الموضوع: رخصة بالواسطة

المشاركة الأصلية كتبت بواسطة kimo-nubira

انا رحت الاول اختبر زي اي احد وعديت اختبار الاشارت ورحت بقي اختبر السواقه لاقيت مهندس رخم وعمال ينرفز علي الناس ويشخـــــط في ده

ويتنطط علي ده واللي جاي بواسطه او مقبضه تحس ان هو كويس معاه رحت علشان اقدمله الورق راح مكلمني بقله زوق رديت عليه وماسكتلـــوش

حطني في دماغه ومرديش ينزلني اختبر ؟؟ اسكت ؟؟ ...................... رحت قايله تصدق بالله انا بكره هاجيلك وانت اللي ها تأشرلي ناجـــــــح

بنفسك .. روحت البيت وانا مخنوق طبعا ومكنتش قايل لحد من البيت اني رايح اعمل رخصه المهم والدي شافني وانا مضايق قالي مالك فا حكـيتله ..

قالي ولايهمك وراح ماسك سماعه التليفون واتصل بناس معارفه تاني يوم كنت قاعد في مكتب رئيس نيابات المرور بتاع بين السرايـــــــــــــــــــ ـــــات

اداني كارت من عنده وقالي انزل للمهندس اللي تحت واديله الكارت ده وبعت معايا عسكري .. نزلت ومن غير ما اتكلم اديته الكارت قالي يا بيه مش

كنت تقول والله انا ما اعرف طيب اقعد استريح تحب تشرب ايه والكلام ده وقالي تحب تختبر ولا ماتحبش علشان انا عندي تفتيش النهــــــارده لو مش

عايز تختبر تعالا بكره وانا هاطلعهالك وانت قاعد قولتله لاءه انا بعرف اسوق كويس جدا والحمدلله نزل الاختبار ونجحت وتقريبا انا الوحيــــــــد اللي

نجحت في الاختبار اليوم ده كل الناس اللي شوفتهم قابلي كانو بيخبطو الاقماع والحمدلله .... وهي ديه مصــــــــــــــــر

ده نفس المرور اللي انشاء الله رايحله يوم السبت الجاي عشان اطلع الرخصه ياريت لو تفيدني وتقولي النظري بيمتحنوك عالكمبيوتر ولا شفوي؟ والعملي بيبقى فيه ايه؟ ولو السؤالين دول اجابتهم هاتعبك انا ماعنديش مانع تديني اي كارت يمشي حالي هناك
صراحة انا قلقان اوي وربنا يستر لاني لا عندي واسطه ولا ناوي ادفع رشوى ادعولي

أنا ذهبت لمرور التجمع الخامس اول مرة و كنت بعرف اسوق كويس و اجتزت الأمتحان على عربيه والدي اللانوس و بعد ما انتهيت و ذاهب للتصوير للاسف انا عندي قصر بسيط في ساقي اليمنى لا يعيقني تماما فقال لي لازم تروح الكمسيون بالرغم اني نجحت في الأمتحان لاكن رفض و ذهبت لكمسيون الطبي في مصر القديمه و بعد معامله سيئة لن يكشف على الدكتور و قالى في الشهاده سياره مجهزه و حاولت اقناعه انى نجحت بسياره عاديه فلم يهتم فأقتنعت ان لابد من واسطه و لكن لم أجد (((((( فرجاء من يستطيع المساعدة فيساعدني و انا مستعد لدفع مبلغ مقابل الخدمه)))))

امتحنت من اول مرة نجحت

انا هاكمل 18 سنه كمان كام شهر وهاااااااااااااااموت واطلع ام الرخصه دي بقا
مع العلم اني بسوق من 5 ابتدائي والعربيه اللي مع والدي دلوقتي هيا عربيه من عربيات تاكسي العاصمه وماشيه من غير نمر وبسوقها وعادي
بلدنا زي الفل أرجاله
ادعولي بقا اطلع الرخصه ^^

طلعتها وبعدها بشهر اتعلمت سواقة :d
واسطة وش للاسف

انا كنت خايف من الامتحان جدا
انا تبع مرور التجمع الخامس
روحت وامتحنت وعلى حظى كان نص يوم فالامتحان كان اسهل من السهوله
حرف u ومافيش رجوع بالظهر ده انت بتاخد حرف u وترجع حته بسيطه جدا
علشان تطلع ومكنش فيه نظرى كمان
واخدت الرخصه ومشيت