الموضوع: هل تستحق السيراتو الجديده كل هذا الاهتمام وهل تستحق 126 الف ؟

علي فكره يامهندس سامح مش غلاسه وخلاص.....لو العربيه المازدا ليك لوحدك هاتها بس لو عائليه بجد حتتعبك
جوه مصر .....انا سالت كل المالكيين ليها علي موضوع انها بتخبط المطبات كلهم قالولي فعلا ودي مشكلتهم معاها
بلاش انا جه عليا وقت كنت خلاص حجيبها لولا سيده محترمه جدا قعدت تمدح فيها وفي الاخر قلتلها بعتيها ليه قالتلي موضوع قطع غيارها الغاليه قوي وانها لا تصلح ان تكون عائليه ...هي شبابيه بالدرجه الاولي.....او يكون عندك عربيه تانيه تكون عائليه
انا بقولك ده مش علشان تجيب السيراتو( عند قصاد عندك مانتش جايب السيراتو) بس شوف حاجه تانيه لو كانت عائليه اما لو ليك لوحدك جيبها وربنا يباركلك فيها( بس متبقاش تركب معاك اوزان في العربيه)
ولو سمحت ....انتظر تقييمات متاكمله من مالكي السيراتو قبل ما تتكلم عليها
ده هي بقالها اسبوع معايا ولما حد يقولي ايه رايك اقوله مش قبل 3 شهور علي الاقل
ولما قلنا انها ناشفه ده مش عيب بس مقارنه بالشكل القديم التانيه ناعمه
علشان اللي يجيبها يعرف انها مختلفه...
ومش علشان باب طلع بايظ وصاحبها اعترف انه اخد باله ان الباب معلق ومتصرفش بسرعه نبقي نقول عيوب
يبقي ابعد عن المازدا ....علشان فيه ناس كتيره علقت علي مشكله الطنابير بتاعتها
وابعد عن الميتسوبيشي ....السنه اللي فاتت حادثتين في عما بين ياسر الجنط الامامي ساب العربيه وحادثه منهم تسببت في تهشيم
4 سيارات كانت واقفه
وابعد عن الاوبل ....شركه جنرال موتورز اعلنت عن ان العفشه بتصدي بعد مده وطلبت سحب الموديل
والسيفيك بقه ملتستحقش السعر المحطوطه بيه....خاصه انها تقريبا خاليه من كافه الكماليات اللي بتنزل بيها برة مصر

المشاركة الأصلية كتبت بواسطة justs

أعتقد اللي ب 125000 جنيه دي أول فئة في الأوتوماتيك ، يمكن عشان كده نزلكم ... ، بهزر طبعا ، اينعم الكوري اللي ب 116000 كمالياتها اكتر من المازدا3 اللي ب 125000 لكن مش اكتر طبعا من اللي ب 145000 " دي بس ملحوظه " ، وبردو مش واطية للدرجة ومش عارف الموقف اللي بتحكيه ابعاده ايه ، وطبعا الفكره مش الكم فقط في الكماليات لكن الكم والكيف ، يعني كماليات عالية بجودة عالية ، ونقطة التوكيل دي بترجع لكل واحد ، أنا عن نفسي مش فارقة عندي طالما في قطع الغيار ومراكز متخصصة في العربية ، وعلى فكره فيه ناس جايبه السيراتو خليجي يعني مش بضمان ولا حاجه واغلى كمان من الوكيل ، يعني موضوع الوكيل ده نقطة ثانوية بالذات في مصر، وعلى فكره باور السيراتو تقيل على الأقل مقارنة بمازدا3 ، ومعلش واضح بردو انك ما سوقتش العربية ، او كان فيه حاجه غلط في العربية اللي ركبتها ، وكل واحد فيه عقل وعقله مريحه ، يعني خليلي عقلي وخليلك عقلك

اولا ربنا يباركلك فى المازدا و يكفيك شرها, انا على فكرة معجب بالمازدا جدا بس فى عيب الواحد يقبلة و عيب تانى لأ, و لعلم حضرتك انا سوقت المازدا كتييير و سافرت بيها يعنى مش بتكلم من غير مركب و لا حاجة, و بالنسبة للمقف بتاع المطب ده فيبتكرر كتيير و مش عربية واحدة دول 3 عربيات مع صحابى, انا مش بقول ده حاجة عيب فى العربية طب ما الاودى واطية و الالفا روميو واطية, بس سامحنى انا شايف ان ده مشكلة فى شوارع مصر, و حاجة تخنوق فعلا لما كل مطب يحك, هيا دى شوارع بلدك, اما موضوع ان المازدا الهاى لاين كامة فاديك قولت بنفسك ب 140 الف يعنى بتتكلم فى فرق 15 الف جنييية و بردوا كماليات السيراتو ام 125 الف اكتر!! اما بقى موضوع المهم الكيف مش الكم يبقى حضرتك كدة اللى بتتكلم من غير متتاكد, معلش فى حد قال لحضرتك ان كماليات السيراتو باظت مثلا!! يبقى حضرتك بتحكم على الكيف ازااااى من غير متتاكد!!!, اما بقى حوار ان باور السيراتو تقيل فاحب اقول لحضرتك انا مش بتكلم على عربية شفتها فى الشارع, انا بقول لحضرتك معايا العربية و عمل بيها 3200 كيلو و من اول الناس اللى استلمت, معلش حضرتك كدة اللى بتتكلم من غير علم مش انا, و لتانى مرة بقول لحضرتك باور المازدا اتقل كتيييييير من السيراتو عشان السيراتو كهربا زى الالنترا, و جرب حضرتك و احكم, موضوع بقى ان المازدا اوسع من السيراتو فدى اول مرة اسمعها فعلا و انا متاكد لو انتا ركبت السيراتو عمرك مهتقوووول كدة, و لعلمك المازدا بتجمع بطئ, دى النيسان تيدا بتعلم عليها و لو مش مصدق جرب و شوف بنفسك, و كمان فيها مشكلة الطنابير يعنى مش خالية من العيوب بس ممكن اقبل كل ده انما امشى احك فى المطبات و ابقى مضطر اخد المطب بجنب فا دى حاجة تخنوق و انا شارى عربية ارتاح فيها و خصوصا فى الزحمة

المشاركة الأصلية كتبت بواسطة justs

هعلق بس على نقط صغيره
- موضوع الباور بتاع السيراتو ده من احد مالكيها وتحديدا استاذ غازي ، وأنا فعلا بردو جربتها بس مسافة صغيرة ، ومش عارف ازاي المازدا3 اتقل في الباور وأنا شايف أن الباور بتاعها ممتاز ، يعني مش بتكلم من غير علم ولا حاجه، وعموما هيه نقطه مش مستاهله الجدال
- ونقطة الوسع دي أنا متأكد منها وكتير جدا من الناس بيقولو ان السيراتو ديقة ده غير اني قولت قبل كده اني قعدت فيها مرتين وفعلا والله لم أشعر بالراحة اطلاقا وفعلا صالونها في الوسع اضيق من مازدا3 ولكن ممكن الارتفاع اعلى في السقف بالنسبة الكنبة الخلفية من المازدا3 ، ده طبعا غير الفرق الرهيب الليحسيته في الصالون نفسه وخاماته وتنسيقه ، وأنا بالنسبالي النقطه دي مهمة جدا ، لأن ببساطة هوه ده المكان اللي انت بتشوفه وتقعد فية في العربية طول ما انت سايق ، فمش ظريف ابدا اني اكون قرفان من العربية طول ما قاعد فيها واقول مش مشكلة طالما شكلها من بره عاجبني ،
- وموضوع المطبات أنا مصر انه تهويل وانها اعلى من السيفيك والجيتا ، ولو حكت يا اما مطب عالي فعلا واتاخد بسرعة يا اما عيب سواق
- نقة التجميع والتعليم والكلام ده ، ده موضوع سواق 100% وابقى هات السيراتو وتعالى وأنا اعلملك عليها ،
هذا واعذرني ان قلت ان الواقع لا يتغير لرغبة البعض ، والواقع بيقول انه لا وجه لمقارنة مازدا3 بسيراتو بأي صورة من الصور ، وكما قلت سالفا ، فليهنأ كلُ بما قُدر له ورُزق ، وربنا يبارك للجميع في سياراتهم ، ويهدي المقدم على الشراء الى ما في صالحه ، ولندع الجدال جانباً ، وألف ألف مبروك لكل من امتلك نيو سيراتو ، وحد فيكم بقه يتبرع ويديني لفة طويلة عشان انا ما خدتش بيها غير لفة صغيره ، مع تحياتي للجميع

يا باشا يشرفنى انك تاخدها لفة وزى ما انت بتقول كل واحد بيشوف من وجهة نظروا, يعنى انا شايف السيراتو واسعة جدا و المازدا اضيق (وجهة نظر) و شايف ان السيراتو اريح و امتع فى السواقة (وجهة نظر) و شايف ان المازدا واطية على شوارع مصر (واضح للنظر ) المهم الراحة النفسية و انا معتقدش فى حد جاب سيراتو و ندمان, اما ان حضرتك شايف ان العربية افقر من المازدا من جوا فى الخامات فده اكيد لفرق السعر , يعنى حضرتك بدل ما تدفع 140 الف فى مازدا متركب استرا ب 130 او فكترا ب 155 و هتلاقيها من جوا افضل و اشيك بمرااااااحل, الموضوع نسبة و تناسب, لو معايا 125 الف اركب سيراتو او ازود و اركب استرا, و لو معايا 140 اركب المانى بردو (وجهة نظر)

المهم من ده كلو ان الموضوع ازواق

موضوع الباور بتاع السيراتو ده من احد مالكيها وتحديدا استاذ غازي ، وأنا فعلا بردو جربتها بس مسافة صغيرة ، ومش عارف ازاي المازدا3 اتقل في الباور وأنا شايف أن الباور بتاعها ممتاز ، يعني مش بتكلم من غير علم ولا حاجه، وعموما هيه نقطه مش مستاهله الجدال

الباور في السيراتو الخليجي كهربا ......بس علشان الناس ميحصلهاش لخبطه
لما مره تسمع انها كهرباء ومرة انو عادي......
بس حبيت اوضح النقطه دي
جاجه كمان الباور العادي عندي فعلا حلو مش تقيل يعني زي بتاع المازدا محستش بفرق بينهم( عن تجربه شخصيه ياباشمهندس سامح) وانا معديه جنبها
وحتستغرب لما اقولك ان الانعم منهم هما الاتنين باور النوبيرا .......والاتقل منهم النيسان صني
ده علشان الناس تبقي واضح معاها الصوره
بس طبعا مش بنعومه الباور الكهربا للانترا

الكلام بتاع الباور الكهرباء للسيراتو الخليجي ده كلام بتاع المبيعات لمعرض بيبيع الخليجي انا مجربتهاش بنفسي
علشان نبقي واضحيين وياريت حد من الي جابها خليجي يقولنا الكلام صح ولا لا