ماهي اسباب هذة العلامات في السيارة

**mazeka_zamaan** · 12-12-2010 09:57 PM

تابع اخى السائل اما بالنسبة اما بالنسبة لمشكلة الار بى ام وارتفاعة دية مشكلة سنسور الهواء او الاسم العلمى لة idle air control
وهو المسئول عن تنظيم الهواء الداخل على الماتور مع البنزين للاحتراق اللازم ويتكم فية الكنترول الخاص بية فى الكمبيوتر الخاص بالماتور اولا حاول تكشف علية وتنظفة باى منظف (جاف) وجرب ولو مازالت المشكلة موجوده تأكد من الكتاوت الخاص بية فى لوحة الكهرباء تعمل وتأكد من كل الفيوزات اللى عندك شغالة لان الواضح انك عندك مشكلة فى كهرباء العربية وان شاء الله نتحل مشكلتك

**khaled_sabry** · 13-12-2010 09:02 AM

ياجماعه
الموضوع ده من 2007 ...يعنى زمان صاحب العربيه باعها اصلا

**mbx4e** · 13-12-2010 01:30 PM

بس مفيد ياخالد باشا

**maroguidehouse** · 01-01-2011 02:33 AM

انا كمن استفدت من الموضوع لأن عندي نفس المشكله مع ان السياره نوع اخر و لكن في النهايه كلها سيارات و تقابلها نفس المشاكل

**myousry1** · 15-01-2011 06:45 AM

المشاركة الأصلية كتبت بواسطة mohamed abd el shafy

مشكلة السخونة دى كانت عندى ولفيت ودخت وغسلت ريداتير ولغيت صمام التسخين الثرموستات التانى وعملت كل البدع وحطيت ميه خضرا وبست ايدها
ومفيش فايدة فى السرعات العالية كانت السيارة تسخن وركبت الميكانيكى معايا عشان يشوف بنفسة وقالى كلمة واحدة العربية جابت جوان
وغيرناه وبعدها فعلا الحرارة كانت ممتازة
فى الصيف بتكون على 90 وانا مستخدم الثرموستات الواطى بس المروحة بتدور كتيير
فى الشتا بغيرة للثرموستات العالى بتكون على 90 بردة بس المروحة بتشتغل على فترات
الخلاصة فى موضوع الحرارة دا
اولا لاحظها هيا بتسخن لما بتجرى ولا لا
ثانيا هل سبق والميه غليت منك فى القربة - لو كدا يبقى السخونة دى بسبب الجوان
ثالثا لو لم يكن اولا او ثانيا والسخونة عادية نرجع لموضوع المروحة
تاكد ان السلك بتاعها واصل على الثرموستات اللى فى الريداتيير مش بتاع الصمام ولو المروحة بتبطل
والسيارة بتكون حرارتها فى حدود 90 ( النصف )يبقى دا عادى يعنى الثرموستات 80/90 دا الطبيعى بتاع السيارة
حتى لو ركبت الثرموستات المنخفض الحرارة 70/80 هتكون على حدود ال 80 مثلا بس المروحة هتشتغل على طول
اعمل زى ما انا بعمل فى الصيف ركب المنخفض وفى الشتاء ركب العالى عشان تريح المروحة

بالنسبة لموضوع النط دا يبقى لازم تكشف على البوجيهات وتنظف الكربيراتير
اولا اكشف على البوجيهات لو سليمة يبقى نظف الكربيراتيير ولو البوجيهات بايظة غيرها اولا وجرب

وبعد الحلين دول لو المشكلة موجودة يبقى عاوز ظبط كهربا لرفع سنه السلانسية والميكانيكى بيعملها من الاسبراتير حاجة سهلة اوى
بيفك صامولة صغيرة وبيحرك وش الاسبراتير كام ملى يمين وشمال لحد الظبطة بتاعتها

وعلى العموم متقلش خالص كل اللى انت بتشتكى منه دا حاجات عادية بتحصل فى الاول وبعد الظبط بتنساها بالسنة والاثنيين

نصيحه منى اخى الكريم غير الميكانيكى بتاعك لان عربيتك مكنتش جايبه جوان كانت عايزة ترموستات جديد لان التروموستات خرف و لما تنزل من العربيه تلاقى المروحه شغاله مش مهم لانه بيشغلها فى الجرى متاخر و نصيحه لما ميكانيكى يقولك حاجه روح لى واحد تانى واثق فيه خلى عندك 2 ميكانيكيه واثق فيهم لانه ممكن يقولو جوان و تسبلو العربيه يغير هوا التروموستات و لو كان فعلا مقتنع انه جوان يبقى لعبلك فى العربيه وخلاص وياخد مصنعيه