الموضوع: العربيه بتتخنق لما تسخن هوندا اكورد 82

المشاركة الأصلية كتبت بواسطة samirayad

عاوزين نعمل تجربه بسيطه ونجرب .........

_ طبعا أنت عارف الأكس بتاع باب الكربوراتير .....راكب على الجدران العموديه للكربوراتير ....

- عاوزك تجيب أسبراى من بتاع الصدأ .....وترش الجلب بتاعة تحميل الأكس على الكربوراتير ...........

- وبعد كده جفف مكان مزيل الصدأ ....

- هات مزيته بتاعة زيت أو حقنه ......وزيت جلب الأكس دى كويس ...أو مكان تحميله ...........

_ على فكره التجربه دى مش حتضر فى شىء بس ممكن تفيد .............لأن أحتمال مع السخونه ووجود صدأ ( الجلب بتاعة الأكس بتتمدد مع الحراره وبتقفش شويه على أكس الباب ) ولو ده اللى بيحصل .......حتعملك الفيلم ده اللى بتعانى منه ..............

المهندس سمير انا بشكرك على المشاركه وبالفعل انا رحت لبتاع كربوراتير وفكه ونضفه وتغسل بالجاز وكان معايا wd40 غرقه من بره وجاب مزيته وبرده غرقه من بره لاكن للاسف مفيش فرق حصل فى موضوع السحب وبالنسبه لموضوع تقل دواسه البنزين لما بتسخن طلع ان السبب السلك وبتغيره راحت مشكله الدواسه ولاكن مشكله ضعف الاداء بعد المشى بالعربيه فتره لسه موجوده بس فى حاجه عايز اسئل حضرتك عليها دخول هواء ساخن للكربوراتير من الماتور بيأثر على السحب لان العمه عندى المفروض بيركب فيها خرطوم واصل من العمه مكان دخول الهواء وواصلل على فتحه فى صدر العربيه لدخول الهواء مباشراً من خارج الماتور الى داخل الكربوراتير ده مش موجود يعنى مش راكب فهل بياثر جامد فى موضوع السحب بعد السخونه وحاجه تانيه طلمبه البنزين عندى كهرباء مممكن بتتضعف مع الشغل على اساس انها فيها دايره كهربائيه ممكن تكون بتسخن وبتأثر على ادئها مع الوقت وخاصة انى لما بسيب العربيه ربع ساعه واجى امش بحس ان فيه تحسن فى السحب ويرجع يقل مع الوقت اسف انى طولت عليك

دخول هواء ساخن للكربوراتير من الماتور بيأثر على السحب لان العمه عندى المفروض بيركب فيها خرطوم واصل من العمه مكان دخول الهواء وواصلل على فتحه فى صدر العربيه لدخول الهواء مباشراً من خارج الماتور الى داخل الكربوراتير ده مش موجود يعنى مش راكب فهل بياثر جامد فى موضوع السحب بعد السخونه

هو دخول الهواء السخن بيفيد فى رفع كفاءة الموتور ....بس ممكن يعملك صوت دق جوه المكنه ( زى أما تكون الكهرباء عاليه ) وأكيد الخرطوم ده منشال من زمان ....قبل العرض الحالى وأكيد كان السحب كويس برضه ...

وحاجه تانيه طلمبه البنزين عندى كهرباء مممكن بتتضعف مع الشغل على اساس انها فيها دايره كهربائيه ممكن تكون بتسخن وبتأثر على ادئها مع الوقت وخاصة انى لما بسيب العربيه ربع ساعه واجى امش بحس ان فيه تحسن فى السحب ويرجع يقل مع الوقت

هو ده اللى أحتماله كبير جدا .......طيب ماتحاول تبرد جسمها من بره .....مع وجود الظاهره دى ..........علشان توصل لمرحلة كأنك لسه مدور العربيه وهى بارده ....وأنا شايف من كلامك أنها باينه قدامك ( أبقى هات فوطه مبللوله ومعصوره من الماء وحطها على جسم الطلمبه من بره وقت الجريمه ..........علشان نبردها ...زى مابنعمل مع الموبينا ) بحيث تمتص الحراره منها بالفوطه لرفع العزل بتاع موتورها.......وجرب .....علشان نحدد موقف الطلمبه الأول قبل مانفكر فى حاجات تانيه ........

الطلمبه عندى كهرباء جنب التانك من بره يعنى المفروض انها ما بتسخنش

أعتقد هو ده العيب ......لأن الطلمبه الكهرباء لما بتكون جوه التنك بيكون معدل تبريدها أعلى من ماتكون بره التنك ( الطلمبات الكهرباء بالذات )

المشاركة الأصلية كتبت بواسطة samirayad

هو دخول الهواء السخن بيفيد فى رفع كفاءة الموتور ....بس ممكن يعملك صوت دق جوه المكنه ( زى أما تكون الكهرباء عاليه ) وأكيد الخرطوم ده منشال من زمان ....قبل العرض الحالى وأكيد كان السحب كويس برضه ... هو ده اللى أحتماله كبير جدا .......طيب ماتحاول تبرد جسمها من بره .....مع وجود الظاهره دى ..........علشان توصل لمرحلة كأنك لسه مدور العربيه وهى بارده ....وأنا شايف من كلامك أنها باينه قدامك ( أبقى هات فوطه مبللوله ومعصوره من الماء وحطها على جسم الطلمبه من بره وقت الجريمه ..........علشان نبردها ...زى مابنعمل مع الموبينا ) بحيث تمتص الحراره منها بالفوطه لرفع العزل بتاع موتورها.......وجرب .....علشان نحدد موقف الطلمبه الأول قبل مانفكر فى حاجات تانيه ........

بصراحه انا بصتش عليها قبل كده لاكن انا بسمع صوتها وهيا بتحضر البنزين هحاول اوصلها وشوف ان كتن هعرف ابردها وقت حدوث المشكله ورد عليك يا با شمهندس سمير

بالتوفيق أن شاء الله ..............

فيه حاجه تانيه نسيت اسئل حضرتك عليها معلش كنت شيلت العمه علشان انضف الفلتر حبيت اشوف حركه الباب التانى الى المفروض بيفتح مع الكبس وذود بنزين بس لاقيت الباب التانى بيفتح بعد الضغط جامد على البنزين وبيفتح يدوبك سنه بسيطه وبيكون الار بى ام على حوالى 6 فهل ده طبيعى انا حاسس انه بيتأخر فى الفتح وانه المفروض يفتح فبل كده يعنى على 4 مثلاُ ونسبه الفتح المفروض تكون كبيره ووضحه ايه راى حضرتك لان انا مابحسش باستجابه قويه لما ادوس بنزين علشان اشد او اجرى

أنا كان عندى أوبل كاربوراتير باثنين باب مانيوال..... .....وكان الباب التانى بيفتح على 90 كم /ساعه وال rpm كان لايتعدى 3500 لفه /ق...........والسحب ماشاء الله وقتها ...........فده برضه وارد .........طيب ماتحاول تشوف موضوع الباب التانى ده برضه ...وتلينه بأى وسيله ......ممكن يكون الأكس بتاعه قافش شويه.........ومن كلامك واضح أنه بيتأخر فى الفتح

المشاركة الأصلية كتبت بواسطة samirayad

أنا كان عندى أوبل كاربوراتير باثنين باب مانيوال..... .....وكان الباب التانى بيفتح على 90 كم /ساعه وال rpm كان لايتعدى 3500 لفه /ق...........والسحب ماشاء الله وقتها ...........فده برضه وارد .........طيب ماتحاول تشوف موضوع الباب التانى ده برضه ...وتلينه بأى وسيله ......ممكن يكون الأكس بتاعه قافش شويه.........ومن كلامك واضح أنه بيتأخر فى الفتح

يعنى المفروض الباب التانى مرتبط بالار بى ام ولا بالسرعه اعتقد انه مرتبط بالار بى ام يعينى كل ما يوصل 3 او 3.5 يفتح الباب التانى يعنى كل ما توصل للرقم ده فى كل تقله المفروض انه يفتح مش كده