خراطة المحركات

**abdouz** · 12-05-2009 01:16 PM

شكرا على مجهودك يا مدحت باشاعندى مشكلة فى العربية نوعها ريجاتا 85 فجاة الموتور قفش والميانيكى قالى ان لمبة الزيت نورت وانت مشيت بالعربية وهى فيها مشكلة وقالى انت هتحتاج لنصف عمرة طقم سبيكة وطقم شنابر وطلمبة الزيت والتكلفة هتتخل فى 1000 جنيه وقال كمان انه ممكن ترسى على سبيكة واحد وطلمبة الزيت ويتلم الموضوع ممكن تقولى دة كلام سليم ولا اشتغاله ولو كلام سليم ممكن تقولى اسعار الطقع دية ومصنعيته كام

**tmedhat** · 13-05-2009 09:05 PM

المشاركة الأصلية كتبت بواسطة abdouz

شكرا على مجهودك يا مدحت باشاعندى مشكلة فى العربية نوعها ريجاتا 85 فجاة الموتور قفش والميانيكى قالى ان لمبة الزيت نورت وانت مشيت بالعربية وهى فيها مشكلة وقالى انت هتحتاج لنصف عمرة طقم سبيكة وطقم شنابر وطلمبة الزيت والتكلفة هتتخل فى 1000 جنيه وقال كمان انه ممكن ترسى على سبيكة واحد وطلمبة الزيت ويتلم الموضوع ممكن تقولى دة كلام سليم ولا اشتغاله ولو كلام سليم ممكن تقولى اسعار الطقع دية ومصنعيته كام

الموتور قفش يعنى الكرنك قفش على السبيكة و دة يستلزم فك المحرك و خرط الكرنك و استبدال طقم السبيكة
و طبعا تغيير طلمبة الزيت
التكلفة كلاتى
الخراط= 150 جنية
قطع الغيار طقم سبيكة 100
هلالات كرنك 20
طقم شمبر 100
طقم جوانت مش متاكد من سعرة
طلمبة الزيت مش متاكد من سعرها
ممكن تسال عليهم بنفسك و تعرف
يبقى لك مصنعيةالميكانيكى ضيفها و شوية قطع غيار صغيرة زى الزيت و الفلتر
تقدر تجمع كلهم على بعض تعر ف التكلفة الكلية
و الميكانيكى حوالى 250 تقريبا
و ربنا يوفقك
و بلاش تلمها يعنى لقمتين سبيكة من تحت من غير ما تفك الكرنك دة شغل عك وعمرة قصير

**tmedhat** · 13-05-2009 09:07 PM

المشاركة الأصلية كتبت بواسطة aid904

عندي جولف 2 الفايظ بدأ يطلع دخان خفيف جدا ممكن تنصحني أعمر ولا أشتري موتور جديد والتكلفه

فك الموتور الاول و افتحة لو لقيت الشميزات سليمة و الكرنك سليم اعملة طقم شمبر حيبقى تمام التمام
لو لقيتة الكرنك مش تمام و الشميزات فيها عتب
على طول موتور استيراد لانو ارخص من عمل العمرة و ربنا يوفقك

**sab3aawy** · 14-05-2009 09:35 PM

موضوتع اكثر من رائع واجبات دقيقة تدل على خبرة واسعة واحترافية عالية جدا، جزيل الشكر على الاسهام المتميز

**tmedhat** · 21-05-2009 12:16 AM

تسلم مستر سبعاوى
مشكور مرورك الكريم

**ozy2026** · 22-05-2009 05:21 PM

بجد انت راجل محترم جدا وربنا هيجازيك خير على المساعده اللى انت بتساعدها للناس ان شاء الله
انا دلوقتى عربيتى فيات 125 1500 سى سى كامه واحده
المشكله ان الموتور عندى بيطلع دخان كتير جدا من خرطوم الفايز
وفى بوجيه عندى بيجى عليه زيت كل 15 يوم كده ويفصل ولازم اغيره
وكمان الزيت بينقص ولونه بيسود بسرعه قوى
فأنا عاوز اعرف انا لو عملت عمره الموتور هيبقى حلو ولا اغيره بموتور 131 1600
وهل لما الموتور بيتعمر ممكن توصل كفائته ل 90%
والموتور الأستيراد هتكون كفائته كام %
وياسلام بقى لو انت تعرف اسعار المواتير ال 131 بالفتيس بتاعها تعمل كام تبقى خدمتنى خدمه العمر
وهما ماتورين بس اللى انا عاوز اعرف اسعارهم ال 131 ال 1400 سى سى Cl كامه واحده
وال 1600 سى سى CL واحد كامه برضه

**walidhassan** · 22-05-2009 10:30 PM

أنا عندى لانسر 1600 هل يمكن تعديل المحرك و خراطته بحيث يصبح 2000؟؟؟

**yahyaelsirafy** · 23-05-2009 07:34 PM

اول ما اغير زيت و بمشي بالعربية جوه البلد القياس مش بيتغير لكن لما بطلع على الصحراوي و اوصل اسكندرية و اقيس الزيت تاني يوم الصبح بلاقي القياس نقص حاجة بسيطة ... بزوده و بيفضل ثابت لحد الغيار اللي بعديه ... مش لاقي تفسير لكدة....

**tmedhat** · 25-05-2009 10:46 PM

المشاركة الأصلية كتبت بواسطة ozy2026

بجد انت راجل محترم جدا وربنا هيجازيك خير على المساعده اللى انت بتساعدها للناس ان شاء الله

انا دلوقتى عربيتى فيات 125 1500 سى سى كامه واحده
المشكله ان الموتور عندى بيطلع دخان كتير جدا من خرطوم الفايز
وفى بوجيه عندى بيجى عليه زيت كل 15 يوم كده ويفصل ولازم اغيره
وكمان الزيت بينقص ولونه بيسود بسرعه قوى
فأنا عاوز اعرف انا لو عملت عمره الموتور هيبقى حلو ولا اغيره بموتور 131 1600
وهل لما الموتور بيتعمر ممكن توصل كفائته ل 90%
والموتور الأستيراد هتكون كفائته كام %
وياسلام بقى لو انت تعرف اسعار المواتير ال 131 بالفتيس بتاعها تعمل كام تبقى خدمتنى خدمه العمر
وهما ماتورين بس اللى انا عاوز اعرف اسعارهم ال 131 ال 1400 سى سى cl كامه واحده
وال 1600 سى سى cl واحد كامه برضه

موتورك الاصلى لو ما اتفكش قبل كدة ودى اول عمرة لية يبقى ما تفكرش
فكة و تعملة عمرة حيبقى ممتاز و مش حتعانى من اى مشاكل
حيكلفك حوالى 2000 جنية
وحيرجع بنسبة اعلا من 90% كمان
ما فيش داعى لتغييرة
لكن لو اتفك قبل كدة ساعتها ممكن نفكر فى تغييرة
اسعار المواتير اعتقد 2500 او 2700 كامل
مواتير السى ال فيها عيوب كامة الوش بتتاكل بسرعة و دى سعرها 300 جنية لوحديها
لو تسال على موتور ال131 1600 عادى شغال زى الفل
او الدوجان 1600 عادى المحرك القديم شغال قل القل

**tmedhat** · 25-05-2009 10:51 PM

المشاركة الأصلية كتبت بواسطة walidhassan

أنا عندى لانسر 1600 هل يمكن تعديل المحرك و خراطته بحيث يصبح 2000؟؟؟

للاسف بدن المحرك لا يسمح بالتوسيع زيا دة عن اللزوم

صعب قوى
عملناها فى محرك 128 زودنا السى سى من 1100 الى 1300 عن طريق توسيع البلك مكان البساتم
المحرك انفجر اثناء التشغيل
قوىة الانفجار داخل الشميزات فرقع المحرك و دخل المية على البساتم

لازم يكون فية بدن فى المحرك يسمح بتوسيعة

بستم المحرك 1100 سى سى = 80 مم

بستم المحرك 1300 سى سى= 86.4مم

عشان كدة انا حكيت لك موضوع ال128 دى

الموضوع: خراطة المحركات

LinkBack

أدوات الموضوع

عرض

-

-

-

-

-

-

المواضيع المتشابهه

إضافات زيت المحركات

زيوت المحركات

ما الفرق بين المحركات...........؟

تفاصيل عملية خراطة شميز موتوسيكل بالصور

فوم غسيل المحركات

الكلمات الدلالية لهذا الموضوع

المفضلات

المفضلات

ضوابط المشاركة