العربيه بتتخنق لما تسخن هوندا اكورد 82

**tarek_yusry** · 08-05-2009 07:47 AM

مع احترامي لكل من وضع ردا سيدي من الاخر روح البنزينه ونظف دايره المياه جيدا ثم اشتري ترومستات وركبه وظبط التاكيهات وادعيلي

**ads** · 10-05-2009 10:46 AM

المشاركة الأصلية كتبت بواسطة tarek_yusry

مع احترامي لكل من وضع ردا سيدي من الاخر روح البنزينه ونظف دايره المياه جيدا ثم اشتري ترومستات وركبه وظبط التاكيهات وادعيلي

بس مؤشر الحراره ما بيعديش اكتر من النص ومجرد ما امش فى طريق مفتوح المؤشر بينزل بشكل ملحوظ وبالنسبه للترموستات المراوح بتشتغل طبيعى جداً وبالنسبه للتاكيهات انا فعلاً ظبطها بس محستيش باى فرق حصل لا فى السحب ولا فى صوت الماتور

**mood_8210** · 10-05-2009 08:32 PM

عندى نفس المشكلة متابع باهتمام

**tarek_yusry** · 11-05-2009 12:03 PM

يا استاذي انت بتقول لما العربيه بتسخن ما بتسحبش يعني الحراره مخرفه وبعدين تقول مفيش مشكله في الحراره يبقي تكشف علي دايرة كهرباء الماتور تتاءكد من سلوك البوجيهات ووش الاسبراتير وتتاءكد من البوجيهات ممكن يكونو مرطبين وخلي الميكانيكي يحلهم امامك وشوفهم البوجيه المكربن تعرف ان هناك تسريب من الماتور او مشكله في الكربراتير ارجو ان اكون وضحت الصوره

**ads** · 11-05-2009 01:12 PM

المشاركة الأصلية كتبت بواسطة tarek_yusry

يا استاذي انت بتقول لما العربيه بتسخن ما بتسحبش يعني الحراره مخرفه وبعدين تقول مفيش مشكله في الحراره يبقي تكشف علي دايرة كهرباء الماتور تتاءكد من سلوك البوجيهات ووش الاسبراتير وتتاءكد من البوجيهات ممكن يكونو مرطبين وخلي الميكانيكي يحلهم امامك وشوفهم البوجيه المكربن تعرف ان هناك تسريب من الماتور او مشكله في الكربراتير ارجو ان اكون وضحت الصوره

شكراً ليك يا استاذ طارق ان شاء الله هراجع على الحاجات الى قولتلى عليها بس بالنسبه لمؤشر الحراره ممكن فعلا يكون مخرف وما بيعكسش درجة الحراره الفعليه بس المراوح بتشتغل بصوره طبيعيه

**alpatshino** · 04-07-2009 08:22 PM

والله ياجماعة انا عندي نفس المشكلة دي في المازدا 323 ولسة مظبط الكاربراتير بس انا عندي بوجية بيعرق زيت يعني عاوز طقم شنبر وبيتهيألي ممكن يكون ده اللى بيعمل المشكلة .
بمعنى ( وده في رأيي المتواضع ) ان زيادة درجة حرارة الموتور بتأثر على كفائة البوجيهات لو هي مش مضبوطة او بمعنى أصح لو الجوانات مش سليمة .
على العموم انا مهتم جداا بالوصول الى سبب .
والله الموفق.

**mohamed777** · 04-07-2009 09:17 PM

اعتقد هتحتاج ضبط تكيهات

**ads** · 07-07-2009 11:15 AM

المشاركة الأصلية كتبت بواسطة mohamed777

اعتقد هتحتاج ضبط تكيهات

ظبطها مرتين لغاية دلوقت

**mood_8210** · 07-07-2009 02:33 PM

كان فى موضوع بيشرح نفس المشكلة دى و اللى فهمتو ان مع الحرارة تحت الكبوت طلمبة البنزين بتسخن و البنزين اللى جواها بيتبخر و مبتضخش زى الطبيعى بتاعها و المشكلة دى موجودة فى كل العربيات القديمة اللى الطرمبة بتاعتها ميكانيكا يعنى واصلة على الموتور لكن كل العربيات الجديدة الطرمبة بتبقى فى التنك و بتبقى طرمبة كهرباء
و فى طريقة عشان تتاكد و هى ان اول ما العربية تتخنق تقف و تكب مية على طرمبة البنزين او تحط عليها فوطة مبلولة و شوف الفرق و الله اعلم

**ads** · 08-07-2009 10:29 AM

المشاركة الأصلية كتبت بواسطة mood_8210

كان فى موضوع بيشرح نفس المشكلة دى و اللى فهمتو ان مع الحرارة تحت الكبوت طلمبة البنزين بتسخن و البنزين اللى جواها بيتبخر و مبتضخش زى الطبيعى بتاعها و المشكلة دى موجودة فى كل العربيات القديمة اللى الطرمبة بتاعتها ميكانيكا يعنى واصلة على الموتور لكن كل العربيات الجديدة الطرمبة بتبقى فى التنك و بتبقى طرمبة كهرباء
و فى طريقة عشان تتاكد و هى ان اول ما العربية تتخنق تقف و تكب مية على طرمبة البنزين او تحط عليها فوطة مبلولة و شوف الفرق و الله اعلم

استاذ mood الطلمبه عندى كهرباء جنب التانك من بره يعنى المفروض انها ما بتسخنش لان الهوا على طول بيبردها طول مالعربيه ماشيه