ماهي اسباب هذة العلامات في السيارة

**m10_10** · 19-09-2007 02:12 AM

ازيكو يا رجاله؟؟ وكل سنة وانتو جميعا بالف خير

في شوية حاجات بتحصل معايا في العربية مش عارف اسبابها...

اولا العربية بونتو 95

اول حاجه ظهرت مؤخرا هيا الـRBM احيانا وانا واقف وبعد ما بشغل العربية بلاقي صوت العربية بيعلى وكأني دايس سنة بنزين وببص عال RBM بلاقية عالي بيوصل المؤشر لدرجه 2 و 2.5 كمان. انا مش عايز اقول الناس قالو اية عشان اسمع منكم ارائكم..

تاني حاجه في اماكن الزحمة والاشارات انتو عارفين العربية المفروض تمشي عالاول او التاني بالكتير عشان لو حتة زي اللي عند تلاقي المحور بالدائري عند طريق المحور قبل ميدان لبنان بعد مابجيب الاول وبمشي بية سلانسية كدة بلاقي العربية بتنطر كدة شوية هيا مش نطرة تخليها تقف بس بتروح لما بدوس دبرياج عالاخرو وبرجع ارفع رجلي واحدة واحدة. بس برضة بعد مابتاخد سرعه الاول بلاقيها بتنطر النطرة الخفيفة بتاعتها. وكذلك بيحصل عند التاني نفس الكلام. انما عالتالت والرابع والخامس مفيش حاجه وكله زي الفل بس انا مخنوق من العربية وهيا بتعمل كدة. ببقى ماشي والاقي العربية عماله تتنطط مني.

طبعا وبسبب ال RBM اللي بلاقية بيعلى بالاقي العربية واخدة سرعه عالية عشان كدة كل شوية بادوس دبرياج للاخر افصل السرعه وبعدين ارفع سنة سنة ( كل دة وانا عالاول عشان لو ماعملتش كدة هاخبط في اللي قدامي عشان عربيتي بتكون اسرع بسبب انها زي مايكون متداس عالبنزبن)

ثالثا ويارب تكون دي اخر حاجه :D الفرامل بسمه فيها صوت احتكاك في العجلة الورانية بس الاحتكاك ده مابيبانش غير في السرعات البطيئة الميكانيكي قالي التيل القدماني سليم بس الوراني عايز يتزود وانا مش فاهم يعني اية عايز يتزود...

معلش طولت بس كل سنة وانتو طيبين ورمضان كريم

**m10_10** · 19-09-2007 02:29 AM

في حاجه كمان اكتشفتها

هل الكلام دة بيحصل عشان انا لاقيت مشكله في الحرارة وهي ان العربية غيرتلها ترموستات وبرضة المروحه بتشتغل عالعالي فوق ال90 بكتير والمشكله انها رغم انها بتكون عالية الا اني بلاقي المروحه بتفصل رغم ان الحرارة عالية ورغم اني مغير الترموستات.. فعشان كدة عملت مفتاح يشغل المروحه بشغله لما بدور العربية الصبح وبقفلة لما بانزل من العربية وده بيخلي الموتور حرارتة عمرها ماتعدي ال50 هل ده اللي بيسبب ان عداد ال RBM بيكون عالي عشا يعوض برودة المحرك ؟؟

بس دلوقتي انا مش عارف سبب التنطيط لما بكون عالاول والتاني ؟؟؟ وطبعا الفرامل زي ماحكيتلكو؟

ياريت الافادة

**MMamdouh** · 19-09-2007 11:33 AM

هى عربيتك انجكشن؟؟

لو كدة يبقى ممكن اوى الECU شايف ان العربية باردة و بيحاول يسخنها... برضة احتياطى حاول تنظف الايدل كونترول يمكن يكون فيه و ساخة بتعوق عملة

بالنسبة للنطة على الول ابقى بص على قواعد الموتور و الفتيس

MMamdouh

**MMamdouh** · 19-09-2007 12:23 PM

ECU= Engine Control Unit
Idle Control هو صمام تحكم بيعدل كمية الهواء اللى داخلة الموتور فى السلانسية

غالبا النطة اللى بتتكلم عليها دى طبيعية... خللى حد صاحبك يسوق عربيتك و يقولك اذا كانت طبيعية ولا لا

MMamdouh

**m10_10** · 20-09-2007 06:21 PM

انا اشتريت ترموستات جديد فعلا وركبته وبرضة العربية المروحه مش بتشتغل غير عالعالي وبعدين بتفصل رغم ان الحرارة مابتكونش وطيت... الغريب ان الحركة دي حصلت معايا عشان مرة نزلت من غير مازود مياه للعربية وفجأة في الزحمة لاقيت العربية الحرارة بتاعتها عالاخر طبعا ركنت وبقلة خبرة استيت شوية وفتحت فتحه الريداتير نزلت مياه طبعا عشان كانت سخنة وخدت هوا..

بس رغم اني فضيت الهوا منها وجبت ترموستات جديدة بالاقي المروحة بتشتغل وبتفصل رغم ان الحرارة مابتكونش نزلت. يعني بالاقي المروحه شغاله وبعدين بتفصل والحرارة لسة عاليه رغم اني اتأكدت اولا ان الترموستات زي اللي كانت راكبة ثانيا ان الريداتير مافهوش هوا.

**m10_10** · 20-09-2007 06:22 PM

تغير ترموستات الكوعه لو كان بايظ و بيعلق او بيقفل لوحدة مايفتحش في توقيتة

هو اية هو ترموستات الكوعه ده ؟؟؟

**Adham** · 21-09-2007 02:36 PM

ما هو حاجة من اتنين
اولا و غالبا انت مش مفروض تلاحظ ان المؤشر نزل علشان المروحه تفصل

يعني الثرموستات بيحس باقل تغير في درجة الحرارة يقوم يشتغل و لما تنزل سنة بسيطة مش ملحوظة عالمؤشر بيفصل لمدة دقيقة و لما تعلا الحرارة السنة الغير ملحوظة دي تاني يشتغل تاني و هكذا
و انت حيث انك قلقان ان العربية سخنت و فارت منك فانت مش عاوز تقتنع الا لما تشوف العداد نزل قوي مع شغل المروحة

جمد ققلبك و امشى بالعربية و شوف حاتسخن و المؤشر حايعلا فوق قوي او الردياتير حايفور و للا اية

اعتقد انك مش حتلاقي اي من مخاوفك دي

الثاني: ان يكون الثرموستات اللي انت جبتة بايظ او عالي على حرارة العربية

الثالث: ان الموضوع يكون ان ثرموستات الكوعه معلق و هنا يا تغيرة يا تلغية خالص بس الاحسن انك تشتري جديد
لو بعد ماشلتة و لغيتة لقيت العربية ضبطت و مابتسخنش

ثرموستات الكوعه دي عبارة عن صمام مياة بيقفل دورة التبريد و العربية باردة يقوم يخللي المياة تلف بس في دايرة مغلة داخل الموتور و يفصل الردياتير تماما
لغاية مالعربية تسخن و ترتفع درجة حرارة المياة يوم الصمام دة يفتح و يخرج المياة للتبادل الحراري مع الردياتير

ودة مفيد لحاجتين

اولا تسخين العربية لدرجة التشغيل المثلى بسرعه الصبح و بسهولة حتى في عز البرد

و ثانيا برة في البلاد اللي فيها تلج والمياة بتتجمد جوة الردياتير و دورة التبريد
علشان التلج يسيح و يبقى مياة و تغلي جوة الموتور و بعدين تخرج عالردياتير تسيح التلج اللي فية و في خراطيم المياة

**Ahmed Hassan** · 21-09-2007 02:46 PM

المشاركة الأصلية كتبت بواسطة m10_10

انا اشتريت ترموستات جديد فعلا وركبته وبرضة العربية المروحه مش بتشتغل غير عالعالي وبعدين بتفصل رغم ان الحرارة مابتكونش وطيت... الغريب ان الحركة دي حصلت معايا عشان مرة نزلت من غير مازود مياه للعربية وفجأة في الزحمة لاقيت العربية الحرارة بتاعتها عالاخر طبعا ركنت وبقلة خبرة استيت شوية وفتحت فتحه الريداتير نزلت مياه طبعا عشان كانت سخنة وخدت هوا..

بس رغم اني فضيت الهوا منها وجبت ترموستات جديدة بالاقي المروحة بتشتغل وبتفصل رغم ان الحرارة مابتكونش نزلت. يعني بالاقي المروحه شغاله وبعدين بتفصل والحرارة لسة عاليه رغم اني اتأكدت اولا ان الترموستات زي اللي كانت راكبة ثانيا ان الريداتير مافهوش هوا.

لو العربيه فعلا عندك بيتخدلها هوا خدته ازاي؟

اتأكد ان الهوا اتاخد صح لأن ده من اسباب تخريف المروحه

الموضوع: ماهي اسباب هذة العلامات في السيارة

LinkBack

أدوات الموضوع

عرض

-

-

-

المواضيع المتشابهه

اسباب عدم دوران السيارة

ما هي اسباب تعويم السيارة

ما هي اسباب تعويم السيارة

ايه اسباب تسقيف السيارة

ماهي السيارة ذات البرستيج في حدود 150 الي 180 ؟

الكلمات الدلالية لهذا الموضوع

المفضلات

المفضلات

ضوابط المشاركة