أتعلمت السواقة على أية ؟ أول عربية خاصة بيك ؟ كان عندك كام سنة ؟

**romeo_6887** · 22-01-2010 07:38 PM

المشاركة الأصلية كتبت بواسطة AMA

1- أتعلمت السواقة على عربية نوعها أية ؟شاهين
2- ماهى أول عربية خاصة بيك ؟ فيرنا
3- كان عندك كام سنة أول مرة سوقت فيها ؟ 18
4- أية أغرب موقف حصل معاك و أنت سايق ؟ مفيش

الرد في الاقتباس

**ghazy12** · 22-01-2010 08:06 PM

1- أتعلمت السواقة على عربية نوعها أية ؟

فيــات 132

2- ماهى أول عربية خاصة بيك ؟

دايو ماتيز (موديل 99)

3- كان عندك كام سنة أول مرة سوقت فيها ؟

13 سنه تقريبا

4- أية أغرب موقف حصل معاك و أنت سايق ؟

أيام الكليه, في 6 أكتوبر, و كان معايا الدايو ماتيز...
كنت سايب اتنين اصحابي في العربيه قاعدين ورا, و واحده زميلتي قاعده قدام, كنا مروحين...
و دخلت بنزينه اجيب زجاجة مياه و كان كوكا, خرجت من الماركت و الاقي.....

عربيتي مخبوطه (جنب يمين كامل) و في نص الشارع و خبطت واحده بنت كمان و الناس ملمومه
و أصحابي بيتضربوا من 10000 واحد, و الأخت اللي كانت قدام مغمي عليها في العربيه

قلتلهم انا صاحب العربيه (كنت قلقان بصراحه) بس الناس سكتت, و روحت على البنت اللي اتخبطت
لقتها كويسه و وقفت, و الناس هديت, و اديت سواق التاكسي اللي اتخبط 300 جنيه تقريبا
لأن عربيته لوحت شاسيه و اتبهدلت و ده راجل على باب الله لا بيه و لا عليه

أفهم بعد كل ده ان الأخت اللي كانت معانا و قاعده جنبي, قعدت مكاني و عايزه تسوق
و هي مش بتعرف تسووووووق أصلااااا و انا اللي كنت هعلمها لسه في البدايات, و أول مره تسوووق!!!!

طبعت عرضت عليا كتيير تصلح العربيه, و انا عملت الشاب الجنتل و قولت لأ و ازااااي
و كعييييت زي الباشا 2000 جنيه تصليح في الحرفيين يا ناااااااااااااس....!!!!

يا رتني كنت خلتها تصلح هي العربيه

هههههههههههه

**speed demon666** · 22-01-2010 08:22 PM

انا اتعلمت على تيوتا كرسيدا موديل 84 و أول عربيه خاصة كانت بيجو 205 موديل 90 أغرب موقف مش فاكر

**د.محمود صلاح** · 22-01-2010 09:46 PM

اتعلمت على شفروليه كابرس 79 - بتاعة والدي-

الرخصة عند سن 18 سنة بالضبط

**DeMhA** · 22-01-2010 10:27 PM

بجد موضوع فكرته حلوة

1- أتعلمت السواقة على عربية نوعها أية ؟
اتعلمت على عربية تويوتا كرسيدا استيشن موديل 89

2- ماهى أول عربية خاصة بيك ؟
معنديش عربية خاصة بيه بس انا سوقت عربيات كتير
بس اللى كانوا معايا او اللى دايما كنت بسوقهم زمان وانا صغير الكريسيدا طبعا حبيبتى كنت مسميها عزيزة بعد كده لما كبرت شوية فى 3 اعداى و فى الثانوى كانت لاند كروزر 93 عربية بجد خرافة وقوة
حاليا لانسر 2008 بجرى ورا امتلاكها

3- كان عندك كام سنة أول مرة سوقت فيها ؟
اول ما حطيت رجلى على الدبرياش واديت اول ودوست بنزين ونطت العربية كان عندى 8 سنين
بعد كده اول ماتمكنت من العربية كويس لما طولت شوية يعنى كان عندى 11 سنة

4-أية أغرب موقف حصل معاك و أنت سايق ؟

مرة من المرات وانا بتعلم وكان والدى قاعد جنبي فأول ما وصلنا البيت المفروض اجى اقف ادام باب الجراش وانزل افتحه فالمرة دى بدل ما ادوووس فرامل دوست بنزييييين المشكلة انى لغاية دلوقتى انا مقتنع اللى سببلى الروشة دى زعييييق والدى فيه طول الطريق خلى بالك هدى دووووووس فرامل خليه يعدي هدييييي الكلام دا كله روشنى بجد

دا لغاية دلوقتى لو ركب معايا نفس الكلاااااام لغاية مابقيت كل لما لازم نركب مع بعض هو اللى يسوق ويريحلى نفوخى

فى واحده تانية بس ماحدش يفهمنى غلط كنت بسمع عن اللى بيعاكسوا البنات بالعربيات وانهم بيخبطوا الشنط بالمراية فانا والله ماليه فى الحاجات دى بس قلت اجرب لأن الموضوع دا محتاج حرفنه وحبيت اختبر نفسى
ساعتها كنت فى اول ثانوى فكان فيه واحده ماشية فقلت ما اخبط شنطتها وانا بجرى علشان ماحدش يمسكنى فمخبطش الشنطة !!
خبط البنت زات نفسها بس جرييييت برده

شكرا عالموضوع الجميل

**lido_pink2000** · 22-01-2010 10:28 PM

اول غربية سقتها لادا 2107
اول عربية امتلكها هى نفسالعربية لادا 2107
كان عندى كام سنة لسه من اسبوع 25 سنة
اغرب موقف حصلى كان اول يوم بدات اتعلم فيه من اسبوع نزلت انا و جوزى هو بردة اتعلم من شهر و احنا ماشيين لقينا اتوبيس داخل فى الرفرف اللى قدام و العربية بقت عايزة سمكرة و رش بعد ماشتريتها بيوم واحد

**Ralliart** · 22-01-2010 10:29 PM

1- أتعلمت السواقة على عربية نوعها أية ؟

اوتوماتيك :ميتسوبيشي جالانت 91 2000 سي سي

مانيوال :فيات 2300 عليها موتور ميكروباص تويوتا وفتيس 5 نقلات

2- ماهى أول عربية خاصة بيك ؟
قريباً ان شاء الله
3- كان عندك كام سنة أول مرة سوقت فيها ؟

الاوتوماتيك كنت بسوقها في حته واسعه من وانا عندي 7 سنين وكنت بروح الم العيال في المدرسه واحكيلهم مغامراتي الرهيبه على سرعة 30

الفيات المانيوال كانت عربيه عمي وكان عندي 13 سنه وكنت بخبط بيها في الحيطه عادي واكمل مشي مفيش مشاكل دا غير الفرك اللي مكنتش اسمع عنه في الاوتوماتيك

4- أية أغرب موقف حصل معاك و أنت سايق ؟
محصليش مواقف الحمد لله لان سواقتي كانت هاديه بس مرره خبطت الجالانت وانا بركنها في عربيه اكسنت كانت واقفه وكان عندي ييجي 10 سنين انا فاكر ساعتها كانت ركبي بتخبط في بعض بطريقه غريبه جداً مع ان العربيتين محصلهمش حاجه
ومرره ركنت العربيه ونسيت المفتاح في الباب (قبل عصر الريموت) لحد ما جه واحد جارنا قالنا لو مش عايزين العربيه فانا جاركم اولى بيها وطبعاً اتروقت ............ز.

**ash257** · 22-01-2010 11:05 PM

1- أتعلمت السواقة على عربية نوعها أية ؟زاستافا 83
2- ماهى أول عربية خاصة بيك ؟ فيات 128
3- كان عندك كام سنة أول مرة سوقت فيها ؟ 22سنة (كنت كبير شوية مش كدة؟؟)
4- أية أغرب موقف حصل معاك و أنت سايق ؟ كتييييييييييييييييييييييي يييييييييييييييير

**misoalex** · 22-01-2010 11:31 PM

موضوع لزيز جدا احييك عليه
وموضوع النص نق بتاع ايس ده مصيبه ههههههههههه
- أتعلمت السواقة على عربية نوعها أية ؟
لادا 2017 اوبل كورسا هاتش 124 و 125 (كل دول فى مكتب تعليم)

2- ماهى أول عربية خاصة بيك ؟
سيات 133
3- كان عندك كام سنة أول مرة سوقت فيها ؟
21 سنه
4- أية أغرب موقف حصل معاك و أنت سايق ؟
كتيييييييييييييييييييييير اوووووووى
اول موقف طبعا اول مره اقعد على دركسيون وكانت لادا والى بيعلمنى قالى اطلع طلعت ومشيت على الاول شويه قالى اقف رحت كااااابس فرامل على الاخر الراجل الى بيعلمنى لبس فى الزجاج والشماسه ودماغه كانت حتتفتح يوميها
وانا فطسط على روحى من الضحك والراجا اتغااااظ بس هو السبب مقليش انه لما جى اقف اوس فرامل واحده واحده
الموقف التانى اول مره اشتريت عربيه السيات وكانت حكاااااااايه ومتعدله عتب وكساحات وفتحه سقف ومكنه 127 ومتظبطه المهم اشترتها باليل وقعت الف بيها عشان اتعلم وكنت حقلبها وكانت حتمشى على عجلتين والى كان راكب معايا اتشاهد
وتانى يوم الصبح بدرى جدا كنت رايح اخد صاحبها عشان نروح يعملى توكيل وانا بلف من تحت كوبرى واصلا كنت داخل عكسى وبجرى تاكس زنق عليا لفيت الدركسيون شمال فجأه العربيه لبست فى الرصيف والعجله دخلت فى الصاج والجنط اتطبق والكاوتش اتفسم والعربيه اتبهدلت شويتين تلاته اربعه كده المهم مشيت 2 متر ركنت العربيه فى نص الشارع تقريبا وطبعا هى مكانتش بتمشى كانت بتنط لان الجنط اتطبق ودخل فى الكارتيره
المهم رحت جبت صاحبها وقولتله اتصرف الراجل كان حيلطم يقولى انت لسه واخد العربيه باليل الصبح تعمل فيها كده كان حيعيط على العربيه
ياااااااااه فكرتونى بحاجات كتيييييييير فى دماغى

الموضوع: أتعلمت السواقة على أية ؟ أول عربية خاصة بيك ؟ كان عندك كام سنة ؟

LinkBack

أدوات الموضوع

عرض

-

-

-

-

-

-

المواضيع المتشابهه

عندك عربية يبقي لازم تعرف عالأقل فكرة عمل كل جزء بالتفصيل

اية عقوبة سواقة عربية اجرة برخصة خاصة ؟؟ذذ

تعلم مراتك السواقة و تجبلها عربية ولا لأ؟؟

عايزة عربية اتعلم عليها السواقة فى الاول

لو عندك عربية ادخل وجاوب .......

الكلمات الدلالية لهذا الموضوع

المفضلات

المفضلات

ضوابط المشاركة