ببساطه صاحب الموضوع ظلم العربيه جدا و حكم عليها من الشكل بس.
مين قال ان دي عربيه واحد غني و مش فارقه معاه 80 الف.
انا ربنا هداني و اشترتها وربنا يعلم ال 86 الف دول انا مستلف منهم المقدم و مقسط الباقي كمان وانا واحد لسه متجوز و مش طالبه زنقه في اول حياتي.
زي مابقولك انا اخترت العربيه دي من وسط فيرنا و جيتس و صني و شيفورليه و ياريس ... عارف ليه ؟؟؟ عشان حسيت ان اي واحده من دول هدفع اكتر ما هاخد منها ... بمعني ان السيريون فيها ABS,Spoiler,EPD,2 AirBag غير الجنوط و السي دي ... شوف بقي كل دول لو جيت تركبهم في عربيه هيتكلفوا كام. (مع العلم ان اي عربيه بالسعر ده مفيهاش كل الحاجات دي كلها و تكون ب 85 الف)
بما اني لسه متجوز و زنقه لقيت ان دي اكتر عربيه مش هتكلفني بعد مشتريها لأن فيها كل حاجه و مش محتاج اصرف اكتر من فرشها (خلي بالك انها فيها كل حاجه حتي الزجاج و المرايات الكهربه) و كمان عرفت ان قطع غيارها رخيصه و ومعمره جدا جدا باذن الله و ياباني 100% (يعني دي لوحدها تخليها ما تتقارنش بقطع غيار اي حاجه كوري اللي طلع عيني في قصر عمر قطع غياره و هي دي اكبر مشكله في الكوري عاما مش المشكله في مواتيرو ولا حاجه)
تعالي نتكلم عن الوسع ... بص يا سيدي هات 5 اصحابك و ركبهم اي عربيه من اللي ذكرتهم فوق و زود عليهم اللانسر الأمبريزا (مع احترامي الفظيع ليهم بس انا بتكلم هنا علي الوسع بس) المهم هات صحابك نفسهم بعد كده و كلمني هنا عالمنتدي ناخد معاد و تجيبهم يركبوا السيريون ... انا هسيبك بعد كده تحكم انت علي نتيجه المقارنه.
اما عن شكل التابلوه او الشكل الخارجي فدي حاجه ترجع للزوق و اختلافه بين واحد و التاني (معظم اللي شافها عجبتو جدا جدا من جوه اكتر من بره)
اخر حاجه عناصر الامان ... باقل مجهود عالنت هاتعرف ان العربيه دي واخده 4 علامات من 5 في اختبارات الامان و هتعرف كمان اني دي علامه كبيره جدا في عربيات كتير مش هتصدق انها ماجابتش ال 4 علامات دول طبقا للمواصفات الاوروبيه.
المفضلات