هام لجميع الاعضاء (احذروا من بتوع الكاوتش فى محطات البنزين دى)

**Samah AbdAllah** · 05-05-2009 09:30 PM

شكرا عالنصيحة

**د.محمد** · 05-05-2009 11:56 PM

والله دا حصل مع زمايلى وبالذات علي المحطات اللي علي الطريق بيقولك دا الكاوتش مريح تعالى لما اكشفلك عليه وبيعدين يحط عليها مادة تخلي الكاوتش بيتخرم وهو اصلا كان زي الفل فخلوا بالكم

**ابوهاشم** · 06-05-2009 12:36 AM

على فكره انا من كتر اللى حصل معايا عند بتوع الكاوتش بنصح
الناس بالحزر من بتوع الكاوتش كلهم
دايما عند اى بتاع كاوتش خلى بالك منه وهو شغال
شوفه بيعمل ايه وخليك حريص
او تكون بتتعامل مع واحد امين ماتتعاملش غير معاه
الا للظروف القصوه

**أشرف فتحى** · 06-05-2009 01:04 AM

الموضوع ده فعلا بيحصل كتير خصوصا فى البنازين اللى بتبقى على الدائرى او الطريق السريع.
تروح تضبط الهوا يقولك الفرده دى ناقصه قوى هكشفلك عليها وهى راكبه لحسن كده خطر!
تقوم تخاف وتقله ماشى!
يعمل ايه بقى البيه!
يزود الفرده الضحيه جدا جدا يعنى مثلا يخليها على 45 او 50
يقوم التشققات الطبيعيه اللى بتكون فى الكاوتش من الضغط العالى تفتح ويطلع منها هوا علما بان لو ضغط الكاوتش عادى بيكون الكاوتش مريح مع بعضه ومبيسربش اى هوا!
ويجيب الزجاجه الشهيره اللى فيها ميه وصابون ويفضل يوريك بقاليل على انها اخرام وممكن يخرم الكاوتش بنفسه بإستخدام حاجه رفيعه زى البتاعه اللى بيطلعوا بيها المسامير من الكاوتش.
طب بيخرمها امتى؟

بعد ما يرفع العربيه عند الفرده اللى اختارها ضحيه واللى غالبا بتكون اليمين قدام عشان متبقاش فى مجال روئيتك لما يطلب منك تكسر العجل يمين.
وانت بتكسر العجله بيكون جهز الحاجه اللى هيخرم بيها وبدأ يخرم فعلا
وانت ونصيبك .
بيلف العجله لو انت باصص عليه (مزنق عليه)بأيده اليمين والشمال شغاله فى العجله من تحت الرفرف!

كمان لو مكنش محترف او لو انت كنت ناصح ومزنق عليه قوى بيعمل حاجه تانيه بس ده بيبقى فى المحلات او لو انت طلبت لحام داخلى!

بيفك العجله ويفك القلب بتاع البلف عشان يلحم الخرم لو فيه مسمار مثلا او انك رفضت يعمل الخابور العجيب بتاعهم وبعد ما يلحم ويخلص يقولك البلف ده بايظ خالص وناشف ومش هيكمل معاك شهر وميركبش قلب البلف للاخر يقوم يبقلل فى الميه تقله خلاص غيره بدل ما الاقى العجله مريحه كل يوم خصوصل لو عامل نيتروجين (الفرده بتتملى ب 5 جنيه) فتقول البلف ب 5 جنيه مش مشكله!
وانا عشان اقطع عليهم السكه دى اشتريت 4 بلوف تيوبلس من التوفيقيه ب 5 جنيه وبقوله اكشف على البلف عشان انا معايا احتياطى ومش عايز امشى ببلف وحش وطبعا الرد البلف زى الفل!!!!

حاجه تانيه بيعملها بتاع الكاوتش

بيتعمد يفك الرصاص من الفرده اللى بتتصلح ويقولك الفرده لازم تترصص تقوله منا لسه مرصص يقلك فين يا باشا كله فك!
فلازم تأخد بالك من الرصاصه اللى موجوده فى العجله قبل ما يحطها على الجهاز اللى بيفك بيه العجله!
حصلت معايا مره وفى التانيه اخدت الرصاصه من على المكنه وركبتها بنفسى ومقدرش يفتح بقه عشان فهم اننا كشفته وفهمت الحركه!

للأسف حتى بتوع الكاوتش فيهم كتير ما بيتقوش ربنا!!!

انا دايما بظبط الكاوتش عند واحد جايب الجهاز اللى طالع جديد بعداد ومقاس الكترونى لان معظم المقاسات اللى عند بتوع الكاوتش بايظه ومبتديش القرايه الصح وفكرت اشترى واحد واراجع لنفسى بيه ضغط الكاوتش ولقيته بيتباع فعلا ب 25 جنيه فى التوفيقيه بس بدور على مقاس صغير كده زى الميداليه عامل زى الترمومتر شفته مع واحد ومش عارف بيتباع فين!!

**أشرف فتحى** · 06-05-2009 06:35 PM

النهارده كمان عرفت طريقه جديده بيستخدموها للغش بتوع الكاوتش:-
النهارده رحت ازود العجل لقيت فرده ناقصه قوى وبالكشف عليها مع أخد كافه الاحتياطات وجدنا مسمار محترم مستقر فى الكاوتش واثناء عمليه الفك والتركيب والدردشه مع العامل فوجئت بمعلومه جديده تماما.
اثناء تحذير العامل ليا من التعامل مع محلات الكاوتش اللى فى البنازين وضحللى طريقه جديده مكنتش اعرفها وهى انهم بيستخدموا الزجاجه البلاستيك اللى بيبقى فيها صابون للكشف عن الثقوب فى الكاوتش لكن فى الحقيقه الزجاجه دى بيكون فيها ميه نار وكربوناتو وميه عاديه (على كلامه) ولما الخليط ده بيقابل اى عوالق فى الكاوتش بيعمل زى فوران او بقاليل بالبلدى ويوريهالك فلى انها خرم فى الكاوتش!!!!!
الموضوع مش دقيق قوى بس نبهنى لحاجه ان فعلا بيكون موجود اكتر من زجاجه للكشف بيستخدموها فى البنزينه!

**yaso12** · 06-05-2009 07:22 PM

رنا يسترها معانا ومع الجميع الواحد مش عارف يروح فين من الناس اللى ما بتخفش من ربنا . على كدة الواحد يجيب العدد والخوابير واللصق وكل حاجة ويعمل شنطة العربية مركز خدمة متنقل عشان لما تحصل حاجة ما يحتجش لحد من دول .

**Amera** · 06-05-2009 10:37 PM

المشاركة الأصلية كتبت بواسطة أشرف فتحى

الموضوع ده فعلا بيحصل كتير خصوصا فى البنازين اللى بتبقى على الدائرى او الطريق السريع.
تروح تضبط الهوا يقولك الفرده دى ناقصه قوى هكشفلك عليها وهى راكبه لحسن كده خطر!
تقوم تخاف وتقله ماشى!
يعمل ايه بقى البيه!
يزود الفرده الضحيه جدا جدا يعنى مثلا يخليها على 45 او 50
يقوم التشققات الطبيعيه اللى بتكون فى الكاوتش من الضغط العالى تفتح ويطلع منها هوا علما بان لو ضغط الكاوتش عادى بيكون الكاوتش مريح مع بعضه ومبيسربش اى هوا!
ويجيب الزجاجه الشهيره اللى فيها ميه وصابون ويفضل يوريك بقاليل على انها اخرام وممكن يخرم الكاوتش بنفسه بإستخدام حاجه رفيعه زى البتاعه اللى بيطلعوا بيها المسامير من الكاوتش.
طب بيخرمها امتى؟

بعد ما يرفع العربيه عند الفرده اللى اختارها ضحيه واللى غالبا بتكون اليمين قدام عشان متبقاش فى مجال روئيتك لما يطلب منك تكسر العجل يمين.
وانت بتكسر العجله بيكون جهز الحاجه اللى هيخرم بيها وبدأ يخرم فعلا
وانت ونصيبك .
بيلف العجله لو انت باصص عليه (مزنق عليه)بأيده اليمين والشمال شغاله فى العجله من تحت الرفرف!

كمان لو مكنش محترف او لو انت كنت ناصح ومزنق عليه قوى بيعمل حاجه تانيه بس ده بيبقى فى المحلات او لو انت طلبت لحام داخلى!

بيفك العجله ويفك القلب بتاع البلف عشان يلحم الخرم لو فيه مسمار مثلا او انك رفضت يعمل الخابور العجيب بتاعهم وبعد ما يلحم ويخلص يقولك البلف ده بايظ خالص وناشف ومش هيكمل معاك شهر وميركبش قلب البلف للاخر يقوم يبقلل فى الميه تقله خلاص غيره بدل ما الاقى العجله مريحه كل يوم خصوصل لو عامل نيتروجين (الفرده بتتملى ب 5 جنيه) فتقول البلف ب 5 جنيه مش مشكله!
وانا عشان اقطع عليهم السكه دى اشتريت 4 بلوف تيوبلس من التوفيقيه ب 5 جنيه وبقوله اكشف على البلف عشان انا معايا احتياطى ومش عايز امشى ببلف وحش وطبعا الرد البلف زى الفل!!!!

حاجه تانيه بيعملها بتاع الكاوتش

بيتعمد يفك الرصاص من الفرده اللى بتتصلح ويقولك الفرده لازم تترصص تقوله منا لسه مرصص يقلك فين يا باشا كله فك!
فلازم تأخد بالك من الرصاصه اللى موجوده فى العجله قبل ما يحطها على الجهاز اللى بيفك بيه العجله!
حصلت معايا مره وفى التانيه اخدت الرصاصه من على المكنه وركبتها بنفسى ومقدرش يفتح بقه عشان فهم اننا كشفته وفهمت الحركه!

للأسف حتى بتوع الكاوتش فيهم كتير ما بيتقوش ربنا!!!

انا دايما بظبط الكاوتش عند واحد جايب الجهاز اللى طالع جديد بعداد ومقاس الكترونى لان معظم المقاسات اللى عند بتوع الكاوتش بايظه ومبتديش القرايه الصح وفكرت اشترى واحد واراجع لنفسى بيه ضغط الكاوتش ولقيته بيتباع فعلا ب 25 جنيه فى التوفيقيه بس بدور على مقاس صغير كده زى الميداليه عامل زى الترمومتر شفته مع واحد ومش عارف بيتباع فين!!

سبحان الله هى نفس الطريقة عند كل بتوع محطات البنزين علشان معندهمش ضمير بيقوا مأجرين المكان فى المحطة غالى وايرادهم مش كفاية فلازم يجيبوا الشغل لحد عندهم ، نسأل الله السلامة والعافية وربنا يسترها معانا جميعا .