رخصة بالواسطة

**Hussein_Ramdan** · 23-12-2008 12:39 AM

طبعا الواسطة بس انا كونت جاى بوسطة تقيلة شوية لدرجة قائد الوحدة نفسو الى جبلى الرخصة وقالى سلملى على ******* باشا
قولتلو ومالو حاضر
وخد الرخصة ومشيت :(

**Hussein_Ramdan** · 23-12-2008 12:41 AM

المشاركة الأصلية كتبت بواسطة shalabota

انا دايخ علشان اطلع الرخصة واحد جابلي واسظة تتخيلوا ايه ؟؟؟؟؟عسكري في المرور الي جابهولي قالي ده حياخد منك 700 جنيه وحتاخدها وانت واقف طبعا ده غير حلاوة الاخ اللي جايبهولي انا استغربت وقلتله عسكري؟؟؟؟؟؟؟؟؟ قالي ده هو اللي حيجيبهالك بس انا استغليت المشوار ده وبدور على سكة تانية وربنا يسهل

دة حرامى 700 جينة اية ياعم
انتا تكمل عليهم وتشترى عربية
حرام 700 جينة

**shafey** · 23-12-2008 12:53 AM

انا قلت اعتمد على نفسى واذاكر كويس علشان اطلع الرخصة من غير واسطة المهم روحت امتحنت اشارات اول مادخلت الراجل بتاع الاشارات قالى مساء الفل ياباشا قولتلو مساء الخير قالى طيب فين ؟؟؟ قلتلوا هوا اية اللى فين ........... راح ماشى وقالى ابقى قابلنى ؟؟؟؟؟؟ المهم انا فى اليوم دة مامتحنتش اصلا والملف بتاعى ضاع ومعرفتش اطلع الرخصة غير بالواسطة ... الواسطة ثم الواسطة ثم الواسطة

**AshTurbo** · 23-12-2008 01:31 AM

نعم وكنت بعرف أسوق بس ماكانتش الواسطة بتاعتي أكثر من 20 جنيه في جيب قائد المركبة المتخم بأموال الشعب والفلوس كانت بتفيض من كتر ما هو مليان بس أعتقد الحكاية أتصعبت شوية دلوقتي لأن أنا مطلع رخصة من 7 سنين ممكن تكون الحكاية بقت أصعب شوية ومحتاجة واسطة أو المبلغ زاد حبتين وفي كلتا الحالتين الفساد موجود ويجلس متربعاً ومعربداً فوق صدورنا .

**mahmoud_magdy** · 23-12-2008 02:07 AM

انا ولله الحمد طلعت الرخصه بمجهودي
لكن دا ميمنعش الاكراميات اللي كانت بتطلع
اولا انا طلعتها من مرور عبود في شبرا
واخدت كام حصه كدا في مدرسه تعليميه واجرت عربيه منهم عشان الامتحان طبعا والمدرب هو اللي تولى كل شئ تقريبا
وكأنو كان بيوزع فلوس من جيبو مش من جيبي انا
في الاول وانا رايح المرور كان بيلمح على فلوس
قلتلو لما الرخصه تطلع ولما دخلنا جبت الورق
ودخلت امتحنت في الاشارات والحمد لله كنت ذاكرتها
واول فلوس طلعت كانت للعسكري عشان تكون العربيه في
اول صف في الامتحان والحمد لله طلعت بالعربيه
واتأشرلي ناجح وطبعا فلوس للهانم اللي بتستلم
الملف بتاعي وبتهيأو
وبعد كدا اديت للمدرب فلوس ليه
واتصورت ومشيت
وكنت والحمد لله مروح ب ربع جنيه
وكان يوم جميل ومن كتير ما كنت مخنوق
شكلي في الرخصه طلع وحش جدا
ودعيت على الراجل وهزأت المكتب
ههههههههههههههههههههههه
وبكده اكون طلعت الرخضه على أمل ان يكون في عربيه
وكان من سنه ونص تقريبا والحمد لله العربيه لسا مجاتش

**Terrible_DaRsH** · 23-12-2008 02:19 AM

صاحبي راح مدفعش فلوس لحد ...
دخل امتحان النظرى الراجل قاله هتسقط يعنى هتسقط ...
رئيس الوحدة قاله تعالى كمان 3 شهور ولو متسربع اوى تعالى كمان شهر ..
عمه نزل من قطر تانى يوم خد منه البيانات والصور ...
وطلعلهاله بعدها بيومين اللى هو اول امبارح ...
وجارى هنا بيطلعها ب 300 جنيه لاى حد ...
فعلا دولة تستحق الاحترام ...

**magyver** · 25-12-2008 01:58 AM

والله ظابط المرور كان رخم فلازم الواسطة هيا اللي هاتمشي معااة
وانا طلعتها وانا عندي 18 ويوم قدمت الورق

**M.Osman** · 26-12-2008 12:17 AM

نجحت تانى مرة .. ساعتها كنت بعرف اسوق فعلا...

على الفكرة .. الواسطة هى اللى جعلت العربيات اللى فى الشارع مكسرة و حالتها حالة لأن اغلب الناس مبتعرفش تسوق اصلا ..

**Terrible_DaRsH** · 26-12-2008 01:26 AM

المشاركة الأصلية كتبت بواسطة SuccessCre8or

على الفكرة .. الواسطة هى اللى جعلت العربيات اللى فى الشارع مكسرة و حالتها حالة لأن اغلب الناس مبتعرفش تسوق اصلا ..

+ الحوادث + العطلة ...
وعلى فكرة سواقين الميكروباصات اللى ميعرفوش يطلعوا رخصة بالواسطة وبيطلع عينيهم عقبال ما يطلعوه رخص اساسا بيعرفوا يسوقوا احسن من سائقي الملاكى بنسبة 40% ...

**M_Nabil** · 16-05-2009 01:28 AM

من غير واسطة بس من ثاني مرة نجحت في النظري وفي العملي دخلت تمام وانا راجع حكيت في قمع ههههه كنت بمتحن بعربية بيجو 505 Gr استيشين كدة ليه عزر طبعا P: العربية طويلة ومش واخد على مقاستها الكلام ده كان سنة 97 تقريبا المهم قالى تعلا بعد شهر امتحان عملي ثاني ورحت بعد شهر بنفس العربية وطلعتها الحمد لله، ورحت بعد كام سنة مع ناس صحابي بيطلعوها الصراحة مبعرفش امسك نفسى من الضحك ملى بشوفة من الشباب اللى رايح يمتحن وكذا مرة اشوف فوانيس بتكسر من كثر التريح على بعض انا عارف انها تواتر اعصاب بس مش لدرجة دى يعني وربنا يوافقك الجميع.

مشاهدة نتائج الإستطلاع: طلعت رخصة القيادة بالواسطة؟

الموضوع: رخصة بالواسطة

LinkBack

أدوات الموضوع

عرض

-

-

-

-

المواضيع المتشابهه

تحويل سيارة ملاكي الى سيارة أجرة (تاكسي أبيض) و تغيير رخصة القيادة الى رخصة مهنية

رخصة القيادة.. رخصة السيارة ..ضاعوا

رخصة دولية

عايز أطلع رخصة بالواسطة

رخصة القيادة

الكلمات الدلالية لهذا الموضوع

المفضلات

المفضلات

ضوابط المشاركة