احب بس اوضح نقطة.... الترموستات بيمنع مرور مية التبريد من الموتور الى الرادياتير... المية موجودة باستمرار فى البلوك لكن دخولها الى الرادياتير للتبريد يعتمد على وضع الترموستات
الموتور له درجة حرارة معينة تعتبر هى الامثل للتشغيل و دى الحرارة اللى نظام التبريد بتغع العربية بيحاول يحافظ عليها... لما بنلغى الترموستات بنخللى الموتور يشتغل فى درجة حرارة اقل من الطبيعى و بالتالى الكونترول بيحاول يسخن العربية بانة يدخل فى warm up mode و يرمى بنزين زيادة عشان يسخن العربية و يرفع الRPM (اكنك شادد الشفاط عشان تسخن) و دة بيرفع استهلاك البنزين و بيزود فرصة ترسب الكربون على اسطح غرفة الحريق
اضافة لكدة حتبقى حرارة الموتور بتتغير كتير بين ارتفاع و انخفاض حسب ظروف الطريق و دة اجهاد حرارى لمعدن الموتور و الوش و ممكن يسبب اضرار على المدى الطويل
يعنى من الاخر الغاء التموستات غلط
MMamdouh
المفضلات