عايز ااصلح الكربراتير

**ziours** · 23-04-2009 10:13 PM

كنت عايز اعرف ياجماعة ايه هي علامات بوظان الاكس والباب في الكربراتير لاني الميكانيكي معرفش يظبط الكربراتير فقالي ان الاكس والباب بايظين وانا سمعت كده قلقت جامد اصلي مبحبش حد يلعب في الكربراتر فامش عارف اصلح الاكس والباب دول وامري الى الله ولادي اشتغالة صنيعية .
شكرا

**elgamal** · 23-04-2009 10:20 PM

بص هتلاقى الموتور بيعلى ويوطى لوحدة بعض ساعات + هباب اسود فى البوجيهات ودخنه سودا من الشكمان علشان طبعا الحريق نى وكمان هتلاحظ برجلة فى العربية فى السلانسة والسرعات العالية + استهلاك بنزين عالى عن الاول بمراحل على حسب حالة الكربراتير بتاعك
ونصيحة منى مافيش حد فى مصر بيعرف يعمل اكس وباب يعنى هتصرف على الفاضى احسنلك واوفرلك اشترى كربراتير استيراد
م/ محمود الجمال

**michohat** · 24-04-2009 12:18 AM

عملت عندى من فترة الاكس والباب وده كان طلب الميكانيكى وماشى بيه مؤقت لحد ما ربنا يسهل واجيب واحد استيراد

**ziours** · 24-04-2009 10:19 PM

شكرا لردودكم ياجماعة والكرابراتير عامل معاك ايه يا michohat الماتور اتظبط معاك؟

**michohat** · 25-04-2009 02:22 AM

كان فى الاول بحس بعضة فى دواسة البنزين بمعنى ان لما ادوس بنزين الدواسة بتاخد مشوار وتقف و لما اضغط بقوة اكبر تكمل باقى مشوارها ولما سئلت الميكانيكى قال لى الباب والاكس بس يلينوا و هتبقى كويسة معاك
و من بعدها والعربية ماشية كويس بس ملاحظ ان العربية ساعات الار بى ام بتاعها بيعلى وساعات بيوطى لوحده من غير ادوس ولا حاجه

**ziours** · 28-04-2009 12:24 AM

انا رحت النهارده عملت الاكس والباب وسلكت الكربرتير وغيرت البيك في الباب التاني الى 120 بس بعد التصليح العربية صوتها عالي وتحس ان المتور معلق فمش عارف هل ده طبيعي كده بتلين زي مانت بتقول ياميشوهات على فكرة ياميشو انا عملت الكربرتير عند واحد اسمه سامح في كفر ابو حسين مش عارف انت سمعت عنه و لا ماحنا بقى طلعنا بلديات

**hesham_shousha** · 28-04-2009 01:01 AM

أنا لسه مركب كربراتير جديد لإن القديم كان عايز أكس وباب
ولاحظت أول ماركبته إن صوت الموتور بقى عالى فى السلانسيه بدرجه ملحوظه جدا مع إن الار بى ام واطى
الميكانيكى قالى كده عادى لان الكربراتير جديد
الملحوظه الثانيه ان العربيه بقت بتتعبنى فى الدواره الصبح فقط ولاحظت انها بقت بتحتاج ادوس لها بنزين سنه مع دوران المارش
الملاحظه الاهم استهلاك البنزين تحسن بدرجه ملحوظه
كان 160 كيلو فى الصفيحه - دلوقتى 220 فى الصفيحه والحمد لله