الموضوع: عندى استفسار فى سيريون 2008

المشاركة الأصلية كتبت بواسطة bmya

يا جماعه انا عايز اسال في حاجه
انا اول مره اخود بالي ان ريدياتير بتاع السيريون صغييير جداااااااااااا وكمان مفيش غير مروحه وحده بس ازاي و ليييييييه و
انا كان عندي في اللانسر ريدياتير كبيير تقريبا قد بتاع السيريون مرتين وكان عليه مروحتين والمفروض ان العربيتين 1300
ياتري ليه وهل ده ميزه ولا عيب ولا ايه اصل انا اول مره اخود بالي وهل ده يكفي للتبريد للموتور والفتيس

العربيه معاك بتسخن ؟؟؟؟
التكييف مش شغال كويس ؟؟؟؟
الأجابتين هيقولك على حل الموضوع

المسألة تتلخص في جودة وكفاءة الرادياتير
يعني على سبيل المثال ايام 128 والبيجو 504
كنت تلاقي الرادياتسر اد كده عريض جدا وبرضه العربيات بتسخن
في حين وقتها كانت العربيات الياباني الرادياتير بتاعها صغير الحجم والعربيات لا تعرف السخونية والكلام ده

دي مسألة تقنيات في الخامات
يعني الرادياتير هتلاقيه اغلى من بتاع الانسر لأن اداءه ليس مثله
علشان كده لما تلاقي قطعة غيار سعرها عالي عن الباقي
فتأكد ان اللي سعرها مش بيسعر من دماغه وانما اكيد القطعة دي مميزه او تصنيع حديث بتقنيه اعلى من مثيلاتها
ونفس الموضوع سرعة المروحة بتاعت السيريون عاليه جدا علشان كده لا بتشتغل بتسمع صوتها وبيبقى واضح وانت واقف بجوارها

يعني المسألة تتعلق دلوقتي بحاجتين :
1- سرعة اداء المروحة نفسها
2- جودة خامة الرادياتير وكفائته في التبريد

باشا هو مش بحجم الردياتير تقيس كفاءة التبريد

بص على أحجام المواتير الي فيها ردياتير بعرض الإقصدام كله وفيه مروحتين وبص على حجم موتور السيريون....الموضوع مختلف تماماً

إنت ممكن تجيب الردياتير الكبير ده وتركبه على السيريون ( إن أمكن طبعاً )...وهتلاقي أداء الموتور وإستهلاك البنزين إختلف تماماً للأسواء عشان الموتور مش هايقدر يحافظ على درجة حرارة التشغيل المثالية وهي بتكون بين 85 و90 درجة مئوية

واحد صحبي كان معاه جولف3 بموتور 2.0l وكان راكب فيها ما شاء الله ردياتير كبير جداً بعرض الإقصدام كله وفيه المروحتين برضه......الميكانيكي كان شايل الثرموستات الي بيفح ويقفل عند وصول الموتور لدرجة الحرارة المناسبة.....عايز أقولك وهو ماشي على الطريق السريع مؤشر الحرارة ماكنش بيطلع عن الـ60 درجة وده كان مأثر في إستهلاك البنزين وإتعالجت طبعاً بتركيب الثرموستات

أرجو تكون فهمت وجهة نظري