديلات فيات القديمة نسبيا زي الاونو و السيينا و قالو لي نعم .

قطع الغيار زي ما قال الاخ أحمد عند يوسف و هو في فيصل أمام شارع العريش أو فيات 2000 و الدقاق و مقار في التوفيقية .

أما الاستيراد فامبارح كنت في الوكالة و لقيت كل ما تريده من قطع غيار التمبرا بس انت و شطارتك لان اغلب البياعين هناك بتوع ثلاث ورقات