مقالب

**Samah AbdAllah** · 18-04-2009 09:23 PM

المشاركة الأصلية كتبت بواسطة نور القمر

لا خلي بالك المقالب مش حكرعلى الشباب بس
هقولكم على مقلب
بنت عمتي كانت مخطوبة وخطيبها سافر الكويت
مسكت موبايلها وغيرت اسمي عندها وخليته على اسم خطيبها
وبعتلها رساله بنهي فيها كل اللي بينا
مقلب رخم انا عارفه بس ضحكنا عليه جامد لما عرفت اني انا اللي وراه

ولسه ياما في الجراب يا حاوي

حرام عليك يانور

هههههههههههههه
الحمدلله انها جت عالضحك

**samoevil911** · 18-04-2009 09:34 PM

شفتوا الادارة بنفسها دخلت تعلق علي المقلب اللي كنت هموت فيه ..

**Samah AbdAllah** · 18-04-2009 09:37 PM

المشاركة الأصلية كتبت بواسطة samoevil911

شفتوا الادارة بنفسها دخلت تعلق علي المقلب الليكنت هموت فيه ..
دلوقتي احكيلكم علي مقلب انا عملتوا

بس مبدأيا مقلب بسكوتة دا انا عملتوا في والد صاحبي بس الراجل كان هيجنن .. لأن انا عملت الرقم برقموا هو .. يعني سجلت رقمي بأسم رقمه .. ووهو قاعد مع صحابه وانا وابنه معاه ..رحت رنيتلوا ..لقينا بص واستغرب وملامحوا تغيرت .. في حاجة يا عمو .. مش عارف يا سامو بس حاجة غريبة رقمي بيتصل بيا .. قلتلوا نعم يا عمو . قالي والله بيرنلي.. صحبه قالو ممكن غلط في الشركة ..قالوا ممكن.. بعد شوية رنيت تاني ام باصص ونفس الحكاية واحنا بنكدبوا.. بعدين تات مرة واحنا بنرن رنات صغيرة .. رحنا مطولين في الرنة ..
قام ناطط مرة واحدة قال والله بص بص رقمي بيتصل والله بص يا احمد رقمي بكلمني والله يا مصطفي والرتجل نادى اسم واحد واحد\ وهيرد هيشوق مين .. قلتلوا عمو لأ دا هتلاقيه فيرس والموبيل هينفجر اول مترد .. انت مستهدف .. وابنوا ايوه بلاش يا بابا الموبيل دا في فيرس متدش وانا شغال ردايل ام رامي الموبيل في الميه وقالنا اجرو قبل مينفجر فينا .. واحنا جرينا معاهم وفطسانين ضحك .. بعدين خفنا نقلوا بعد اللي حصل ... تفتكروا لو عرف هيعمل فينا ايه .. خصوصا انا صاحب الفكرة ؟؟

وتقولى جائزة نوبل ربنا يستر

ربنا يستر وما يطلعش عضو فى نايل موتورز

**Samah AbdAllah** · 18-04-2009 09:42 PM

المشاركة الأصلية كتبت بواسطة mohmd76

وانتى يا بسكوته فين مقالبك يعنى فتحتى القمم وهربتى
يالله ورينا ما عندك من مقالب

ماتقلقش انا هروح منكوا فين لفتكر بس
المهم كلكوا ما شاء الله بتعملوا مقالب ومحدش فيكوا قالى مقلب اتعمل فيه
غير سامو
يلا مقالب

**SHNORY** · 18-04-2009 10:09 PM

المشاركة الأصلية كتبت بواسطة samoevil911

مقلب 3::::

النة اللي فاتت واحد صحبي اتعرفت عليه في الكلية ساكن في منطقة شعبية .. المهم فمرة قالي تعالي معايا البيت هجيب مصارف الكلية واجي بدل محنا قاعدين مش بنعمل حاجة.. قلتلوا ماشي..
رحنا المهم في المناطق الشعبية اانتوا عارفين ان البيوت قريبة من بعضها.. المهم انا قلتلوا اطلع وهستناكك تحت .. فضلت قاعد في الشارع 10 دقايق منزلش .. انا زهقت مش عارف اعمل ايه .. ببص لقيت واحد بيتعارك مع بتاع الخضارع عشان جنية .. قلت قشطة دا الناس هنا بتركز علي الفلوس كدا .. جت في دماغي فكرة .. قمت اشتريت خيط رصاصي عشان ميبنش في الاسفلت.. وقمت طلعت 50 جنية من جيبي وربطها في الخيط .. وقمت قاعد علي الرصيف ومسكت الموبيل وباصص في الارض علي ال50 جنية .. ومستني رد فعل الناس لما يشفوها شوية لقيت واحد جي باصص عليهم وراح موطي كأنوا بيعدل الكوتش ومسكها .. روحت انا شاددها .. ام ماد ايده شددتها تاني لحد موصل لحد عندي .. ام لقي وشو في وشي قمت مبتسكلوا ببردو ومسكتها .. وشه احمر ومشي..

اللي بعدوا .. واحدة واقفه في البلكون بتقلي ياأبني انت .. قلتلها نعم حضرتك.. قالتلي ممكن تجبلي ال50 جنية دي وقعت مني حطهالي في السبت .. قلتلها مين اللي يضمنلي ان دي بتاعتك يا حجة .. قالتلي وقعت مني .. بنتها قالتلي انت هتلك متجبها يابني وبلاش لماضة الا انزلك.. روحت قلتلها دي بتاعتك اكيد.ز قالتلي يه يا خفة .. الناس كلها بصيت وكلوا شاف الخمسين جنية علي الارض .. والناس بتزعق وواحد قالي ادي الفلوس للست يابني .. واحد قالوا ومين الليي قالي ان دي بتاعتها.. دي وقعت من محفظتي.. والتانية محفظة مين يابو محفظة انت حيلتك حاجة..وفضايح ام جي واحد جري ياخدها قمت شددتها قام قع .. قلتلهم دي بتاعتي .. ورحت ضاحك .. الناس كلها بصولي بصا والراجل اللي وقع جي يضربني وصحبي نزل ويحوشوا وانا مش قادر امسك نفسي من الضحك..

صحبي بيقولي اسيبك تلت ساع تقلبلي المنطقة.. من يوميها مبيخدنيش عنده

مع كامل احترامي لحضرتك بس متزعلش من ردي
دا مش مقلب دا التشبيه الوحيد ليه اني اشوف واحد جعان وارمي الاكل قدامه
او واحد رجله مقطوعه او مشلول واقوله تعالي نلعب كوره
مكنتش عاوز ارد بس مقدرتش
يا ريت متزعلش مني

انا ممتنع عن متابعه الموضوع

**Samah AbdAllah** · 18-04-2009 11:08 PM

معلش يا استاذ شنورى سامحه المرة دى ده حتى سامو امل مصر فى جائزة نوبل
وهو وضحلك وجهه نظره وموضوع المقالب ما يحلوش غير بمقالبك ده الاعضاء بتدخل مخصوص عشان مقالبك

-

-

-

الموضوع: مقالب

LinkBack

أدوات الموضوع

عرض

-

-

-

-

-

-

المواضيع المتشابهه

ما الدنيا إلا سلسلة مقالب كتير

فيديوهات مقالب

مقالب كتيرة --- تغيير المود

أحداث مقالب الجين تو :)

احدث مقالب البيجو

الكلمات الدلالية لهذا الموضوع

المفضلات

المفضلات

ضوابط المشاركة