الموضوع: ماهي اسباب هذة العلامات في السيارة

على فكره انا معايا نفس العربيه بتعتك وواجهت المشكله دى اول الصيف ده ولفيت كتير ودخت لغايه ما رحت لواحد بتاع درديتيرات ف الحرفين جسر السويس بيفهم وغسلى دوره التبريد ف العربيه وغيرى الترموستات بس المهم ف الترموستات تشوف مكتوب كام عليها يعنى الترموستات بيبقى مكتوب عليها بتفصل عند درجه حراره كام انا كان راكب ف العربيه ترموستات بيفصل عند 89/90 و غيرته وجبته عند 55/60 ومن سعتها الحراره مبتوصلش للنص ف العداد بس اهم حاجه امسك الموضوع من اوله خرج الرادياتير واغسله وراجع ع الخراطيم كله ممكن يكون فيه خرطوف فيه فتحه صغيره مش واضحه هى ئلى بدخل هو للموتور وهى ئلى بتخلى العربيه تسخن ف بالتالى المايه ئلى داخله على الترموستات مبتكنش سخنه ف البتالى مش هتفتح دوره الكهرباء للمروحه وارجوك فكك من الحوار بتاع المفتاح للمروحه وبلاش تحسسنى ان العربيه خلاص دخلت ف نطاق عربات السبعينات ده وشف واحد كويس يشتغل فيها

انا تحت امرك ف اى حاجه للعربيه ولو عاوزلها اى حاجه من بورسعيد هظبط فيها متقلقش
المهم العربيه دى بتيجى من بره على حراره الجو بره برد يعنى الترموستات ده للجو المنخفض الحراره فستحاله الحراره هتتظبط الا ازا جبت الترموستات دى علشان الجو بتعنا كله تراب بيسد المواسير والميه المعدنيه ئلى ف الحنافيات بتاعتنا زى الفل فلازم نئقلم العربيه ف حدو الجو بتعنا بس بالعقل علشان البونتو اساسا بتتلكك عموما وحساسا لكن لما تتعامل معها بالاصول بتمشى زى الساعه

بالنسبه لمشكله النطه دى او مشكله ئلى عندك ف السلنسيه دى اول حاجه نصيحه منى غير كل السيور بتاعت العربيه مبدئيا
ثانيا اوعى تزود تيل الفرامل والكلام الفارغ ده علشان مهما كان خامت تيل الفبريكه غير ئلى بيزود وتشم بعد كده روايح غريبه مع الفرامل
تالت حاجه انتا العربيه عند abs ولا عادى
لو العربيه abs ومش لاقى تيل الفرامل الخلفى وده شىْ متوقع هتلاقى اغلب حاجات الجولف 3 بتركب عندك يعنى هتلاقى وسط موديلات الجولف 3 الكتيره تيل فرامل يركب عندك زى منا عملت ف العجل الخلفى بس هو غالى شويه الطقم بيعمل 175 خلفى و امامى 240 جنيه بس هتركبهم وهتنساهم نهائى وصدقنى عمرك بعدها ما هتغير ولا هتفكر ف حاجه اسمها التطابير لئنها مبتكلهاش

وعوزك تبص بصه على الشداد بتاع فرامل اليده ايه نظامه وراجع عليه كويس قبل الفلم ده كله

مشكلة السخونة دى كانت عندى ولفيت ودخت وغسلت ريداتير ولغيت صمام التسخين الثرموستات التانى وعملت كل البدع وحطيت ميه خضرا وبست ايدها
ومفيش فايدة فى السرعات العالية كانت السيارة تسخن وركبت الميكانيكى معايا عشان يشوف بنفسة وقالى كلمة واحدة العربية جابت جوان
وغيرناه وبعدها فعلا الحرارة كانت ممتازة
فى الصيف بتكون على 90 وانا مستخدم الثرموستات الواطى بس المروحة بتدور كتيير
فى الشتا بغيرة للثرموستات العالى بتكون على 90 بردة بس المروحة بتشتغل على فترات
الخلاصة فى موضوع الحرارة دا
اولا لاحظها هيا بتسخن لما بتجرى ولا لا
ثانيا هل سبق والميه غليت منك فى القربة - لو كدا يبقى السخونة دى بسبب الجوان
ثالثا لو لم يكن اولا او ثانيا والسخونة عادية نرجع لموضوع المروحة
تاكد ان السلك بتاعها واصل على الثرموستات اللى فى الريداتيير مش بتاع الصمام ولو المروحة بتبطل
والسيارة بتكون حرارتها فى حدود 90 ( النصف )يبقى دا عادى يعنى الثرموستات 80/90 دا الطبيعى بتاع السيارة
حتى لو ركبت الثرموستات المنخفض الحرارة 70/80 هتكون على حدود ال 80 مثلا بس المروحة هتشتغل على طول
اعمل زى ما انا بعمل فى الصيف ركب المنخفض وفى الشتاء ركب العالى عشان تريح المروحة

بالنسبة لموضوع النط دا يبقى لازم تكشف على البوجيهات وتنظف الكربيراتير
اولا اكشف على البوجيهات لو سليمة يبقى نظف الكربيراتيير ولو البوجيهات بايظة غيرها اولا وجرب

وبعد الحلين دول لو المشكلة موجودة يبقى عاوز ظبط كهربا لرفع سنه السلانسية والميكانيكى بيعملها من الاسبراتير حاجة سهلة اوى
بيفك صامولة صغيرة وبيحرك وش الاسبراتير كام ملى يمين وشمال لحد الظبطة بتاعتها

وعلى العموم متقلش خالص كل اللى انت بتشتكى منه دا حاجات عادية بتحصل فى الاول وبعد الظبط بتنساها بالسنة والاثنيين

اولا ازيكم كلكم و يارب تكونو بخير
انا معايا نفس العربيه بتعتك يا محمد وانتا عارف بس هى 97 بس هى مختلفه شويه بس المهم ممكن يكون ده من الشفاط او الرداخ بتاع البنزين ئلى بيسخن العربيه وهو ليه زرار لوحده تحت كرسى السواق ف الفرش مدور على ايدك الشمال ممكن يكون فيهحاجه او الشوكه بتعته عليت مع العوامه خلى كهربائى بيفهم يبصلك عليها

بالنسبه لموضوع النطه و ان العربيه عاليه .
اول حاجه حاول تراجع Control unit لازم تتحط على الكمبيوتر و تتظبط (فى ناس غير التوكيل عندها الكمبيوتر بتاع الفيات على فكره)
ثانيا ممكن يكون ال Throtle body محتاج يتنضف او يتغير . وده هو الحساس المسؤول عن دخول الهواء للموتور و لو مش مظبوط ممكن يخلى العربيه تعلى زياده او تبطل خالص (احمد ربنا انها بتعلى معاك دى زهقتنى فى السيينا وكانت بتبطل )