رخصة بالواسطة

**Xpert** · 20-03-2008 11:03 AM

يعني الرشوه و الاتاوه و الوسايط مش مستحبين .. اصل سيات بيحب يتفلسف شويه هههه

**Adham_Sabry** · 20-03-2008 11:05 AM

انا يا جماعة روحت وامتحنت ونجحت من غير واسطة
كان ممكن اجيب واسطة بس قلت اجرب الأول بدونها
اصلي مبحبش الجأ للوسايط وتفتيح المخ الا مضطر
مخي مقفل بأة هاعمل اية.. :d:d:d

**SEATLOVER** · 20-03-2008 11:10 AM

يعني ايه الكلام ده غير مستحب يا سيات؟.. فعلا مش فاهمة

يا عُلا انتى اكيد فاهمة ..عشان دة نقد و كلام لأوضاع معروفة و متعارف عليها ..نسبة تغيرها شبة منعدمة ..يبقى اية الفايدة من طرحها
يعنى تقدرى تقولى (خوف على المصلحة العامة ) يمكن يكون بدرى شوية أو مبالغ فية حالياً بس على المدى الطويل ماظنش .

عشان انتى عارفة انى بحب مواضيعك و بتبقى كتير متميزة ..حبيت اقولك رآيى فىالموضوع ببساطة ...بس كدة

**SEATLOVER** · 20-03-2008 11:22 AM

انا آسف يا عُلا الموضوع مش بتاعك ..ماخدتش بالى و الله ..اصلى لسة صاحى بقى ..معلهش

الموضوع بتاع MMamdouh و هو بردة مواضيعة مفيدة جداَ فى المسائل
technical
و لسة معرفنا على كهربائى ممتاز و قدمة لينا فى المنتدى

اعتقد وجهة نظرى البسيطة جداً ..وضحت ..ماشى يا expert يا عسل ههههه :D

**محمد ابراهيم 1** · 20-03-2008 11:24 AM

اللى ماعندوش واسطه ومش عايز يدفع رشوه
هو الجانى على نفسه
حيضيع وقته
حيذل نفسه
حيحير باله
حيتعب أعصابه
حيندم
وفى الآخر حيدفع الرشوه

**ASD peugeot** · 20-03-2008 12:20 PM

بالنسبالي الحمد لله من اول مره امتحنت اشارات و سواقه و نجحت بس طبعا كنت بسوق ابلها بسنين عشان كده الموضوع كان سهل

**aliabutaleb** · 20-03-2008 02:23 PM

بواسطة
ومكنتش باعرف أسوق

ومش عاوز أي حد يفتح بقه يتريق :)

**دموع الثلج** · 20-03-2008 03:23 PM

انا طلعت الرخصه بالفلووووووووس مش بالواسطه ولا طوابير ولا غيره وطبعا مرحتش الا على تصوير الكمبيوتر وعماار يا مصر

بس انا بعرف اسوووق من زمان بس مش معايا رخصه مصريه

**mody_halawa** · 20-03-2008 03:49 PM

والله يا جماعة طلعتها بالوسطة بس انا كنت بسوق من وانا عندى 15 سنة وبعد مكملت 18 سنة باسبوع روحت انا وبابا ومدير الامن للمرور لان مدير الامن صاحب بابا وانتيمة وطبعا كان موال فى المرور والله معملت غير انى اديت الظابط البطاقة ولا اى حاجة تانية والله مدفعت مليم احمر و ليا اصحاب معايا فى الكلية لما كانوا عايزين يطلعوا رخصة طلبوا منهم افادة من الكلية والله مجبت معايا غير البطاقة والله مقعدت اكتر من ربع ساعة شربت الشاى وروحت معايا الرخصة

حد يلاقى دلع وميدلعش