إنا لله وإنا إيه راجعون العربية إتخبطت

**ZALABANY** · 19-04-2009 09:34 PM

المشاركة الأصلية كتبت بواسطة M_Nabil

الولد بدا يتملص ويقوله اصل السمكري بتاعك غالي وانا ممكن اصلحهالك باقل من كدة عند واحد قريبى

أولا : أنا اسمى محمد نبيل مش نادر
ثانيا : مش فاهم انت تقصد اية بكلمة مش محتاج حركات لف ودوران ؟
ثالثا : اخونا الزلابانى راجل في حالة ومش بتاع مشاكل ( احنا بنحاول نساعده كل حسب استطاعتة وقدرتة وبعدين مش انا اللى فتحت موضوع سرقة الرخصة اللى ملوش اى مكان من الاعراب في الموضوع اصلا )
رابعا : انا لما يسئل وصل لفين لحد دلوقتى عشان هو بقاله يوم او اكثر مشاركش بكتابة ايه التطورات، ممكن تحصل حاجة في الموضوع قبل ساعة من دلوقتى ولا ده مستحيل ؟ واكيد انت مش هتعرفها اللى اذا كنت قاعد وعايش معه، على العموم دى اخر مشاركة ليه في الموضوع وان كنت قد قلت رأى في الموضوع سابقا واعتذر لكل من اغضبة كلامي تحياتي.[/QUOTE]

محمد نبيل باشا أشكرك على اهتمامك وسؤالك عليا وجزاك الله خيرا وهو على فكره وسام ما يقصدش حاجه وحشه او يقصد حضرتك بحاجه لا سمح الله اكيد في سؤ فهم
بالنسبه للولد بيتملص فعلا واخر حاجه قالي انا بعت الموبايل وما قدرتش اجمع غير 500 جنيه قلتله نا ماليش علاقه بالقصه دي ومنتظر لما اشوف هايعمل ايه والله انا ما بقيت عارف اعمل ايه بس هو فعلا محتاج يتعمل عليه حوار بس انا بفكر اوصل لأهله لأني اظن ان اهله ما يعرفوش بالقصة لحد دلوقتى بس مش عارف دعواتكم يا شباب
ومره تانيه مش عايزك تزعل يا أستاذ محمد رأيك طبعا يهمني وإحساسي انكم معايا ولو برأيكم ده يهمني جدا ونصايحكم كمان بتفيدني كتير جزا الله كل من شارك في الموضوع خيرا ويارب ما يقدر لأحد موقف وحش

**ZALABANY** · 21-04-2009 09:46 AM

حسبنا الله ونعم الوكيل
كلمت الولد امباح وقالي انا بعت الموبايل ومش قادر اتصرف غير في 250 جنيه وما اعرفش اعمل ايه تاني قتقله والحل قالي ما اعرفش
هل ينفع دلوقتي أعمله محضر أنا مش عارف الناس بأه مالها
حسبي الله ونعم الوكيل

**PoweRPassioN** · 21-04-2009 10:05 AM

طبعا ربنا يصبرك ويعينك
أنا رأيي خد منه ال250 جنيه دول وكّتبه بالباقي وصل امانه عشان يبقى ملزم بدفعهم لو كان فعلا رجل محترم"لانه لو مش محترم برضو مش هطول منه لا حق ولا باطل "
وإن شاء الله الحادثه دي تكون فديت حاجه اكبر
وربنا يعوض عليك بالخير

**bishoy02010** · 21-04-2009 10:12 AM

هوة مش قال 500 فى الأول هوة غير كلامة تانى إزاى و ليه ؟؟؟؟!!!

**pharonicking** · 21-04-2009 10:37 AM

موضوع وصل الامانة دة كويس""

**wisambasha** · 21-04-2009 11:15 AM

المشاركة الأصلية كتبت بواسطة M_Nabil

الولد بدا يتملص ويقوله اصل السمكري بتاعك غالي وانا ممكن اصلحهالك باقل من كدة عند واحد قريبى

أولا : أنا اسمى محمد نبيل مش نادر
ثانيا : مش فاهم انت تقصد اية بكلمة مش محتاج حركات لف ودوران ؟
ثالثا : اخونا الزلابانى راجل في حالة ومش بتاع مشاكل ( احنا بنحاول نساعده كل حسب استطاعتة وقدرتة وبعدين مش انا اللى فتحت موضوع سرقة الرخصة اللى ملوش اى مكان من الاعراب في الموضوع اصلا )
رابعا : انا لما يسئل وصل لفين لحد دلوقتى عشان هو بقاله يوم او اكثر مشاركش بكتابة ايه التطورات، ممكن تحصل حاجة في الموضوع قبل ساعة من دلوقتى ولا ده مستحيل ؟ واكيد انت مش هتعرفها اللى اذا كنت قاعد وعايش معه، على العموم دى اخر مشاركة ليه في الموضوع وان كنت قد قلت رأى في الموضوع سابقا واعتذر لكل من اغضبة كلامي تحياتي.[/QUOTE]

أولا: اعتذر لحضرتك علي الغلط في اسمك واشكرك علي الايضاح
ثانيا: اشهد لك انك بتحاول مساعدة اخونا الزلابانى علي قدر استطاعتك (ومش باشكك في ذلك)
ثالثا: دعنا من موضوع سرقة الرخصه ما دام حضرتك مش مقتنع بيه
رابعا: جايز ان حضرتك ما تعرفش ان انا والاخ زلابانى في الاصل اصدقاء و شغالين مع بعض في مكان واحد في ساعات عمل واحدة (وان كان ذلك لا يمنع اللي حضرتك ذكرته وانما ده بس للايضاح)
خامسا واخيرا: انا استعملت نفس طريقة حضرتك في الرد عليك و علي فكرة انا لم اغضب من كلامك
تحياتى.

**amirhamed** · 21-04-2009 11:31 AM

انا لله وانا اليه راجعون وربنا يعوض عليك

**hic** · 23-04-2009 09:07 AM

ربنا يعوض عليك

**zalpany2000** · 23-04-2009 02:28 PM

الحمد لله عملنا لاستاذ محمد اخويا محضر ضد الولد امبارح
اثبتنا التلفيات
و ضمنوا في المحضر رخصة الولد
احنا مستعوضين ربنا في فلوس التصليح
بس اتحركنا علشان ما نبقاش سلبيين
و كمان علشان هو يفهم انها مش سايبة

خليهم بقي يمرمطوه شوية
و يجيبوه يحققوا معاه و يتبهدل شوية