الموضوع: هل تستحق السيراتو الجديده كل هذا الاهتمام وهل تستحق 126 الف ؟

نا عايز اكتب موضوع مطول عن السيراتو الجديدة

فى رأييى انها عربية شكلها حلو جدا، وطالعه من شركة بتعمل عربيات كويسة، وسعرها مبالغ فيه بالمقارنة بسيارات نفس الفئة ونفس المنشأ

اما عن باقى الموضوع المطول فهكتبه ان شاء الله بعد سنتين لو كان ليا عمر لما تكون العربية شافت الشارع والأسفلت علم عليها

لكن كويسة او وحشة على عربية لسة الاطارات بتاعتها عليها الأحمر والأصفر بتاع الفابريكة كلام مينفعش يتقال غير على الشكل وسمعة الشركة، اكتر من كدة يبقى مجرد رمى بالغيب او كلام عاطفى متأثر بشكل العربية او دعاية

ياما عربيات اتقال عليها زبالة اول ما نزلت وبعدين خدت وسام الاستحقاق من الدرجة الأولى فى تحمل ظروف شوارع مصر الغير آدمية، وياما عربيات اتقال فيها قصايد شعر وخدت صفر مربع، التجربة فالتجربة ثم التجربة هى المحك الوحييييييييييييييييد
___________

http://www.kia-cerato.com/main.html

انا كنت النهاردة عند اوتو سمير ريان وشوفتها وركبتها لكن مش عارف لية ماعجبتنييش ومحدش يسألنى لية عشان انا مش عارف

يمكن عشان حسيت ان خامات التبلوة عاملة زى البلاستك الرديىء او جايز عشان التابلوة مطفى وجايز عشان ضيقة خاصة الكنبة الخلفية

مش عارف

مع احترامى للاستاذ انسى ان العربية واسعة من جوة جدا على حجمها وزى ما الاستاذه ايناس قالت ان الخامات بتاعة العربية معقولة وغير كدا الوكيل بيعطى 5 سنين ضمان ودا كفاية ان المشترى للعربية يكون الى حد ما مطمن وبالنسبة للكنبة الخلفية العربية واسعة من ورا وانا اكتر واحد اقولك ان العربية واسعة لانى مجرب عربيات كتير واخر عربية كانت معايا بيجو 406 واعرف يعنى اية العربية واسعة او ضيقة اذا كان الكورولا الجديدة ضيقة

المشاركة الأصلية كتبت بواسطة onsi

انا كنت النهاردة عند اوتو سمير ريان وشوفتها وركبتها لكن مش عارف لية ماعجبتنييش ومحدش يسألنى لية عشان انا مش عارف

يمكن عشان حسيت ان خامات التبلوة عاملة زى البلاستك الرديىء او جايز عشان التابلوة مطفى وجايز عشان ضيقة خاصة الكنبة الخلفية

مش عارف

نفس احساسي لما ركبتها ، بس انا كمان ركبت سيفيك ومازدا3 في نفس المعرض ، وده خلاني احس فعلا بالقرف من الخامات اللي اسا حتى من الصيني وشوية كماليات تحس ان اخرهم معاك شهرين وتلاقي الحجات طلعت من مكانها زي الووكمان الصيني ، غير ان شكلها من بره عادي جدا ولما تنتشر الناس هتعرف شكلها الحقيقي ، وفعلا صوت موتورها كان عالي رغم ان الأزاز كان مقفول ، بس طبعا العزل تعبان ، مش عارف ازاي الناس تروح ترمي فلوسها فيها ،

المشاركة الأصلية كتبت بواسطة enas75

المعادله المستحيله في نظري
عربيه موتورها ممتاز + جميع الكماليات+صيانه وتوكيل جيد+شكل خارجي رائع وايرودينامكي+شكل داخلي وخامات ممتازه+تعيش معاك علي الاقل في شوارع مصر 10سنين بدون ان تنهار=126000 جنيه

لو لقيتوها قولولي وانا اشتري منها 2
غصب عنك في مصر لازم تتنازل عن شئ
في راي المتواضع التنازل عن جوده خامات مش حتفرق في اداء العربيه يبقي مش مشكله
وعلي راي احد الاعضاء الصيني شكله احلي ولكن بعد فتره صغيره حتبتدي كل حاجه تخرج من مكانها
يبقي علي ايه
المهم اولا واخيرا ولا اختلاف عليه مع كل الاعضاء هو اداء العربيه وعوامل الامان
اما الرفاهيات ووجودها من عدمه دي مساله نسبيه من شخص لاخر

+111111111111111