الله ينور عليك انا بعمل زيك بالظبط و هو فعلا ده الاسلوب الامثل فى ظل القياده الغريبه اللى الواحد بيشوفها فى مصر يعنى انا رحت معظم دول الخليج و شفت القياده هناك مع ان السرعات هناك بتوصل ضعف السرعه هنا فى مصر لكن مفيش الاستهتار اللى موجود هنا يعنى ما تلاقيش حاجه اسمها غرز ما تلاقيش واحد يطلع من الحاره اللى ماشى فيها لحاره تانيه غير و هو متاكد ان الحاره فاضيه تماما و الحاره مناسبه للسرعه اللى ح يمشى بيها. مفيش و احد تلاقيه دخل قدامك و فجاه هدى سرعته تيجى لابس فيه و كمان الطرق كمان عليها دور مهم جدا طبعا مفيش اصلا وجه مقارنه بين الطرق بتاعتنا و طرق اى دوله فى العالم مهما كان تخلفها
و برضه انواع العربيات اللى ماشيه من سنة 60 العربيات اللى عاوزه نص كيلو قدامها علشان تقدر تقف من غير ما تخبط العربيه اللى قدامها انا بانزل من بيتى و شايل هم السواقه انا لو على بحاول ما اغلطش لكن بص على سواقين النقل التقيل و هو واخد الحاره الشمال و سرعته و الله العظيم لا تقل عن 100 كم/س يعنى ده لو حب يقف لاى سبب مستحيل يعرف يوقف كل هذه الكتله فى مسافه صغيره لازم و لابد لو قدامه حاجه انه ح يركب فوقها و ده سبب معظم الحوادث فى مصر
يعنى فى اكتر لما تبقى ماشى على الشمال على الطرق السريعه و تلاقى جاى من وراك تريللا و عاطيك السرينه علشان تعديه بجد انا عمرى ما شفت حاجه كده الا هنا
ربنا يسترها معانا و يكفينا شر المصائب و ادعو الله انه يصيب اى سواق نقل متهور لا يلتزم بالعمى او بالشلل او بالموت فى عربيته دون ان يصيب اى احد ما لوش اى ذنب آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآمين
المفضلات