الموضوع: هل تستحق السيراتو الجديده كل هذا الاهتمام وهل تستحق 126 الف ؟

المشاركة الأصلية كتبت بواسطة justs

ملحوظه صغيرة بس ...
أنا قصدي ان الناس لما بتفكر في الكوري عموما ، بيكون احد عوامل القرار انها توفر ، لكن بالنسبة للنيو سيراتو حتى الميزة دي مش موجودة ، يبقى الواحد اشترى كوري وبردو موفرش فرق يستاهل ..
ده بس كان قصدي .. يا ريت يكون وضحت الصورة ،
- بس انت ليه دافع فيها 133 الف ، مش اعلى فئة ب 126000 ،

علشان انا اشتريتها خليجي و تسليم فوري يعن اسبوع ولا حاجة

و بتاعة التوكيل مش هاتكون موجوده الا بعد الصيف و للأسف أنا محتاج العربية في الصيف أكتر ...

الحمد لله

المشاركة الأصلية كتبت بواسطة Migo123

انا مش فاهم ليه الهجوم .... مش عاجبك كلامي قول رأيك بدون تسفه لرأي الاخرين
طيب
الرد اللي فات قلتلك انها احسن عربيه في العالم .... اقولك ايه تاني ...... ياعم العالم

الموضوع مش موضوع هجوم ولا حاجه ، بس ما ينفعش عربية مكسرة الدنيا من ساعت ما نزلت وواخده تقييمات في كل المواقع ممتازة سواء من المستخدمن او المتخصصين ، والناس تقعد تقول كلام غير صحيح مش عارف لمصلحة مين ، ولا عمر الكلام ده هيخلي النيو سيراتو دي تنافسها ، لأنه ببساطة غير صحيح ، وعلى فكره اربع نجوم من اصل خمسة في موقع Whatcar دي مش حاجه سهلة ومش هتلاقي كتير واخد التقييم ده حتى مثلا السيفيك واخده تلات نجوم ، دي كل الحكاية ، فمتحطوش المازدا3 قدام السيراتو عشان بجد مينفعش تجيب الناحس جنب الدهب وتقارنهم ببعض ، ولكل مقام مقال ، واللي عايز يقارن سيراتو عندو المنافس ليها وهو الألنترا واللي انا اصلا بردو شايفها احسن من السيراتو ،
واللي عجباه السيراتو يستنى عليها بس شويه لما سعرها ينزل للوضع الطبيعي وده مش هيطول كتير ، هما شهر ولا شهرين وهتلاقوها ب 100000 وساعتها تبقى كويسه ويبقى اللي هيشتريها وفر فرق كويس ، دي نصيحة مخلصة ، وربنا يبارك للجميع

المشاركة الأصلية كتبت بواسطة justs

الموضوع مش موضوع هجوم ولا حاجه ، بس ما ينفعش عربية مكسرة الدنيا من ساعت ما نزلت وواخده تقييمات في كل المواقع ممتازة سواء من المستخدمن او المتخصصين ، والناس تقعد تقول كلام غير صحيح مش عارف لمصلحة مين ، ولا عمر الكلام ده هيخلي النيو سيراتو دي تنافسها ، لأنه ببساطة غير صحيح ، وعلى فكره اربع نجوم من اصل خمسة في موقع Whatcar دي مش حاجه سهلة ومش هتلاقي كتير واخد التقييم ده حتى مثلا السيفيك واخده تلات نجوم ، دي كل الحكاية ، فمتحطوش المازدا3 قدام السيراتو عشان بجد مينفعش تجيب الناحس جنب الدهب وتقارنهم ببعض ، ولكل مقام مقال ، واللي عايز يقارن سيراتو عندو المنافس ليها وهو الألنترا واللي انا اصلا بردو شايفها احسن من السيراتو ،
واللي عجباه السيراتو يستنى عليها بس شويه لما سعرها ينزل للوضع الطبيعي وده مش هيطول كتير ، هما شهر ولا شهرين وهتلاقوها ب 100000 وساعتها تبقى كويسه ويبقى اللي هيشتريها وفر فرق كويس ، دي نصيحة مخلصة ، وربنا يبارك للجميع

أولا ... كان في هجوم شخصي في المشاركات السابقه واتهمات بالفتي والكلام بدون تجربه ... ونفسي اسلوب النقاش يبقى ارقى من كده ... عادي جدا ان واحد يجرب عربيه مهما كان سعرها او سمعتها ومتعجبوش او تبقى أقل من توقعاته


ثانيا انا مقولتش ان السيراتو احسن والمازدا اوحش ... انا بقول ان كل واحده ليها ميزه وعيب وكل واحد بيختار حسب ترتيب اولوياته

وابرز عيوب السيراتو بصراحه سعرها المبالغ فيه

ايه يا جماعه هو انا كل ما ادخل موضوع الاقى الناس بتزعق و تتشاكل
الله يخرب بيت السيراتو و المازدا 3 والكورولا والسيفيك وكل العربيات الى تخلينا نعمل فى نفسنا كده
عيب بجد اهدوا شويه
انا عجبنى مره توقيع واحد معانا انه احنا الى بنعمل اسم للسيارات فلا داعى للزعل

بس انت بتقول كلام فعلا غير مبنى على تجربه ويندرج تحت بند الفتى

ليه بقول كده ؟؟؟؟

ياراجل ياطيب لما تقول ان الشنطة حجمها صغير علشان الكاوتش واخد مساحة وقابب (والكللام ده غير صحيح ابدا)

حجم الشنطة مش محتاج اي تجربه .... افتح شنطة أي عربيه وانت تعرف ان شنطه المازدا عمقها قليل. وانا مقلتش الكاوتش قابب ... وعيب لما تقول كلامي يندرج تحت بند الفتي ... ومش ها ارد في المهاترات دي تاني ... عيب انا فعلا مستغرب من اسلوبك ودي حاجه جديده.... عليك بس واضح ان كل واحد ركب عربيه هيفتكر نفسه صاحب الشركه اللي عملتها