الموضوع: هل فعلاَ لو معاك 80 الف تروح تجيب سيريون

يا باشا ده شرف ليا ،،،،،
أنا اتمني إني اتعرف علي إنسان محترم زي حضرتك
بس بجد أنا مبحبش أسوق عربية حد ،، حاجة فيا من زمان باخف اجرحهالوا و لا علي حظي حد يطلعلي من هنا و لا هنا
حضرتك ممكن تلبس نظارة سودا و تحاول تشوف عيوب في العربية :D :D :D :D
أو تشوف حد ركبها و قالك حاجة فيها
بس الحق يتقال أنا لما كنت بتفرج عليها في توكيل ديهاتسو اللي في شارع النزهة ،، إحساسي الداخلي إنها مستوي تاني في الجودة غير كل العربيات اللي فئتها محستش الإحساس ده محستوش نهائي في الياريس و اللانسر و أكيد في الكوري
يعني تقل الأبواب و قفلها ، تقل باب الشنطة ، خامات الصالون و التقفيل نفسه ، يعني تحس إنها حاجة فاخرة بس علي صغير ،،
بس زي ما قولت لحضرتك دي وجهة نظر واحد مش خبير
هقولك أنا بقه علي عيب
عربية سيريون عندنا في الشارع ، اتجرحت واتخبطب و الإكصدام بتاعها وقع ،،، شكلها بقه وحش قوي ،،، ده برده إحساس داخلي إن العربيات الصغيرة لما بتبهدل بيبقي شكلها وحش أوي عن العربيات الكبيرة لما بتبهدل
و ده برده إحساس داخلي عند المصريين إن العربيات الصغيرة بتبهدل بسرعة عن العربيات الكبيرة

يا ااستاذ احمد هو في عربيه في العالم من غير عيوب؟؟؟؟
دا الكمال لله وحده اكيد اي عربيه فيها عيوب حتي لو كانت فيراري مش دايهاتسو هاتش باك :D :D :D .
من رايي انها عربيه بنااااااااااااااتي و ما تنفعش اسره مع اخترامي لجميع مالكيها.
حنقول واسعه اوك و دا بسبب ان الاربع عجلات بتوعها محطوطين في اخر زاويا العربيه يعني متحرفين للاخر و دا اللي مخليها واسعه و دي فكره زكيه.(و الاوربيين اول من استعملو الفكره دي علي فكره ). بس برضه مهما كانت مش اسمها عربيه بجد زي اللانسر ولا الكورولا و لا الحاجات دي حتي لو دول اضيق منها .برضه راكب عربيه عريضه شويه و و اثبت علي الطريق.

أولآ حمد الله علي السلامة يا حازم باشا بقالك كتير مبتظهرش
حكاية بناتي دي بقه مالهاش معني أوي ، لأن بصراحة الستات مفيش موديل ماسابهوش ، و اللي يغيظك إن الموديلات الحديثة و الفاخرة دايما اللي بيركبها ستات
حكاية إنها مش زي الكورولا و اللانسر متشوف فرق السعر بينها و بينهم ايه ؟؟؟
مع العلم إني أتوقع إن السيريون هيبقي أدائها أحسن لأنها 1300CC علي الحجم الصغير ده ، دي وجهة نظر شخصية
يا راجل ده التوكيل الوحيد اللي العربية بتنزل بره 1000cc و هوا جاب 1300 CC
هوا المشكلة إن إحنا عايزين ناخد كل حاجة حجم و برستيج و جودة و إعادة بيع و كمان سعر رخيص

أولآ حمد الله علي السلامة يا حازم باشا بقالك كتير مبتظهرش

الله يسلمك يا احمد باشا

حكاية بناتي دي بقه مالهاش معني أوي ، لأن بصراحة الستات مفيش موديل ماسابهوش ، و اللي يغيظك إن الموديلات الحديثة و الفاخرة دايما اللي بيركبها ستات

يعني مثلا عربيه زي المرسيدس ليها طابع رجولي كده و قليل لما تلاقي واحده سايقاها او عربيه زي الفيرنا مثلا شوف كام راجل سايقها و كام بنت سايقاها.

مع العلم إني أتوقع إن السيريون هيبقي أدائها أحسن لأنها 1300CC علي الحجم الصغير ده ، دي وجهة نظر شخصية

اوك ماشي معاك ان ادائها حيبقي كويس جدا كمان طب بالنسبه للثبات؟؟

يا راجل ده التوكيل الوحيد اللي العربية بتنزل بره 1000cc و هوا جاب 1300 CC
هوا المشكلة إن إحنا عايزين ناخد كل حاجة حجم و برستيج و جودة و إعادة بيع و كمان سعر رخيص

يا احمد باشا احنا بندفع في العربيات اساسا ارقام مبالغ فيها جدا بسبب جشع التجار و الجمارك و ما تقدرش تقول ان في عربيه في مصر رخيصه

النقطتين الآخيرتين مقدرش أفيدك فيهم
نقطة بناتي حضرتك حدد بناتي و لا ستاتي ؟؟؟؟؟
عشان الفيرنا مثلآ أنا بشوف ستات كتير فعلآ جايبنها عشان المدارس و الشغل و الأولاد وكده
لكن تقريبا مبشف بنات جايبنها ا