ibiza 2001

**mando_07** · 09-04-2009 02:21 PM

أولاً أحلى تحية لاحلى شباب بقسم السيات
أنا كنت عايز استفسر عن حاجة في الابيزا ال-٢٠٠٠-٢٠٠١ إيه أخبار الموتور ال-1000cc معاكوا كويس وبيجري ولا كتيان ؟يعني مثلاً يطلع من 1300cc كوري (اكسنت مثلاً) ولا لأ وتكييف العربية إيه أخباره حلو وبيسقع ولا مش أوي والكنبة الخلفية واسعة ولا مش أوي؟ واستهلاكها في البنزين إد إيه في الصفيحة؟ و أي ملاحظات ليكوا طبعا على العربية يا رت تقولوها و أخيراً تنصحوني بيها ولا الواحد يجيب بتمنها نوبيرا أو سيفيا؟
وأنا أسف أوي على الاسئلة الكتيرة دي بس انتوا عارفين أن قرار شراء عربية دة برضو محير أوي
وشكراً ليكوا مقدماً:k10:

**mando_07** · 09-04-2009 09:04 PM

إيه يا جماعة مفيش ولا رد واحد حته :K_crying[1]:

**snakeson2** · 11-04-2009 03:51 AM

ياباشا العربية محترمة جدا والناس بتشكر فيها والموتور جامد جدا اكسنت اية الي متعرفش تقطع نفسها. بس لو عايز الموتور باقصي قوة حصانية يبقي عليك وعلي بنزين 95 ولو حطيت 92 التكييف مع السحب هيخلي السحب يتاثر شوية بسبب البنزين طبعا .
بس العربية تمام وكفاية انها اوروبي

**mando_07** · 11-04-2009 02:44 PM

طب يا باشا ممكن شوية تفصيل يعني بتعمل إد إيه في الصفيحة جوا البلد لو بنزين ٩٥ أو بنزين ٩٢ وتكييفها إيه نظامه وسحبها عامل إيه؟ يعني مثلاً يطلع من لانوس أو اكسنت ولا صعب و ألف شكر ليك يا باشا ولو عندك أي ملاحظات طبعاً يا ريت تقولها ولو تفضل عليها في نفس رنج التمن(سيفيا-نوبيرا) حاجة تانية برضو يا ريت أعرف رأيك
وشكراً ليك تاني:k10:

**snakeson2** · 11-04-2009 03:53 PM

بص ياباشا انا معايا بولو وطبعا الابيزا علي اعتبار انها مشتركة مع حاجات كتير مع البولو فممكن الخص لك الموضوع كالاتي!
اولا العربية لاتقارن باي عربية كوري او صيني او ماليزي في الدنيا .
الموتور 1000سي سي . يعني موتور لاستخدامات داخد المدينة وطبعا سفر عادي جدا بس هوة مش للاستخدام العنيف يعني مش ممكن تدخل بية سبق.
لو سعادتك بتقول 120 130 150 مفيش اي مشاكل لو عايز اكتر من كدة برضو فية مواتير اقوي.
البولو مثلا ليها 9 فيرجن وكذا شكل موتور اقواهم الجي تي اي 1600 سي سي .
بالنسبة للراحة والخامات طبعا فرق كبير وبين الكوري ممكن سعاتتك تدخل الانوس وتدخل الايبيزا وطبعا مش هقولك اية الاحساس لانة بجد ميتوصفش!
البنزين طبعا مش هتاخد بالك منة لانك ممكن تفول مرة او مرتين في الشهر لو استخدامك قليل وحسب السرعة .وفية مواضيع الناس حاطاها في المنتدي بالنسبة لاستهلاك البنزين للعربية دي.
طبعا فكك من الانوس لانها بعد 120 ممكن تطييييير .
وانا مفيش عربية لانوس عرفت تطلع مني . دة بيعتمد علي السائق قبل اي حاجة.
ولعلمك كلة محصل بعضة لو جريت او مشيت بسرعة مش هيكون فية فرق كبير . خلي بالك شوارعنا زبالة وكلة علي العربية !
نوبيرا عربية كويسة في تقديري وقطعها متوفرة وارخص بكتتير !
بس اهم حاجة انت عايز من العربية اية بالظبط !
سرعة ولا شكل ولا رفاهية ولا اية!
ربنا يوفقك

**mando_07** · 11-04-2009 06:51 PM

يعني اللانوس أنت بطلع منها غرز ولا جري لو جري يبقى العربية دي محترمة اه 1000cc بس كويس وبالنسبة لموضوع البنزين يعني بالتقريب بتعمل كام في الصفيحة والتكييف جمد ولا مش أوي وبرضو مقلتليش رأيك لو مكاني تجيبه ولا تجيب حاجة تانية

**snakeson2** · 12-04-2009 12:20 AM

بص ياباشا شوف المواضيع وتقييم الناس والمقارنات وبكدة هتتكون لك صورة اكبر عن السيارة وممكن سعادتك تدخد قسم الكوري وبرضة تشوف تقييمات الدايو

**M.Mostafa80** · 12-04-2009 01:30 AM

دايو ايه الى انت جاى تقول عليه لمؤاخذه يا أبو حميد
على فكره انا فى مره خيطت واد بدايو لانوس وكان هيعيط جانبى بالموتور الألف الى بنتكلم عليه دا
ودا الهورس بور طريقه حسابه للعربيات الألمانى أو الأوربى عمتا طريقه حسابها غير الكورى واليابانى وسلمولى على النوبيرا أم صوت عالى وسرعه مفيش وسف بنزين

**M.Mostafa80** · 12-04-2009 01:33 AM

وعلى فكره دا كان لسهأقربها يوم الجمعه باليل كانت لانوس وشيفورليت مش دايو يعنى موديل حديث ولسه زيرو

**mando_07** · 12-04-2009 01:43 AM

المشاركة الأصلية كتبت بواسطة momomero

دايو ايه الى انت جاى تقول عليه لمؤاخذه يا أبو حميد
على فكره انا فى مره خيطت واد بدايو لانوس وكان هيعيط جانبى بالموتور الألف الى بنتكلم عليه دا
ودا الهورس بور طريقه حسابه للعربيات الألمانى أو الأوربى عمتا طريقه حسابها غير الكورى واليابانى وسلمولى على النوبيرا أم صوت عالى وسرعه مفيش وسف بنزين

مش هقولك غير طمنتني يا باشا

وعلى فكرة أنا مبعيبش في موتورها أنا بسئل بس
بس الموتور الصغير دة مش بيبقى مشكلة مع تشغيل التكييف وأخيراً أنت لو مكاني تفضلها عن النوبيرا ?

الموضوع: ibiza 2001

LinkBack

أدوات الموضوع

عرض

ibiza 2001 - انشر الموضوع فى :

-

-

-

-

-

-

-

المواضيع المتشابهه

Ibiza 2001 Manual

مطلوب ibiza 2001 - 2002

Seat Ibiza 2001 1400cc

ibiza 94 vs accent 2001

الفرق بين الـ (polo 2001 & ibiza 2001) OR (Juliet

الكلمات الدلالية لهذا الموضوع

المفضلات

المفضلات

ضوابط المشاركة