مقالب

**Samah AbdAllah** · 13-08-2009 10:33 PM

ايفو ده تلميذ فى مدرسة مقالبك يا نور

بس احنا عاوزين نعرف اخر مقالبك ايه يا نور

**evoo90** · 14-08-2009 02:06 AM

المشاركة الأصلية كتبت بواسطة نور القمر

فكرتينا بالموضوع الجميل ده يا بسكوتة

اولادي عندهم لعبه على شكل باكولبان وطالع منها لبانه تيجي تسحبيها تلاقي صورصار بلاتسيك شابك في اللبانه بسوسته ويخبط في ايدك
طبعا مسبتش حد الا وعملتها فيه
وبعدين اتقطع من اللبانه وكان عندنا ضيوف اولادهم مخلوقات تشبه الاطفال لكن لا يمتوا للطفولة بصلة روحت ماسكة الصوصار بورقه علشان اسبك الدور ورميته عليهم

اخر مقلب اتعمل فيا .... طبعااللبانة دي اولاد عملوها فيا الاول
واللي عملته في الناس اولادي بيعملوه فيا دلوقت
حطولي تعبان كاوتش في كولمن الميه وانا بفتحه عشان اغسله واملاه ..... باقي التفاصيل سيباها لخيالك الخصب

كله الا مقالب العيال الصغيره
انهارده قاعد على الجهاز الاقى البنت بنت احتى جت داست على زرار الباور فى الكيسه وجريت وكل ما افتحه تعملها تانى لغايه مالقيتنى اضايقت راحت تدوس على الزرار بتاع جهاز اخويا وتفصلهوله اخويا اتخنق برضه
ياعينى البنت هتفضل قاعده كده لا طبعا راحت داخله على المطبخ وبوظتلهم الاكل شوفوا بقى الابداع
ممكن تلاقيهم بيعملوا ارز تقوم جايبه اى حاجه من الارض وتحطها عليه على اساس انها توابل
بجد على قد ما بيعملوا حركات تجنن وتخلى الواحد يشيط بس دايما بنضحك وبنتبسط

**abdo_general** · 14-08-2009 11:58 AM

هههههههههههه

بجد يا جماعة مقالبكم دي خرجتني من حالة صعبة

المهم

هحكيلكم علي مقلب عملناه في واحد صاحبنا في الكلية

هو عامل فيها واد جامد بقي وكده

قمنا جينا مرة ربطناه في شجرة في الكلية

وبقينا واقفين حواليه بنصوره عاملين زي السياح الي بيصورو تمثال رمسيس

والناس الي معديا بقي شافونا ووقفو يتفرجو وهو عمال يزعق جامد واحنا هاديين خالص

وراح في ناس طلعو موبيلاتهم هما كمان و هيصورو

وهو متجنن

واحنا هاديين خالص

وبصراحة كنا خايفين نفكه

**abdo_general** · 14-08-2009 12:04 PM

هقولكم مقلب تاني بس دا وانا في ابتدائي

كان معانا في الفصل بن عميدة المعهد

وكان واد رخم

وعلشان مامتهم كمان

وماحدش طايقهم

رحنا جينا في الديسك بتاعه ودقينا مسمار بالعكس

يعني خلينا مكان ما بيقعد سن المسمار متوجه لاعلي بشموخ وعظمة

وراس المسمار في الديسك

وكنا جايبين مسمار مش صغير او مسمار ضغط

لاء كان طولة يجي 1.5 سم او 2 سم

كده يعني

وبعد الطابور طلعنا و المدرسة دخلت وكلنا قعدنا

بلا استثناء

و

صرخة مدوية بقي

وقعد يعيط ونزل جابلنا مامته

وقعدت تقول مين الي عمل كده

ومحدش رد قعدت تضربنا كلنا

المشكلة هي بتصربنا وكلنا بنضحك وهي تتغاظ وتضرب اكتر

بس بعديها بصراحة

الواد اتعدل شوية

**evoo90** · 15-08-2009 12:36 AM

المشاركة الأصلية كتبت بواسطة abdo_general

هههههههههههه

بجد يا جماعة مقالبكم دي خرجتني من حالة صعبة

المهم

هحكيلكم علي مقلب عملناه في واحد صاحبنا في الكلية

هو عامل فيها واد جامد بقي وكده

قمنا جينا مرة ربطناه في شجرة في الكلية

وبقينا واقفين حواليه بنصوره عاملين زي السياح الي بيصورو تمثال رمسيس

والناس الي معديا بقي شافونا ووقفو يتفرجو وهو عمال يزعق جامد واحنا هاديين خالص

وراح في ناس طلعو موبيلاتهم هما كمان و هيصورو

وهو متجنن

واحنا هاديين خالص

وبصراحة كنا خايفين نفكه

المشاركة الأصلية كتبت بواسطة abdo_general

هقولكم مقلب تاني بس دا وانا في ابتدائي

كان معانا في الفصل بن عميدة المعهد

وكان واد رخم

وعلشان مامتهم كمان

وماحدش طايقهم

رحنا جينا في الديسك بتاعه ودقينا مسمار بالعكس

يعني خلينا مكان ما بيقعد سن المسمار متوجه لاعلي بشموخ وعظمة

وراس المسمار في الديسك

وكنا جايبين مسمار مش صغير او مسمار ضغط

لاء كان طولة يجي 1.5 سم او 2 سم

كده يعني

وبعد الطابور طلعنا و المدرسة دخلت وكلنا قعدنا

بلا استثناء

و

صرخة مدوية بقي

وقعد يعيط ونزل جابلنا مامته

وقعدت تقول مين الي عمل كده

ومحدش رد قعدت تضربنا كلنا

المشكلة هي بتصربنا وكلنا بنضحك وهي تتغاظ وتضرب اكتر

بس بعديها بصراحة

الواد اتعدل شوية

ايه يابنى ده دى مش مقالب ده جنان رسمى
ربنا يمون فى عون اصحابك واخواتك

**abdo_general** · 15-08-2009 10:52 PM

يارب امين

انا ممكن اقولكم مقلب تاني

بس بصراحة كان الي اتعمل فيه يستاهل

انا ساكن في مدينة نصر وكنت رايح رمسيس

وركبت ميكروباص وكان تيوتا الجديد بقي

بس التباع بتاع الميكروباص ماشي ويعاكس البنات ويتريق

المهم
نشت

ويجت انا قاعد ورا علي الشمال جنب الشباك

ويجه وهو بيفتح الباب وصل لحد ايدي فمسكته

وايدي بره ومن تحت وهو مش واخد باله

وجيه يقفل ويشد جامد وانا ماسك ورحت سايب فجاءة

راح الباب اترزع

والسواق بقي نزل فيه شتيمه قدام الركاب

بما لا تسعد اذن بسماعه

ويابن التيييييت

عجبني الحوار خصوصا الواد كان عاوز يتلم

ومن هنا لرمسيس شتايم

وانا بمسك الضحكة بالعافية ومش بعرف اصلا فماسك الموبايل بايدي التانية وعمال اعمل اي حاجة تخليني ما اضحكش

لحد ما وصلنا لقرب غمرة كده

فجيه جاي يقفل الباب براحة اوي

رحت ذقه جامد

ويا بن التييييييت

لما نزلنا رمسيس بقي

الواد قعد يجرب الباب براحة ويشوفه فيه ايه

المشكلة كان واحد من الي قاعدين جنبي شافني وعمال يضحك برضه

بس ما اتكلمش

شكله كان مستمتع

**AhMeD EzZ** · 16-08-2009 04:38 AM

المقلب دة عملناة في واحد صاحبنا ايام ثانوي

كنا بناخد درس في سنتر كان معانا واحد صاحبنا اسمة عبد الرحمن دة كان عينة مش بنتزل علي بنت معانا و كان هيموت و يكلمها
طبعا جة يجري علي الناس الخبرة " انا و واحد صاحبنا اسمة رؤوف "
جة قعد مصدعنا اسبوعين كاملين كلام عنها

جينا في يوم قلناله خلاص يا عوبد هنكلمهالك و هناخدلك منها معاها
رحنالها و قعدنا نتكلم في اي حاجة و هو قاعد علي نار في اخر الشارع و كمان قلبناه في 20 قال هنعزمها علي عصير و نركبها تاكسي و خدنا الفلوس عيشنا بيها
و فضيلنا علي الحال دة كل يوم 20 جنية و طبعا و لا بنعزمها علي حاجة
لحد ما في يوم قلنالة خدنالك منها معاد بكرة الساعة 4.00
الواد زقطت و تاني يوم نازل مظبط نفسة بقي " برفان و الحت الي علي الحبل و جل "

فضل مستني من الساعة 4 لحد الساعة 5.30 لحد ما جت و هو من النوع العصبي الي مش بيحب التاخير
و دة في نص الشارع راح ماسك ايديها و مزعقلها " هو احنا مش كان بنا ميعاد " طبعا البت جلها زهول و قالتلة "ميعاد ايه يا عبد الرحمن " قالها " هو احمد و رؤوف ماقالولكيش "

قالتلة " قالولي علي ايه "
طبعا الواد و شة بقي احمر جدااا و مش عارف يرد و احنا واقفين هنموت من الضحك في اخر الشارع و الواد بقي خلاص هيموت من الكسوف

فضلنا اسبوعين انا ورؤوف نيجي الدرس متاخرين و نروح بدري خوفا منه

**bishoy02010** · 17-08-2009 01:21 AM

هههههههههههههههههههههه جامد المقلب بتاع البنت ده ههههههههههههههههههههههههه

**AhMeD EzZ** · 17-08-2009 04:42 AM

الموقف دة برضة اتعمل في صاحبنا عبد الرحمن

انا و رؤوف كنا خابطين عربية خال رؤوف و طبعا سيبناها و مشينا و منتظرين ان خالة هيتصل بينا يطلع عينا في الموبايل
فرحنا ماسكين موبايل عبد الرحمن و مبدلين الشريحة " يعني حطينا شريحة رؤوف في موبايل عبد الرحمن و العكس "
عشان نبعد عن غضب خال رؤوف و صاحبنا دة خد موبايلة و مشي و مش عارف ان خط رؤوف الي في موبايلة
و موبايلة رن و هو ماشي و دة كان خال رؤوف
و دة كان الحوار

خالة : ايوة يا تيت
عبد الرحمن : مين الي تيت يا ...
خالة : بتقول لمين كدة يا ابن ....

و طبعا الحوار كلة كدة لحد ما خالة عرف ان دة مش رؤوف و الواد بقي شكلة وحش جداااا

و رؤوف فضل قاعد عندي يومين بعد الحوار دة

الموضوع: مقالب

LinkBack

أدوات الموضوع

عرض

-

-

-

-

-

-

المواضيع المتشابهه

ما الدنيا إلا سلسلة مقالب كتير

فيديوهات مقالب

مقالب كتيرة --- تغيير المود

أحداث مقالب الجين تو :)

احدث مقالب البيجو

الكلمات الدلالية لهذا الموضوع

المفضلات

المفضلات

ضوابط المشاركة