ibiza 2001

**M.Mostafa80** · 12-04-2009 02:16 AM

بالثلث لأ وخصوصا زى ما محمد قالك لو حطيت خليط 92 مع 95 هتاخد نتيجه مش طبيعيه ولو انت حابيب الموضوع قوى دور على عربيه تكون ماتورها 1400
أو ممكن بعد ماتجيبها لوناوى تقنيها وتقعدها معاك ممكن تسقطلها ماتور 1600 أو 1800 وساعتها أبقى سلملى على البى أم مش النوبيرا مع أحترامى وتقديرى للبى أم طبعا أنا ليا واحد صحبى معاه نوبيرا اركب معاه أسمع صوت الماتور كأنو ماشى على 120 130 أبص فى العداد ألاقيه ماشى على 70 دا غير شكوتو الدائمه من البنزين
ومشاكل بالعبيط فى الفرامل دى لأن فعلا العربيات دى ماتستهلش هو أحنا فى مصر شايل موبايل نوكيا راكب نوبيرا لانسر تيوتا يبقى كدا انتى فى السليم مع ان الحاجات دى لا تقارن بالألمانى والفرنساوى والأسبانى
ويكفى أن معايير الأمان أصلها أوروبى هل فى عربيه من دول موجوده وبكثره فى أى من البلاد المذكوره

**snakeson2** · 12-04-2009 02:27 AM

يا باشا مع البنزين ال92 بيبقي فية فرق في السحب مع تشغيل التكييف . ولو سعادتك حطيت 95 مستحيل يكون فية اي مشاكل او ضعف في الاداء

**mando_07** · 12-04-2009 09:58 AM

ألف شكر لرددكوا
بس هو البنزين ال-٩٥ دة بيعمل كيلوهات أكتر من ال-٩٢ ولا هيا هيا يعني مثلاً لو حد حسبها الصفيحة ال-٩٥ بتعمل كام كيلو بالتقريب كدا

**M.Mostafa80** · 12-04-2009 11:16 AM

درجه الأوكتان فى البنزين ملهاش علاقه بكميه الأستهلاك الماتور المظبوط واستهلاك السياره الطبيعى
يعنى البولو مثلا الى هى بنت عم أبيزا بتعمل 120أو 130 ك فى العشره لتر جوه البلد
140الى 160 ك فى العشره لتر على الطرق السريعه بالسرعه النورمل الى هى 90-100

**mando_07** · 12-04-2009 12:10 PM

!! أنت عربتك كربراتر بقى مش كدا أصلي حاسس أن الاستهلاك دة كتير على عربية 1000cc (ملحوظة العربية اللي أنا بتكلم عليها ابيزا ٢٠٠١ إنجكشن و كنت اتوقع أنها تعمل من ٣٥٠-٣٧٠ كم في الصفيحة جوا البلد) وطبعاً مش عارف أشكرك ازاي معلش أنا ازعجتك معايا

**ehab_mansour** · 12-04-2009 12:14 PM

إضافة علي كلام رجالة انا معايا ابيزا 98 بس من غير تكييف ولسه عاملة معايا معدل 350 كيلو في الصفيحة ربعهم جوة البلد والباقي برة يعني استهلاك ممتاز جدا جدا ولكن المهم هو سواقتك انت

وعايز أعرفك ان اخويا معاه لانوس 2001 وزوج أختي معاه نوبيرا 97 استيراد معاقين وبفضل الله انا لا أحترم سوي الألماني والعربيتين استهلاكاتهم في كل شيء أكتر من الإبيزا رغم ان عربيتي عاملة كيلو متر كتير وحاليا فيها بعض المشاكل اخونا محمد عارفها ومع ذلك عملت المعدل اللي انت شايفه ده وكمان محركها عامل 224 الف كيلومتر حتي الأن بفضل الله من غير اي مشاكل سوي صيانات عادية وعلي فكرة انا بسافر دائما ولا يساويني أحد علي الطريق سوي الناس المجنونة اللي بتعدي 150 كيلومتر في الساعه لكن لو الطريق محتاج فن وسواقة وسرعه حتي 150 انسي لا يساويك أحد بفضل الله واي خدمة

**ehab_mansour** · 12-04-2009 12:18 PM

عربتي وعربية محمد والأخ سناكسون كلها محركوات حقن الكتروني كامل يعني انجيكشن وليست كربيراتور ولكن الفرق ممكن في طريقة السواقة أو استخدام التكييف او أو ظروف الطرق وحالة كل شيء في السيارة والأهم الأهم هو اسلوب قيادتك دي أهم العوامل المؤثرة علي معدل استهلاك البنزين لك واحنا تحت أمرك

**ehab_mansour** · 12-04-2009 01:42 PM

شوف يا باشا اللي أسمع عنه ان تكنولوجيا التحكم في محركات فولكسفاجن تطورت بشكل كبير جدا في الموديلات بعد ال 2000 واللي اسمع عنه ايضا ان المحرك ال 1000 سيسي في موديل 2001 أفضل بكتير من المحرك ال 1000 سيسي في موديلات أقل من 2000 لكن بصراحة انا ما شفتش ولا سمعت من الناس اللي عندهم الموديلات الحديثة ايه نظامها يعني أعتقد ان كلامك صح وكمان برضه عايز أقلك ان عربيتي مش مقياس لأن انا عندي مشاكل في المحرك وانا عارفها وجاري اصلاحها يعني بالتأكيد المحرك اللي عامل عداد كيلومتر أقل والأعلي في الموديل والتكنولوجيا وذو الحالة الجيدة جدا والمضبوطة ممكن يعمل وممكن لأ الله أعلم ده محتاج حد يكون عنده الموديلات دي ويفيدنا

والله أعلي وأعلم وشكرا

-

-

الموضوع: ibiza 2001

LinkBack

أدوات الموضوع

عرض

-

-

-

-

-

-

المواضيع المتشابهه

Ibiza 2001 Manual

مطلوب ibiza 2001 - 2002

Seat Ibiza 2001 1400cc

ibiza 94 vs accent 2001

الفرق بين الـ (polo 2001 & ibiza 2001) OR (Juliet

الكلمات الدلالية لهذا الموضوع

المفضلات

المفضلات

ضوابط المشاركة