الموضوع: واطية قوى

يا اخوانا مفيش حد بيجاوب علينا !!!!!

لازم حد يرد على حضرتك وأنا متطوع للرد ( وعندى نوبيرا مش لانوس )........شوف الانوس زيها زى الأوبل اللى كانت عندى ( السست الخلفيه منفصله عن المساعدين )......وطالما لديك لرغبه فى تعلية السياره من الخلف .........بيكون فيه علايات ألومنيوم بتتحط تحت كل سوسته من اللى ورا .....وبيتلف على السوسته من تحت حتة خرطوم (على حلقه مثلا ).......وبكده حتصل للى عاوزه ( أنا عملتها فى عربيتى الأوبل .....وكانت عشره على عشره ( وكانت ....مش عاوز أقولك ) مفيش حلاوه بعد كده ..................أنا رديت عليك علشان أحكيلك تجربتى مع الأوبل ( لأن السست الخلفيه كانت فيها زى الانوس بالضبط )...................................وطبعا دى حريه خاصه بصاحب العربيه نفسه وظروفه وطريقة قيادته............

فكرة تستحق التنفيذ ، ربنا يبارك فيك يا بشمهندس سمير

الله يخليط يا أستاذ : محمود

بس مين اللي عملك الموضوع ده هل هنا في الغربية ؟

يا مرحب بيك يا أخى .....وأنا من بسيون ولكنى أعمل بالأسماعيليه حاليا .......والموضوع ده عملته فى بور سعيد ( لأن العربيه كانت أوبل منطقه حره .....وأشتغلت فى بور سعيد 12 سنه )

و أجيب منين العلايات الألمونيوم و الخرطوم ده ؟

موجوده ياباشا عند بتوع قطع الغيار (بالنسبه للعلايات الألومنيوم )........والخرطوم بتاع الغسيل العادى ( علشان عدم حدوث أصوات بين السوسته وطبق الألومنيوم ).......بيدخل جوه السوسته من تحت (حوالى لفه من بتوع السوسته )......علشان لا يحدث أصوات بسبب كون السوسته راكبه على الطبق من تحت ................والموضوع كله ( يكلفك 40 جنيه بكتيره ) خامات ومصنعيه

لأن كلامك معتبر عندنا و ان شاء الله هنفذه .

ياباشا الله يخليك وأشكرك على زوقك ( ويظهر كده أن برضه حصل معاك زى ماحصل معايا فى النوبيرا الحاليه ) السست عندك طريه برضه للأسف....على فكره (على ما أتذكر أرتفاع العلايه بيكون فى حدود 3 سم )

على فكره يامحمود باشا ( العلايه بيكون لها شفه بارزه من فوق علشان تركب جوه السوسته .....بعد مابنحط حتة الخرطوم طبعا حول أول حلقه من تحت السوسته )

ممكن بدل العليات الالومنيوم تبقى عليات كوتش ومنحتجش للخرطوم ولا العليات الالومنيوم افضل

أعتقد العلايات الألومنيوم أفضل .....أولا لأن لها شفه بتبات فى السوسته من تحت .....وبالتالى مفيش فرصه لهروب العلايه ......دا غير أن فرصه تعرضها للقطع والتلف بتكون شبه مستحيله ( طبعا مع تواجد الخرطوم كما بينا من قبل )