الموضوع: واطية قوى

السلام عليكم
بعد إذن الاساتذه والمهندسين الكبار اللى بنشكرهم على مشاركاتهم القيمه المفيده جدا.
هل من الممكن ان يكون الحل فى عدم التعليه ولكن يكون فى المحافظه على ارتفاع السياره عن الارض وبالتالى فى أن تكون السوست او المساعدين من نوع قوى بحيث يكون حمل السياره فارغه او محمله لايؤثر على الارتفاع ،وفى حالة ان يكون هذا الحل هو المرضى لجميع الاطراف فهل الحل فى السوست ام المساعدين وما هو افضل الانواع.
وشكرا لحضراتكم
اخوكم محمد عبد السلام

انا سأتت عفشجى وقالى افضل شىء لتعلية اللانوس بدون اضرار هو انك تركب سوست ال Bmw

وفى واحد تانى قالى ركب علايات فى الخلف والامام

وفى واحد تانى قال افضل شىء هو تركيب صدادات فى المساعدين بالخلف

وواحد رابع قال سيبك من كل ده وركب جنوط وكوتش نوبيرا .....................

ياريت الخبرا يفيدونا فى صميم الموضوع ويفهمونا ايه افضل الطرق لتعلية اللانوس لان المشكله ديه اعتقد انها تهم كل واحد معاه اللانوس

وبعدين لازم نكون واقعيين ومقتنعين اننا نستخدم سياره غير مناسبه للطرق المصريه وغير مصممه اساسا لهذه الطرق ولكن مصممه للطرق الممهده هذا الى جانب الفارق الكبير بين وزن الانسان الكورى والمصرى ( فرق الفول والمحشيات وخلافه ...)

وشكرا

المشاركة الأصلية كتبت بواسطة AM011

بالنسبة للتعلية معايا

أنا كنت باعاني من انخفاض العربية والمطبات
فاشتريت كاويتش أكبر مقاسه 185 وكنت بادخل على أي مطب تقريبا مش بيحك أبدا غير لو مركب 3 ورا وواحد قدام وأوزان محترمة ، وكان الثبات ممتاز تحت أي سرعة جربت لغاية 150 وباخد غرز من غير خوف


وبعد كده واحد قاللي عليها شوية بوضع كاويتش فوق اليايات
ولما عليتها مكنتش عارف أمشي أصلا ليه مش عارف احدد السبب وأي شوية هواء بيحركوا العربية حتى على 60 !!!!!!!!!!
وكنت بامشي مرعوووووووووووووب
لكن الغريبة لما حد غيري بيجرب يسوق كان بيقوللي العربية سليمة وده تهيؤات ، يمكن علشان هو بيجرب مسافة قصيرة فمش بيحس بالعومان ، لكن في الحالة دي كنت بادخل على أي مطب بأي عدد من الأفراد بقلب جامد ومفيش حاجة اسمها احتكاك في المطب أصلا

وفي الآخر قلت أعمل حاجة وسط وهي إني أخلي العلايات وأرجع الكاويتش لمقاسه الأصلي ، وفي الحالة دي مش بتحك نهائي في أي مطب كان معايا 5 غيري من الوزن الثقيل وباخد المطب عدل مش بالجنب لكن مجربتش اخد المطبات على سرعة زيادة ، والثبات كويس علشان مش بازيد عن 100 علشان طبيعة الطريق ، لكن مشكلتي إني باحس إن مجال المساعد ورا كبير شوية فباحس بالخوف ساعات لما باخد غرز وفي الملفات الشديدة ، بالاقي العربية من ورا بتميل جامد أكتر من المعتاد قبل العلاية .

وللأسف مش هينفع أمشي من غير علاية حتى لو مشيت على 60 بس ، لكن أنا مش فاضي أروح كل شوية أصلح شكمان.

هو ده الكلام المفيد حضرتك دخلت فى صميم الموضوع

انا كان معايا فيرنا فيفا من 3 اسابيع فقط والان بعتها واشتريت لانوس 2007 وده كان لقناعتى بعد تجربتى مع الفيرنا الفيفا لمدة 8 اشهر ان الانوس افضل بمراحل وفعلا كان تصورى فى محله لكن الحاجه الوحيده الى مزعلانى جدا من اللانوس هى الوطى بتاعها وانا ركبت صدادات فى المساعدين الخلفى ولكن النتيجه تقريبا مفيش فرق لان العربيه بتحك فى المطبات حتى لو راكب واحد فقط بالخلف

انا فى الفيفا كنت مركب بطاحات فى المساعدين الخافى وكان مفيش مشاكل نهائى فى المطبات مع اى حموله
لكن فى اللانوس المساعدين الخلفى مختلفه عن الفيفا وكمان السوست خاج المساعدين علشان كده مينفعش موضوع البطاحات معاها فاطريت لتلركيب الصدادات بس معملتش اى فرق يذكر

ياليت يا جماعه الى عنده تجربه ناجحه فى الموضوع ده يفيدنا بيها

تحياتى وتقديرى

المشاركة الأصلية كتبت بواسطة mahmooodnageeeb

هل تركيب سوست ال bmw أفضل أم تركيب مساعدين مونرو خلفي ؟

سؤال مهم يا ريت يا جماعه الى عنده تجربه مفيده فى الموضوع ده يرد علينا ويقولنا ايه الفرق بين سوست ال bmw والمساعدين المونرو وفى كلتا الحالتين ايه هيكون الفرق فى الارتفاع والثبات

المشاركة الأصلية كتبت بواسطة mahmooodnageeeb

هل تركيب سوست ال bmw أفضل أم تركيب مساعدين مونرو خلفي ؟

مش فاهم حاجة اية وجة المقارنة بين السوست والمساعدين