مقالب

**amr.elsayed** · 17-08-2009 05:07 AM

:pointi~2[2]::pointi~2[2]::pointi~2[2]:
دا انتا باين عليك مشكلة يا استاذ عزت بس عبد الرحمن دة الله يكون فى عونة دة شاف الويل منكو دة مكنش ملاحق على المقالب اللى بتعملوها فيه

**AhMeD EzZ** · 18-08-2009 07:05 AM

المشاركة الأصلية كتبت بواسطة ringoo

:pointi~2[2]::pointi~2[2]::pointi~2[2]:
دا انتا باين عليك مشكلة يا استاذ عزت بس عبد الرحمن دة الله يكون فى عونة دة شاف الويل منكو دة مكنش ملاحق على المقالب اللى بتعملوها فيه

قدرة حد قالو يصاحبنا

**أبو صلاح** · 18-08-2009 02:58 PM

الموضوع رائع جحدا
بس عندي سؤال
هو لما كله بيضرب امال مين اللي بيتضرب
يعني قصدي مفيش حد فينا اتعمل فيه اي مقالب قبل كده
في انتظار مقالبكم

**Lord_Fouad** · 18-08-2009 05:34 PM

كان في مقلب حصل من كام يوم كدة

واحد صاحبنا خواف اوي ... و بيصدق اي حاجة نعملها فيه حتى لو هزار

كنا قاعدين في قهوة مع بعض و بعدين مروحين ... هو حيمشي على رجله و احنا معانا عربية

دخل باركنج عربيات فاضي كان ضلمة

دخلنا وراه بالعربية و ضربنا النور العالي و كلاكسات بدون انقطاع

الواد طلع يجري و احنا بالعربية وراه

جه يطلع على الرصيف ... لقى الرصيف فوقيه سور طوب عالي بمحاذاة البردورة بتاعت الرصيف

الواد بقى هيعملها على روحه و طلع يجري يمين و شمال و احنا فاطسانين من الضحك جوة العربية و صاحبنا اللي كان سايق العربية وقف العربية من كتر الضحك مبقاش عارف يدوس بنزين و لا يلف الدريكسيون ...

و صاحبنا عمال يجري و ينهج و يدور على مخرج لحد ما خرج من الباركنج و وقف تاكسي و قاله اطلع بسرعة

**nour2007** · 20-08-2009 09:18 AM

بجد ضحكتوني كتير
بجد اول ما هفتكر مقالب مرحلة المراهقه والطلبه هحكيلكم عليه فورا

**Samah AbdAllah** · 22-08-2009 08:29 AM

المشاركة الأصلية كتبت بواسطة أبو صلاح

الموضوع رائع جحدا
بس عندي سؤال
هو لما كله بيضرب امال مين اللي بيتضرب
يعني قصدي مفيش حد فينا اتعمل فيه اي مقالب قبل كده
في انتظار مقالبكم

معاك حق كل واحد عمل فى حد مقلب اكيد الحد ده حب ينتقم منه ويرده المقلب يا ترى كان ايه مقلب الانتقام ؟؟؟؟؟؟؟؟

ورمضان كريم

**kojyad** · 01-09-2009 12:59 PM

مرة في الكلية معانا بنت رقيقة قوي اتعمل فيها مقلب غير مقصود ,
تفاصيله :

واحد صاحبنا مفتري مقالب , واد نطاط قوي وشقي جدا تحس انه لسة في ابتدائية
وكان معروف عن البنت ده انها بتتخض بسرعة اوي وبتدايق من اي حد يخضها
المهم انا كنت متنرفذ اوي من صاحبي ده لأنه على طول فاضحني بكتر طنطيطه في الكلية والرحلات
وكنت دايما اقوله " اعقل يا محمد متفرجش الناس علينا
المهم
, مره جه الكلية ومعاة وش غوريلا مرعب قوي
وكان في بارتشن فاصل بين سكشنين , بس مكسور منه شباك كده
وصاحبتنا ده قاعده جنب البارتشن المكسور على طول
قلت لمحمد ايه رأيك تلبس الوش وتخضها من الشباك؟؟؟؟ هتنبسط منك قوي وهتقول عليك مرح وكووووول
الواد ماصدق وراح لابس الوش ,,,,,, وبخخخخخخخخخخخخخخخخخ
البت والله العظيم سورقت واغمن عليها ,,,,
لكم ان تتخيلو الواد محمد وشه جاب الوان " احمر وازرق واخضر " اترعب جدا وخاف البنت تموت
طبعا كلنا جرينا عليها عشان نفوقها ,,, بس فين وفين لما فاقت
طبعا صاحبتها البنات هات يا تهزيق في محمد صحبي ,,, وعيب كده وده رقيقه اوي وملقتش غيرها
انت معندكش دم .......................
طبعا صاحبنا من يومها احترم نفسه نوعا ما وبقى تهريجه في حدود المعقول

المضحك ان المقلب ده , اتنين في واحد

**الغزالى** · 14-09-2009 08:23 AM

الموقف دة كنا هانعملو فىواحد صاحبنا انت فاكرين الحوار بتاع فوادفون الخمسن عربية bmwالمهم راحنا كاتبن رسالة فيها مش فاكر النص بتاعها اوى بس المهم فيما معنها عنى ان انت كسبت عربية من فودافون ورحنا مغيرن اسم واحد صاحبنا من على موبيل صاحبنا التانى دة وكتابنا فوادفون عشان تبقى العملية محبوكة وصاحبنا دة من ساعة مادخل تجارة انجليزى ودماغة وكلاة بنات (بس بصراحة بينى بينكوم كان معرفى على شوية بنات زى العس ل) وتخيلو انتو الباقى