الموضوع: بالحساب كده العربية الزيرو بتكلفنا كام مصاريف تشغيل

بجد موضوع اكتر من هايل
بس لو كل واحد ممننا يكتب تجربتو عن عربيتو ومعدل استهلاكها
دا هيكون مرجع قوي جداً لكل واحد بيفكر يشتري عربيه
بمعنى الي اشترى عربيه (جديدة /مستعملة ) يكتب اشتراها بكام موديل كام وعاملة كام كيلو وصرف عليها قد اية

المشاركة الأصلية كتبت بواسطة samehnoshi

يا باشا موضوعك رائع و عجبنى جدا, شكرا على المجهود الجامد دة, بجد موضوع لفت نظرى لحجات كتير اوى مكنتش واخد بالى منها, انا بس اذا سمحتلى ححسب المصاريف تانى من وجهة نظرى اللى شايفها لكن اسمحلى اقتبس منك نفس البنود و نفس اسلوبك الرائع مع توضيح وجهة نظرى فقط, مع العلم انى معنديش عربية افيو لكن عندى جتز و عملا 60 الف بس لكن انا حتكلم على نفس المثال اللى انت كتبة و نفس ال 80 الف كيلو علشان الصورة تبقى اوضح:

مصاريف تشغيل السيارة من وجهة نظرى حتكون كالتالى
29000 جنية خسارة ارباح بنكية ( بغض نظر عن حرام او حلال موقتا او اعتبروها استثمار)
25000 خسارة بين ثمن الشراء و البيع
14800 بنزين
2000 زيت ماتور و فلاتر
5000 صيانة دورية
1000 كوتش
400 بطارية
1400 سايس
400 غسيل
1200 تجديد رخصة لاربع سنين

الاجمالى = 80000
يعنى متوسط الكيلو 80000 / 80000 = 100 قرش

يعنى لو العربية بتعمل 200 كيلو فى الصفيحة حيكون تكلفة الكيلو بنزين = 17,5 قرش
اما التكلفة النهائية للكيلو 100 قرش يعنى 100 / 17.5 = 5.7
يعنى تقريبا 6 اضعاف تكلفة البنزين!!!!!
مع ملاحظة ان المبلغ دة بدون تامين و بدون اى حوادث لقدر اللة و بدون اعطال و اصلاحات و بدون مخالفات!!!!
و زى ما الاستاذ abou_ruqi قال تكلفة الكيلو دية قابلة للزيادة مع زيادة سعر السيارة, كمان فى حاجة غريبة, لو قلت خلاص حوفر و مش حركب العربية و حروح بموصلات و اركنها حتصرف اكتر و كمان مش حتستمتع بالعربية!!! خلونى اوضح دة بمثال غريب جدا!!!!
لو تحت نفس الظروف و نفس العربية و عملت فى اربع سنين 40 الف كيلو بدل 80 الف كيلو كانت حتبقى مصاريفها كدة:

مصاريف تشغيل السيارة من وجهة نظرى حتكون كالتالى لو مشيت 40 الف كيلو بس:
29000 جنية خسارة ارباح بنكية ( بغض نظر عن حرام او حلال موقتا) (لن تتغير)
22000 خسارة بين ثمن الشراء و البيع (بدل 25000)
7400 بنزين (بدل 14800)
1000 زيت ماتور و فلاتر (بدل 2000)
2500 صيانة دورية (بدل 5000)
0 كوتش (بدل 1000)
400 بطارية (لن تتغير)
700 سايس (بدل 1400)
200 غسيل (لن تتغير)
1200 تجديد رخصة لاربع سنين (لن تتغير)

الاجمالى = 64400
يعنى متوسط الكيلو 64400 / 40000= 161 قرش

يعنى الكيلو بيكلف 9 اضعاف تكلفة البنزين!!!!!

الارقام اللى انا كتبها دية هى اللى شيفها من وجهة نظرى مش حاجة فعليا, و قابلة للنقض و ممكن تكون غلط, انا بس قلت اكتب وجهة نظرى و خلاص و اشوف الناس حتتفق معايا ولا حتختلف معايا.
اما نقطة خسارة الارباح البنكية بغض النظر حرام او حلال اعتبروها استثمار لمبلغ 75 الف جنية مش ارباح بنكية او اعتبروا ان العربية تم شرائها بالقسط.

شكرا تانى يا استاذ abou_ruqi على موضوعك الجميل لانوا لفت نظرى و نظرنا كلنا لحجات كتير مكناش وخدين بلنا منها!!!

ولو حضرتك حسبت عمر العربية 6 سنين مش أربعة حتلاقي تكلفة الكيلو أقل من كده , وده اللي بيأكد نظريتي ان العربية المفروض تقعد 5 سنين وتمشي 100 ألف كيلو وبعدين تتباع

لو بعتها قبل كده تخسر
ولو بعتها بعد كده تخسر

(رأي شخصي مثبت ببعض الحسابات)

المشاركة الأصلية كتبت بواسطة arch_ahmed

بجد موضوع اكتر من هايل
بس لو كل واحد ممننا يكتب تجربتو عن عربيتو ومعدل استهلاكها
دا هيكون مرجع قوي جداً لكل واحد بيفكر يشتري عربيه
بمعنى الي اشترى عربيه (جديدة /مستعملة ) يكتب اشتراها بكام موديل كام وعاملة كام كيلو وصرف عليها قد اية

يا ريت و الهي