زيت على الموتور

**Eng_aly** · 22-04-2009 01:53 AM

من فترة حوالى 5 اسابيع كنت بازود مياة للمساحات فالاقيت فى زيت مكانه تحت مقياس الزيت على الشمال على جسم الموتور بين المسامير ...وبصراحة فكرت انها ممكن تكون نقط من اخر مرة غيرت فيها الزيت"فى التوكيل صيانة ال25" ومغشلتش الموتور بس تبعتها ولاقيت الزيت بيزيد او انا بيتهيئلى المهم روحت التوكيل وبصراحة الناس متأخروش وبصوا على العربية وبعدين نضفوا المكان دة بأسبراى وكدة وقالولى عادى بس لو لاقيت حاجة تانى تعالى المهم دلوقتى لاقيت بوادر او بداء يظهر تانى وكنت عايز اعرف هو دة تعريق وكدة وعادى يعنى ولا الموضوع مش تمام ...على فكرة اكيد الزيت دة بيطلع من الموتور ما بين المسامير بس هو خفيف خالص بس باين

**محمد ابراهيم 1** · 22-04-2009 03:14 AM

ممكن يبقى فيه أولسيه ضرب

ودى حاجه بسيطة جدا

**عمرو عمارة** · 22-04-2009 10:44 AM

أعتقد يا علي باشا إن الجزء الي حضرتك بتكلم عليه هو غطا التكيهات وكده في مشكلة في الجوان بتاعه

لازم ترجع تقولهم عليه لأن الموضوع لو زاد هايبتدي ينزل زيت على الفرن بتاع الشكمان وهاتعمل روائح كريهة

وإتأكد يا م/علي من موضوع قياس الزيت وشوف لو عندك زيادة نزلهم.....الله أعلم ممكن دي تكون أحد أعراض الزيت الزيادة خصوصاً إن الجزء ده بيتولد فيه ضغط عالي

**MoToRiZeR** · 22-04-2009 04:13 PM

المشاركة الأصلية كتبت بواسطة عمرو عمارة

وإتأكد يا م/علي من موضوع قياس الزيت وشوف لو عندك زيادة نزلهم.....الله أعلم ممكن دي تكون أحد أعراض الزيت الزيادة خصوصاً إن الجزء ده بيتولد فيه ضغط عالي

++++++++++++++++++++++++++

و إن شاء الله بسيطة

**Eng_aly** · 23-04-2009 02:55 AM

شكرا يا جماعة ان شاء الله اروح فى اقرب فرصة وهاغير الزيت وان شاء الله هحط 3 لتر فقط وربنا يستر

**askoda** · 23-04-2009 11:06 AM

يا جماعه انا فتحت الكبوت انهارده الصبح و اتصدمت بكميه الزيت اللي على الموتور

[IMG][/IMG]

**عمرو عمارة** · 23-04-2009 11:22 AM

أحمد....أنا ممكن أجيلك إنهرده بليل نسحب الزيت الزيادة وأجيب معاية سبراي لتنظيف الزيت ده وإنت بعد كده تتابع التعريق ده

**askoda** · 23-04-2009 11:27 AM

OK
Thanks ya basha

**Eng_aly** · 24-04-2009 06:25 PM

المشاركة الأصلية كتبت بواسطة askoda

يا جماعه انا فتحت الكبوت انهارده الصبح و اتصدمت بكميه الزيت اللي على الموتور

[IMG]

[/IMG]

ايوة بالظبط هو دة المكان ...انا مش عارف هو دة كدة ممكن يأثر على حاجة ولادة حاجة خطيرة "يعنى لازم حاجة تتغير ولا لأ...ياريت حد يفدنا ...وياريت لو فى حد تانى عندوا نفس المشكلة دى يقولنا

**معاذ الشرباصى** · 29-04-2009 12:29 AM

ايه الاخبار يا باشمهندس بعد اما نظفوا لك الزيت؟

هل مازال فى نشع للزيت؟

الموضوع: زيت على الموتور

LinkBack

أدوات الموضوع

عرض

زيت على الموتور - انشر الموضوع فى :

-

-

-

-

-

-

-

المواضيع المتشابهه

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

تفصيص الموتور او فتح الموتور - استفسار للمتأكدين فقط -

الكلمات الدلالية لهذا الموضوع

المفضلات

المفضلات

ضوابط المشاركة