الموضوع: خراطة المحركات

المشاركة الأصلية كتبت بواسطة abdallahraafat

انا عندى عربية لانشيا ديدرا العربية بتجرى تمام ومبتطلعش دخنة ولا الصبح ولا فى اى وقت والمتور ناشف مش معرق ولانقطة زيت بس للاسف بتاكل زيت مش عارف لية ياريت حد يقولى لية واعمل اة

ممكن يكون عندك تسريب اتاكد من الجوانات بص عالمطور من تحت !

السلام عليكم و رحمة الله و بركاته

أنا بشكر الباشا الكبير أوى اللى عملنا الموضوع الممتاز ده و ربنا يباركله و يجعله فى ميزان حسناته ان شاء الله .

أنا كان عندى أسئلة كتير بخصوص العربية البيجو ال 505 ال GR المانوال بتاعتنا مو 1980

أنا من حوالى 6 شهور لاحظت أن لما بغير الزيت كل 1500 كم بينزل ناقص و لاحظت أن الزيت بينقص على المقاس, يعنى ممكن تحتاج ييجى نص كيلو كل غيار على ال4 لتر اللى أنا أصلا بحطهم .

و كمان لاحظت أن أقصى سرعة العربية ممكن تجيبها هى ال 130 فبعض الناس شاروا على أن أنا أحط زيت شنبر و بالفعل روحت اشتريت عبوة و أضفتها على الزيت اللى فى المكنة و لاحظت أنه زيت تقيييييييييييييييييييل أوى زى العسل الأبيض كده.

أنا أصلا مش عارف اللى أنا عملته ده صح ولا غلط ؟؟؟؟؟

يعنى زيت الشنبر ده , فايدته ايه بالظبط و هل ممكن يضر بالمكنة لو العربية مش محتاجاه؟؟؟؟

المهم و بدأت أتحرك بالعربية عادى و أسافر مشاوير طويلة عادى و بقرص على المكنة عادى و كل حاجة عادى, الميكانيكى قاللى أن العربية كده محتاجة عمرة رغم أن أنا كنت مفكر أنها هتحتاج بس, طقم شنبر و خلاص, فأنا عاوز أعرف ازااااااااى أتأكد أن الموتور محتاج عمرة و مش محتاج طقم شنبر و الميكانيكى بيضحك على ؟؟؟؟؟؟

المكنة دى كانت عمرت مرة واحدة قبل كده فى 1994 و بعدها عملت حوالى 100 ألف كم لحد النهاردة.

و لو احتاجت عمرة, التكلفة كام ان شاء الله؟؟؟

و لكم جزيل الشكر

MASERATI

السلام عليكم و رحمة الله و بركاته

معلش يا جماعة, نسيت أسأل:

هو أنا ممكن أسقط فى العربية البيجو ال 505 مو 1980 دى , موتور زلمكة موديل 1990 فما فوق و لا ماينفعش؟؟؟؟

السؤال التانى :

موتور الزلمكة المو 1990 فما فوق ده , ممكن يتسقط فى عربية مرسيدس معدل 230 موديل 1984 , لأن أنا كان من أحلام حياتى أنى أشترى مرسيدس معدل 230 مو 84-85 و أسقط فيها موتور زلمكة200 موديل 1990 فأعلى و كنت ناوى أجيب الموتور بالتكييف والفتيس حتة واحدة .

شكرا و جزاكم الله كل خير

maserati

ربنا يباركلك بجد