كيا سيراتو 2009 اوتوماتيك الشكل الجديد ولا هيونداي الينترا اوتوماتيك 2009

**mohameduoser** · 06-04-2009 05:56 PM

سيراتو الجديدة

**kareemhisham** · 06-04-2009 08:39 PM

انا برشح السيراتو الجديدة بقوة

**sakrquraish** · 11-04-2009 12:16 AM

لو حتجيب sx فما فوق يبقى فكك و هاتلك لانسر او تيدا او أوكتافيا A4

**Amr_Moh** · 12-04-2009 07:26 PM

كيا سيراتو 2009 الشكل الجديد اوتوماتيك

بس اتكا سننة لما السعر يهده

**timo_crosswind** · 16-04-2009 02:05 PM

اركب الاتنين وشوف انت مرتاح اكتر لمين واستخير ربنا
بس كمجرد راي الكماليات اللي موجوده في السيراتو فوق الممتازه ومشجعه جدا

**drshata** · 16-04-2009 03:40 PM

سيراتوسيراتوسيراتوسيراتوس يراتوسيراتو
سيراتوسيراتو

**bishoy02010** · 17-04-2009 04:27 PM

المشاركة الأصلية كتبت بواسطة FrozenFire

بص يا سيدي
أنا بأجر الإلنترا موديل 2008 أوتوماتيك كاملة كتير جدا. والحق يقال إن العربية دي غيرت نظرتي لهوينداي. يعني خلتني أحترم شركة هيونداي.
بس المشكلة إن العربية عايزة معاملة خاصة جدا. وعشان كده صاحب معرض الإيجار بيطلعها بس لثلاثة أنا منهم. عشان إحنا دكاترة ومعروفين بسواقتنا الهادية.
العربية فعلا في منتى الجمال وخصوصا نعومتهاالغير عادية ورحابة الصالون بتاعها وسحبها الممتع. أنا فاكر إني جبت ال 100 في أقل من 9 ثواني. وده أعلى تسارع في فئتها. أعلى من اللانسر أو الصني أو الأوبترا.
ولكن العربية بتاعة دلع بس. يعني لازم تسوقها بحنية غير عادية. وده بالإضافة لإنها قريبة من الأرض فلازم تعرض على أي مطب عالى. والمشكلة دي مش موجودة في الانسر أو الأوبترا أو الصني.
بس في الإجمالي العربية بالنسبة لسعرها جميلة جدا. خصوها إن هي بقت ب113 كاملة.
ولكن

السيراتو فيها إمكانيات أعلى. طبعا الإير باج والفرامل الإلكترونية والسمارت كي والباقي كله. وعلى فكرة العربية مش مبالغ في سعرها ولا حاجة. أنا فاكر مرة إني ركبت مع واحد السيراتو الشكل السابق وعجبتني جد. بس ما كانتشي أحلى من الإلنترا. دلوقتي السيراتو أحلى بكتير. وصدقني عن واحد عنده عربية هيونداي وعربية كيا. الهيونداي أنعم بس الكيا أقوى في قوة التحمل.
والوكيل الجديد بيحاول يعمل المستحيل عشان ياخد مكان كويس في السوق.
أنا كنت خلاص قررت أجيب الإلنترا وكنت بحوش المقدم بتاعها. بس لما شوفت السيراتو الجديدة قررت إني أجيبها. وإن شاء الله ربنا يعيني وأجيبها.
لو عايز كلام أكتر عن السيراتو إفتح موضوع إسمه (الموسوعة السيراتوية) اللي كاتبه بصراحة راجل ممتاز. شارح السيراتو الشكل القديم بكل تفاصيلة من الألف إلى الياء. هو موضوع طويل جدا بس صدقني حيحسسك كإنك إنت اللي إشتريت السيراتو الشكل القديم.

أما بالنسبة لموضوع سعر العربية اللي غالي في الأول فإنت فكرتني بنفسي من حوالي عشر سنين لما جيت أشتري أول كمبيوتر ليا. فقلت أنا حستنى شوية عشان أجيب الموديل اللي أنا عايزه بسعر أرخص. وبعد التفكير لقيت إن الموديل بيرخص عشان في الأحدث منه نازل قريب وبعد مدة صغيرة حيبقى الموديل اللي أنا إشتريته قديم ومحتاج يتحدث. نفس القصة في العربيات. إنت بتجيب موديل جديد في أوله وما بتحتاجشي تغيره غير بعد 5 سنين على أقل تقدير (على الأقل خالص فترة الضمان).

بصراحة ربنا يكون في عونك في الحيرة دي
وحاول تستخير ربنا
ومهما كانت العربية اللي حتشتريها أسأل الله أن يعطيك خيرها وأن يكفيك شرها.

حاولت أفيدك على قد ما قدرت أتمنى إني أكون جاوبت على بعض أسئلتك
والسلام ختام

الراجل جاب من الأخر :)