الموضوع: حلم حققته وحلم ماحققتوش

المشاركة الأصلية كتبت بواسطة samoevil911

انا احلامي كتيييير اوي بس معظمها محطم .. فانا هقولكم وانتوا اقروا ...
1- حلمت اطلع الاول علي الجمهورية في الثانوية العامة .. ومذكرتش غير من شهر 4 بس طلعت ال 13 علي الجمهورية
2- حلمت ادخل كلية علوم قسم فيزياء .. اهلي قالولي ياطب يا صيدلة وبلاش علوم ملهاش مستقبل .. دخلت حقوق
3- حلمت اطلع الاول علي دفعتي مكنتش بذاكر غير قبل المتحنات ب 3 اسابيع يا شهر بالكتير طلعت التالت
4- حلمت ان انا اكون بطل العالم في الكونغ فو واوصل اولمبياد بكين .. خدت بطولة الجمهورية وقبل التصفيات جالي ورم في قصبة رجلي وعملت عملية واجبست 3 شهور .. وممنوع من اي حاجة لمدة سنة ...
5- حلمت ان حكومة بلدي تقدرني .. بما ان انا مفروض من ازكي سبع طلاب علي مستوي العالم .. ولا حد قالي انت مين ..


اغرب حاجة ان صحابي بيسغربوني .. لأن انا ولا بحب العربيات وبكره السواقة .. انا بحب التكنولوجيا اللي في العربيات وبحب الاختراعات جدا... مش بحب الفلوس واللي بحلم اسكن في اماكن غالية .. بس عايز اسكن في مكان رومانسي مش اكتر.. :k10:


كل دا راح .. ومش بفكر فيه ... حلمي دلوقت ان انا اخلص كليتي .. واسافر ادرس فيزياء .. واخد جيزة نوبل قبل عام 2035 لو عشنا ان شاء الله ... لو الحلم دا متحققش بجد هحس ان انا مستحقش اني اعيش ... والدي دايما بيقولي حكمة ..( الدنيا ان لم تستطع ان تزد عليها . فأنت زائد عليها) ..
وانا مش عايز ابقي زيادة علي الدنيا ... نفي لما امووت الناس تقول دا عمل حاجة .. مش عايز ادخل الدنيا نكرة واطلع منها نكرة

الله عليك يا سامو انت مش تستاهل مروحة ده انا هكلملك توشيبا يدولك الشركة.


ماشاء الله عليك ياريت كل اللى بيحلم يقرب فى تحقيق احلامه منها زيك.


وربنا يكرمك وتحقق حلمك ومعاك اعضاء نايل موتورز كلهم يدعولك ويستنوا من الافضل دايما.

فينك يا ابو سيف تشوف الناس بتحلم ازاى..........