الموضوع: ### رابطه مالكى و عشاق الشاهين و الدوجان ###

المشاركة الأصلية كتبت بواسطة elawany13

لو الصوت ده بيروح مع دوسة الدبرياج بيبقى من بلية الدريك فى الفتيس

هو فعلا بيروح مع دوسة الدبرياج.

انا كلمت الميكانيكي و قلتله اني بسمع صوت كركرة في الموتور و لما بدوس دبرياج الصوت بيروح قالي دا يا حاجة من الاتنين يا زيت الفتيس عندك محتاج ترميه خالص و تحط زيت جديد خالص يا اما بلية الفتيس (زي ما حضرتك قلت) فقالي غير الزيت و لو الصوت لسه موجود يبقى العيب من البلية.

و أنا ارجح الاحتمال الزيت لأنه عمره ما اتغير من ساعة ما ركبت العربية هو بس بيتزود لما باجي اغير زيت الموتور.

فأنا هغير الزيت لو الصوت فضل موجود يبقى هغير البلية, فكنت عاوز أعرف من حضرتك البلية تعمل كام و هل الاقيها بسهولة و لا اطلع على رمسيس على طول اجيبها من هناك ؟

و شكرا على تعبك معايا

المشاركة الأصلية كتبت بواسطة elawany13

أنا عندى نفس العيب
وغيرت الزيت بزيت شل 80-90 فى عبوات كل عبوة 1 كيلو سعرها 24 جنيه من بنزينة شل
اخدت حوالى علبيتين
الصوت خف شوية عن الأول بس لسه موجود على خفيف
الميكانيكى قالى حرام تفك الفتيس علشان البلية ديه
وقالى سيبها مفيهاش مشكلة

هو عيب بسيط فعلا بس الصوت الحقيقة محرج يحسسك انك راكب عربية قديمة اوي

السلام عليكم انا انهاردة رحت رمسيس عشان اجيب شوية كماليات للعربية لأنها كانت ناقصة عندي و الحمد لله جبت حاجات و اسعارها كالتالي :
طقم عتب فايبر - 45 جنيه
طقم شمسية - 75 جنيه, مش عارف على ايه الحقيقة
فانوس الاستوب الي بيتركب في الازاز الي ورا و قالي انه دا بتاع الفابريكة - 55 جنيه
ثرموستات الكوعة أصلي تركي - 40 جنيه
و أخيرا جبت فانوس(او العلبة بتاعة الساعة) الصالون الي كنت دايخ عليه ولقيته غالي شوية كان ب 195 جنيه.


في النهاية سألته على بلية الدريك بتاعة الفتيس لأن البلية باقت عاملة صوت جامد مع اني غيرت الزيت فبيقولي ان في الماركة الأصلي الي راكبة فيها هي
orc - 150 l.e
و سألته عن البلية الياباني ماركة
skf - 350 l.e
انا قلت اجي احكيلكم عن الي جبته و الاسعار بتاعتها بس مش عارف بقى الاسعار كدة عالية و لا ايه.

انا عاوز اسأل سؤال إذا سمحتم, هل في مشاكل اذا كان ثرموستات الكوعة بيقفل و بيفتح عند 92-87
و ثرموستات المروحة بيشتغل عند 90 و بيقفل عند 80 ؟ يعني هل لازم درجة حرارة تشغيل المروحة تكون زي درجة حرارة فتح الثرموستات ؟

الحمد لله بعد قراءة موضوع " رطبت سنتر الشاهين بنفسي " من 2009 للعضو medozaed

قررت اني اخلص نفسي من ذل النزول لفتح الشنطة كل مرة احتاجها .. حاولت افهم توصيلات الكهرباء بس معرفتش خصوصا انني عايز اعملها بزرار .. المهم نزلت علي محل اكسسوارات و اشتريت قربة باب wolf و زرار عشان افتح الشنطة بيه
الحمد لله تم التركيب .. و الزرار اتحط جنب الشفاط علي شمالي . و الحمد لله فتح الشنطة بقي سهل من غير ما اضطر لقفل العربية :)
الموضوع كلفني 100 جنيه تشمل الموتور و الزرار و مصنعية الحداد و التركيب .

ولو فيه حد عنده استفسار انا تحت امره
----------------------------------------------------------------------------------------------------------

حد يعرف ازاي اغير مكان السستة بتاعة الشنطة من الفتحة الثانية للاولي من جوه؟
الف شكر

و عيد سعيد و كل سنة و انتم طيبين

المشاركة الأصلية كتبت بواسطة elawany13

اللى اعرفه ان تريموستات الكوعة مش بيفتح على درجة معينة زى تريموستات المروحة
تريموستات الكوعة بيفتح تدريجياً كل ما المية بتسخن عند وش السلندر ولما درجة الحرارة بتوصل الى 70 درجة على ما اتذكر بيكون اتفتح بالكامل

غربية مع ان المعروف ان الثرموستات دا بيفتح عند درجة حرارة معينة زي 92 مثلا.
يعني في العربيات الحديثة و انت بتسخن هتلاقي مرة واحدة مؤشر الحرارة رفع لل 90 درجة مئوية و دا يدل ان الثرموستات فتح و الماية بتاعة الريداتير اختلطت بالماية بتاعة الموتور عشان كدة المؤشر ارتفع.

سؤال كمان هو حضرتك تفتكر ماركة ثرموستات الكوعة الي انت جبته كان ايه ؟
انا الي جايبه ماركة
Thermax