الموضوع: العربية بتتنفض

المشاركة الأصلية كتبت بواسطة ahmedfra

شكرا أستاذ / سمير و جارى حرق البنزين و تغير الفلتر بس ملحوظة : -
انا مركب رشاشات استيراد bmw مجرد ملحوظة

توكل على الله......ونفذ اللى أتفقنا عليه ( وزور أحد الأفارب فى محافظه تانيه ).....................................وكده كده مش عاوزين نظلم الرشاشات دلوقتى على مانشوف......

_ وأحنا مع بعضنا .....وبأذن الله سنتعاون سويا من أجل صالحنا جميعا....................................

_ نفسى نبقى عصابه زى عصابة الأوبل ........ياريت كل واحد عندنا ( يروح عندهم مره ويشوف قوة ترابطهم .............فعلا عشره على عشره )

_ بجد بأحييهم ......على ماهم فيه من قوة ترابط .........علما بأن منتدانا غنى بالكفاءات .....وده أنا ملاحظه جيدا

طبعا ليس هناك ما يقال بعد كلام المهندس سمير

لكن انا ملاحظ انك حطيت منظف الرشاشات مرتين متتاليتين في وقت قصير جدا هل انت متعود علي كده ؟

لان هناك حكمه تقول ما زاد عن حده انقلب الي ضده

وربنا يستر وان شاء الله خير

أولا بأشكرك على زوقك .....فى مناداتى بأخى ( ودى فعلا أحسن شىء وهو الأخوه )

_حنعمل تجربه بسيطه كده ونجرب ......

_ حل خرطوم حساس الماب من عند البوابه ومن عند الحساس .......ونظفه كويس جدا بالهواء المضغوط الجاف ...........

_ لأن زى ما أنت عارف أن الحساس ده هو لغة الحوار بين المحرك ووحدة التحكم فى التعبير عن حمل المحرك المطلوب منه ......

أنا مش عارف عملت أقتباس كده أزاى .....علما بأن ده كلامى

شكرا على اهتمامك يباشمهندس سمير يا أخى برده .

الله يخليك يا أخويا : أحمد

معلش اصل اخوك فى موضوع الحساسات ابيض . انت قصدك الخرطوم الرفيع الى واصل ما بين بطن الحوض تحت البربريز و الموتور و الى اذا اتفك يبرجل الموتور و لمبة التشك تنور . هو ده ؟؟؟؟؟

من خلال محتوى وصفك .....نعم هو هذا.....وكزيادة تأكيد ........الحساس راكب فى صدر الغرفه فوق منطقة الأسكترا وشكله متوازى مستطيلات .....ورايحله خرطوم أسود رفيع من أسفله ....والخرطوم ده فعلا رايحله من خلف جسم الخانق .......علشان من خلال الخرطوم ده بيتم نقل هواء التخلخل عند الضغط على الأكسراتير لفتح البوابه فى الأوضاع المختلفه ....ومن خلال هواء التخلخل ( الحساس بيشتغل بطريقه هندسيه معينه ).....وبكده وحدة التحكم بتتعرف على الحمل المطلوب من المحرك فى لحظة ضغط معينه على الأكسراتير .......وبكده الوحده بتتخذ الأجراء المناسب نحو هذا الحمل المطلوب من المحرك .................

_ طبعا لما بنزود فتحة البوابه بيزيد التخلخل والهواء الداخل للمحرك من الفلتر........علشان كده لما الوحده بتتعرف على الوضع ده من الحساس ....على طول بتزود البنزين شويه من خلال أمر الرشاشات بتزويد فترة ضخ البنزين .....علشان الحمل يبقى قوى وقادر على شيل الظروف دى ......ومتحصلش نخعه ونفضه زى اللى بتقول عليها.......

_ علشان كده يفضل أن أحنا نشيك على النقطه دى برضه ......وأحنا مع بعض ......وتحملنى شويه.......أصل دى فعلا طبيعتى ......لازم أمشى مع الأحتمالات حتى أن يريد الله مانصبو اليه ......................

_ليه أن طلبت منك فك الخرطوم ونظافته ........على الرغم أن أحنا ممكن نلاقيه تمام ........أأقولك ...........

_ لو الخرطوم فيه سدد شويه .....من زيوت وأتربه وخلافه ......مش حينقل صوره حيه عن وضع هواء التخلخل اللى ماشى فى جسم الخانق .......وبكده حيكون هو ضاحك علينا .....ولازم نتأكد من الحته دى .....وبرضه ....ركز معاه يمكن يكون مشرخ مثلا ....أو بيهرب .....ودى نفسه الوضع لو كان مسدود.....................

_ وأدى لينك ليك للتعرف على وظيفة الحساس ده ...

http://www.nilemotors.net/Nile/showthread.php?t=61890

و بعدين ليه سؤال انا حبيت ابعتلك رسالة على الخاص عشان اعرفك انى مستنى ردك على مشاركة من شوية لقيتك قافل موضوع الرسائل طب ليه ؟؟؟؟
__________________

بالنسبه للحته دى .....أنا حاشوفها ....أحتمال أكون لاغيها فى لوحة التحكم ......لأن أخوك على كده شويه فى التعامل مع الكمبيوتر ......يادوب من وقت دخولى للمنتدى .......