الموضوع: إنا لله وإنا إيه راجعون العربية إتخبطت

المشاركة الأصلية كتبت بواسطة evoo90

خد بالك كويس واتصرف بحكمه
الواد ممكن يجيب اتنين زمايله ويروح يعمل محضر انك سارق الرخصه (ضربنى وبكى سبقنى واشتكى)
انت لازم توقف حد معاك فى الحوار ده قريبك مثلا ولا صاحبك ويستحسن يكون محامى ولا ظابط وكمان يكون مراقب الموضوع من بعيد لبعيد

بص نصيحه من واحد مجرب لما تلاقى حد هياكل حقك او هينصب عليك ولا هيلبسك حوار فكر بهدوء وخليك ذكى وماكر فى تصرفاتك لغايه ما ربنا يرجعلك حقك

قدر الله و ماشاء فعل . وانا معاك يا باشا في موضوع سرقة الرخصة ده لان للاسف دلوقتى ما فيش ضمير والناس بتستحل كل شىء وربنا معاك

المشاركة الأصلية كتبت بواسطة M_Nabil

أنا ليه رأى مختلف لا اعتقد انه هيعمل كدة اكيد هيخاف و بعدين هو هيسرق الرخصة ويسيب كل حاجة ثانية !! (مش منطقية طبعا) هيبان على طول انه فيلم وبلاغ كيدي وزميله هيلبسوا معه في الحيط عشان ده ورق رسمي

يا سيدي الفاضل اللي يماطل في اعطاء الحقوق لاصحابها توقع منه اي شىء وبعدين احنا في زمن (الجنيه غلب الكارنيه) ومفيش اكتر من امناء الشرطة الاكيلة في اي قسم شرطة وكلهم في خدمتك طالما دفعت
انت معملتش محضر قبل كدة والا ايه؟
انا شخصيا من كام شهر عملت 3 محاضر في 3 اقسام شرطة مختلفين وكانوا ضد شركة تكييفات باور ودفعت فلوس في كل واحد فيهم علشان يتكتب مظبوط واعرف اخد حقي.

نفس بفاصيل الحادثة دي حصلت معايا بالعربية الماروتى بس انا وقتها كنت ماْمن علي العربية فمدخلتش مع الي خبطنى في حوارات واستعوضت ربنا و التاْمين شال الليلة كلها في التوكيل

المشاركة الأصلية كتبت بواسطة M_Nabil

طيب انا هخلينى معاك للأخر و على سبيل الفرض الجدلى هو هيروح يعمل محضر لزميلنا ومعه 2 اصدقائه ويبلغ انه سرق منه الرخصة وضربه وشتمه و و و ، وكل الكلام الجميل اللى احنا عرفينه بيتكتب في المحاضر لحد كده كويس ممكن بقى حضرتك تكملى السيناريو بتاع المحضر ؟ بما انك عملت 3 محاضر لحد دلوقتى، الموضوع مش بالبساطة دى وفي وقائع وتلفيات في السيارتين، انا كنت بتكلم على اساس عدم التهويل في الموضوع واظن انى عارف اخر الموضوع ده فين بباساطة الراجل هيقوله مش هصلح حاجه والرخصة اللى معاك لمؤاخذه في الكلمه يعنى بلها وشرب ميتها غير لو طلع فعلا انسان كويس بس متعسر حاليا ممكن يدفع تصلحها لما تجيلوا فلوس ( احتمال ضعيف)
وهو الراجل صاحب الموضوع وصل لحد فين دلوقتى معه ؟

استاذ نادر انا عاوز اقول ان الموضوع برمته مش محتاج حركات لف ودوران لان اخونا الزلابانى راجل في حالة ومش بتاع مشاكل (وكفانة اللي هو شافه وهو واقف في حاله لا بيه ولا عليه)
وهو الراجل صاحب الموضوع وصل لحد فين دلوقتى معه ؟[/QUOTE]
الولد بدا يتملص ويقوله اصل السمكري بتاعك غالي وانا ممكن اصلحهالك باقل من كدة عند واحد قريبى

انا بس لما شوفت عربيتك"صابحة" استغربت ازاي التمبرا ممكن تتعور كده و من عربية معلش يعني ورق زي اللانسر
[/QUOTE]

يا دكتور الحوادث مهما صغرت او كبرت ليست لها معايير علي الاطلاق