تقييم السيمبول؟

**عمرو عمارة** · 12-04-2009 01:48 PM

مبارك السيارة يا أستاذ أشرف......من الواضح إنها سيارة جميلة جداً ما شاء الله وكلنا كنا مستنين أي أخبار عنها

ربنا يباركلك فيها :k10:

**وائل عطية** · 12-04-2009 01:56 PM

مبروك على العربية ربنا يحفظهالك من كل سوء وتستعملها في الخير إن شاء الله
شد حيلك بقى معانا وفكلنا " طلاسمها " لأنها لسه جديدة وتقريباً انت أول واحد يجيبها في المنتدى

**محمد عز** · 13-04-2009 08:25 PM

تقييم رائع يا استاذ أشرف ، ربنا يباركلك فيها

**ashrafsadaany** · 14-04-2009 01:09 AM

ربنا يبارك فيكم جمعآ وشكرآ على زوئكم ويارب بارك لنا فى كل خطواتنا فى الحياة دى اتمامأ لنعمك علينا

**hady83** · 21-04-2009 02:42 PM

الف مليون مبروك يا استاذ أشرف
فيه سؤال
لو انا عايز أشتري السيمبول بس انا شغلي معظمه سفر وطرق مكسرة(مدقات) هل تنفع معايا؟:10d5c8~1107:

**ashrafsadaany** · 22-04-2009 08:50 PM

يا اخى الفاضل عايز اقولك اننا جبتها علشان نفس الاسباب ودا هتلائية بلتفصيل فيما سبق

**n3na3aah** · 24-04-2009 05:42 PM

مشكوور استاذ اشرف هل معني كلامك اني في اول 3000 كم لازم احطلها بنزين 95 و بعدين ارجع احط 92 ولا ايه و يا ريت تقلي لما بتجيب سرعات عاليه على الطريق السريع العربيه بتخف على الطريق ولا بتحس انها لسه ثابته معاك

**ashrafsadaany** · 25-04-2009 02:11 AM

يا اخى الكريم انا لم اضع غيير بنزيين 92 وألى شجعنى على ذلك ان السيارة بفضل الله مكركرتش منى خالص فى اقصى الظرووف على رغم ان مكتوب انها بنزيين 95 او 98 فقط لاكن المؤكد ان ال95 هيغير ادائهااااا اما بانسبة للثبات فحصل معايا موقف طرييف فى اول سفر ليا على الطريق السريع كنت ماشى على 150 كم وكنت حاسس بشعور غرييب فى الدركسيون مش مرييح اما فى السفرية الثانية قررت اخش امون من بنزينة الامارات الى على طرييق مصر اسكندرية وقلت بلمرة اضبط الاطارات وكانت المفاجئة ان الاطارات مضبوطة على 42 فى تقيمى ال3 الاف السابقة ودا سبب توتر السيارة على السرعات العالية على الرغم انى كنت ضبطهاااا اول ماجبتها عند واحد كنت اظن انو ثقة وعايز اقول ان السيارة تغيرت تمامآ ولغاية 170 كانت هادئة جدآ ودركسيون السيارة كان رزيين

**mitch102** · 30-04-2009 04:11 PM

ألف شكر على التقييم يا باشا و ربنا يباركلك فيها ، عموما لو ممكن أضيف جزءبسيط على التقييم لأني سبق لي و عملت تقييم مبدئي للسيمبول الأتوماتيك و كنت عامل بيها 800كم بس وقتها، استهلاك البنزين وقتها على متوسط سرعة 26.5 كم / ساعة كان 9.5 لتر/100كم يعني حوالي 210كم في الصفيحة داخل البلد ، و بعدين وصل معايا لحوالي 260كم في الصفيحة على متوسط سرعة 65 كم/ ساعة (ما بين طريق طوالي و داخل البلد) يعني متوسط استهلاك كويس جدا من وجهة نظري المتواضعة ، أما المشكلة اللي قابلتني كانت في العفشة بتاعتها اللي أنا لسة مش مرتاح ليها الى الأن علشان حاسس انها ناشفة شوية ، المهم بعد ما مشيت بيها 1800كم سمعت صوت خبط خفيف في العجلة الشمال قدام، رحت التوكيل و بعد الكشف قالولي ان البطاحة الشمال بايظة و لازم تتغير و للأسف ما كانش عندهم في المخزن و الى الأن في انتظار وصول البطاحة بالسلامة ان شاء الله و أملي ان العفشة تتظبط بعد كده

**ashrafsadaany** · 30-04-2009 11:14 PM

ربنا معاك يا اخى الفاضل ومتألئش الناس دى محترمة اوى وخاصة المقطم واحب اطمنك ان عفشتها ممتازة وهادية جدأ بفضل الله ويارييت تتأكد من ضغط الهواء برضو علشان دا حصل معايا كما سبق ذكرة