الموضوع: هل تستحق السيراتو الجديده كل هذا الاهتمام وهل تستحق 126 الف ؟

تجربه الشنطه كان بتجربه عمليه وفعلا المازدا مقارنه بعربيات كتييييييييير تعتبر صغيره
المشكله مش في السعه المشكله انه في بعض الاحيان اللي بياثر نسبه الطول للعرض للارتفاع
مينفعش يتناسب وعمليه التحميل فيها
مثال اوضح ممكن تدخل لغرفتين ليهم نفس المساحه ولكن للاختلاف الابعاد طول وعرض وايضا الارتفاع يحسسك بان غرفه اكبر واوسع
من التانيه مع انه لهم نفس المسطح
وعلي فكره احنا مش طايرين بالعربيه وخلاص ومحدش قال انها افضل سياره في العالم الكل قال ان العربيه صفقه جيده جدا
لكن في ناس كتيره لازم تعارض بدون اي تجربه ليها وكلامها مبني علي اساس ان العربيات التانيه معروفه طب ماتجرب دي قبل ما تحكم وتتكلم وخلاص ساعتها يبقي الكلام ليه معني مش مجرد كلام بدون اثبات (لمجرد تطبيق قاعده الياباني والكوري فقط)

المشاركة الأصلية كتبت بواسطة justs

للاسف كل كلمة بتقوليها بتاكد أنك يا دوب شوفتي المازدا وهي معدية من جنبك ، ولكن شعبنا المصري لا يجهل اي شيئ !!!

برافو عليك جبت المفيد .....معني كده ان مفهوم التجربه الشخصيه بالنسبه ليك
هو ان العربيه كانت معديه من جنبي يبقي مينفعش اتكلم واحكم عليها
طب ما تقول الكلام لنفسك .......حكمت علي السيراتو من غير ما تجربها
او يكون حد قريب منك جربها ......يعني كلامك كله عليها مبني علي صورها علي النت مش علي الواقع ..... او وهي معديه من جنبك
وشفت شنطتها وقعدت جواها وسقتها كمان ..كل ده وهي معديه في الشارع
اذا كنا احنا مالكيها ...تقييمنا المبدئي فيها كويس جدا حتي الان ....يبقي جبت كل معلوماتك عنها من مين...والعربيه لسه منتشرتش ...
وكلامك صح الشعب المصري لايجهل اي شيء....خصوصا عن عربيه مركبهاش وميعرفهاش........
ومبروك عليك الياباني

المشاركة الأصلية كتبت بواسطة justs

يا فندم والله ركبتها مرتين ، واحدة فضي وواحدة سودة وكل واحدة فيهم في معرض مختلف ، والفضي بالذات كانت في معرض واحد معرفة وجربتها وفصصتها ، ورايي بقوله بمنتهى الأمانة وعمر ما كان هدفي الجدال العقيم ، هذا وكفى !!!

طب وليه لمجرد اني قلت راي في المازدا عن تجربه وكان مخالف لرايك
اعتبرت اني انا بتكلم في حاجه مركبتهاش ومجربتهاش ويدوب كانت معديه من جنبي
مجرد انك مصر ان اي حد يختلف معاك في وجهه نظرك مع انه اتكلم عليها عن تجربه
ده في راي فرض اراء بالقوه...او جدل
وعمرك ما تقدر تحكم علي عربيه الا ما تمشي بيها في شوارعنا
يبقي برده هجومك الغير مبرر علي السيراتو مالوش معني
وزعلك اوي انها بتتقارن بالسيفيك والكورولا والمازدا....ده مش بنات افكارنا
ده هو الوضع بره في الدول الي عندها ثقافه سيارات .... وما بتصنفش العربيه علي اساس بلد المنشا كوري تبقي تعبانه ....ياباني اوعي تتكلم وان قلت حاجه يبقي انت
مجربتش ومشفتش
رجاء احترم العربيات ومالكيها مش مجرد انها مش عجباك تتبني الهجوم عليها في كل مداخلها ....انا خلاص بقيت مقتنعه ان فيه مشكله بينك وبين كيا عموما ايه سببها الله اعلم
واعرف حاجه ان كل شركات العربيات في العالم بينها تعاون تام في كل حاجه....لمصلحتها هي وليس لمصلحه المستهلك
وانه لسه ما اتوجدتش العربيه اللي ما فيهاش عيوب
عيوب سياره عند شخص هي مميزاتها عند الاخر