هل فعلاَ لو معاك 80 الف تروح تجيب سيريون

**Ramy.Gamal** · 20-06-2008 02:19 PM

لو معايا 80 الف اجيبها وانا مغمض لان الجوده لا تقدر بتمن .مفيش عربيه فى فئه 80 الف جودتها اعلى او حتى تساوى العسوله سيريون

**osama_alam** · 22-06-2008 09:07 PM

الناس ديه والحجات ديه كلها ركبت ازاي؟؟؟
اشرحلي بجد :-)

المشاركة الأصلية كتبت بواسطة Eng_aly

وفى مرة كان معايا 7 من العيله وكلهم اوزان وربنا يبارك وكنت رايح مدينه العبور من شبرا يعنى مشيت فى الزحمه ومشيت على الدائرى ومشغل التكييف بدون مأحس بأى مشاكل اة العربيه فى بعض المطبات كانت بتحك"ومرة تانيه كنت رايح اجيب حاجات جهاز لأختى عقبال اللى عندكم المهم جبنا طقم صينى وطقم المونيوم وطقم بيركس و لحفاين فيبر وبطنيتين وشويه حاجات كدة مش فاكرها كويس وكل دة فى العربيه وانا واتنين اخواتى العروسه واختها ...اة طقم الصينى مدخلش من باب العمارة وفتحنا الضلفة التانيه علشان نعرف ندخلها.

**bmya** · 22-06-2008 09:40 PM

ياجماعه انا لسه مستلم العربيه من اسبوعين
وكان معايا لانسر 99 كامله اتوماتيك
فعلا السيريون اوسع بكتييييييييييييير من الانسر ومن البومه كمان وده مش معناه اني بقارن السيريون بلانسر اصلا لان دي هاتش باك ودي سيدان
لكن من ناجيه الاداء السيريون احسن وصالونها اوسع وكمان معايا صني 2008
السيريون افضل منها من الداخل

وبعدين انا مش عارف الناس اللي بتقول تجيب لانوس ونوبيرا معلش يعني هي دي عربيات اصلا!!!
العربيات دي ما تتقارنش باي حاجه ياباني اصلااا
انا الحمد لله اللانسر قعدت معايا 9 سنين والله العظيم بفضل الله عمرها وا عطلت بيه ابداا
ومع ذلك انا بشوف كتير جداا لانوس موديلات عاليه عطلانه وفاتحه الكابوت وصاحبها واقف جمبها ونوبيرا وفيرنااا طيب ازاي يعني تكون دي عربيت كويسه وتعطل

مينفعش تقارن الكوري اللي هنا في مصر باي عربيه ياباني مش السيريون بس
حاجه تانيه الاخ اللي عامل الموضوع انت ايه اللي مضايق مش فاهم يعني
حضرتك معاك ال80000 روح ياباشا هات العربيه اللي انت شايف انها تستحق المبلغ ده
لكن انت فعلا باين عليك مضايق من العربيه دي ليه مش عارف
لان الموضوع بتاعك وطريقه كلامك مفيش فيه اي منطقيه في الكلام تدل انك بتفيد الناس
لاء انت كده عايز تكره الناس في العربيه دي من غير متجربها او تركبها حتي وهي واقفه
لو فعلا كنت عايز تفيد الناس وفعلا انت تعرف العربيه دي بجد
كنت عملت موضوع بطريقه منظمه جطيت فيها خبرتك ومعلوماتك الصحيحه عن العربيه وبعد كده الناس تعلق عليها او اللي عنده معلومات تانيه او تعليقات يكتبها
لكن انت كده مداخل كله في بعضه والموضوع بقه خناقه مش نقاش خالص
وبعدين ياريت يا جماعه لما حد يجي يقارن العربيه وسعرها اللي بيقولو غالي يقارنها بعربيه في نفس الفئه الهاتش زليس السيدااان
ايبص كمان لكماليات العربيه والاوبشن ولااداء وياريت نشيل خالص حكايه اصلها تقيله في البيع وانك مش هتعرف تبيعها والكلام الحمضان اللي مودينا في داهيه
لان لو كده يبقي في عربيات كتير جدا مش بتتباع ومعني كده اننها وحشه؟
الفورد والاودي مثلا العربيات دي ملهمش حل عربيات وهم ومع ذلك محدش بيشتريهم عشان هنا في مصر دماغنا في الرخيص اللي بيتباع
الفولفو ودي اكتر عربيه امان في العالم برده مبتتبعش تبقي عربيه وحشه ؟
وبعدين اللي بيجيب عربيه زيرو ان شاء الله ربنا يباركله فيها مش هيبيعها الا بعد 5 سنين علي الاقل واعتقد ان في مصر العربيات الصغيره الاقتصاديه زي السيريون هتكتر الفتره الجايه عشان البنزين والتراخيص
ايه بقع العربيه الهاتش باك اللي لوسع من السيدان وبتنزل ستاندرد فول اوبشن شامله ال2 اير باج وبتبدا من78000؟؟
ياريت حد من المعترضين يقول ايه العربيه اللي فيه المواصفات دي وبالسعر ده