دخنه سوده وسعات بيضه من لانوس 2 2001....... حد يقولى ليه

**bravehorse** · 08-05-2009 03:03 PM

السلام عليكم
انا عربيتى لانوس تو 2001 لما باجى ادورها الصبح بحس ان الموتور بتقطع ومبينظبتش الا لما يسخن ولو مشيت بيها من غير ما سخنها العربيه تنتف معايا لحد ما الماتور يسخن ........ مع العلم انى لسه مغير بوجيهات وسالك بوجيهات وبعمل الصيانه بتاعتها ذى الكتالوج وفاضل على الصيانه الجايه حوالى 3000 كم وهمل صيانة 40000 كم عشان العربيه هتكون عملت 120000كم والموضوع ده بقالو كتير عندى لحد ما فو جئت بواحد\ صحبى بيقولى العربيه انت لما جيت تدورها تلعط دخنا سوده ......... انا لحظت كمان ان لما باجى الصبح ادور العربيه أو لما بدورها بعد بفترة من الركنه ان فى دخنه بيضه بتطلع لما بدوس جامد على البنزين .............. سلألت الميكانيكى بتاعى قالى ممكن يكون الانجيكشن أو البوجيهات .......... بصراحه انا خايف تكون حاجه خطيرة ..... حد ممكن يقولى هى العربيه بتعمل كدا ليه عشان لما اروح للميكانيكى اكون فاهم ولكم جزير الشكر يا أصحاب هذا المنتدى الرائع

**samirayad** · 08-05-2009 03:22 PM

طيب أيه سبب تغييرك للبوجيهات القديمه والسلوك ( ولا حظ أن ممكن تكون البوجيهات الجديده وحشه ومرطبه مثلا )

**bravehorse** · 08-05-2009 04:20 PM

انا غيرت سلوك البوجيهات عشان كانت اتقطعت واحنا بنغير البوجيهات اما البوجيهات فانا بغيرها كل 20000 كم مع الصيانه ومركب بوجيهات 2 شمعه

**bravehorse** · 08-05-2009 04:27 PM

افهم من كدا ان ممكن تكون البوجيهات هاى السبب فى الدخنه

**bravehorse** · 08-05-2009 04:29 PM

وعلى فكرة انا بحت بنزين 92 أو 90 لما بكون مسافر عشان سعات مبلقيش 92 خارج القاهرة

**bravehorse** · 08-05-2009 04:32 PM

نسيت اقل لحضرتك يا باشمهندس انا لما بغير البوجيهات بتروح التنتيفه الفى العربيه لكن بعد حوالى اسبوع او اسبوعين بترجع تانى ..... ماهى حاجه من الاتنين يامى انا حظى وحش فى البوجيهات أو الماتور فيه حاجه ....... وعلى فكرة انا بشترى البوجيهات من محل مضمون فى أحمد سعيد

**samirayad** · 08-05-2009 04:46 PM

لا هو الخلل كده بيشير للرشاشات ( بدأت تليك أو تسيل ).......

_ علشان لما بتبقى لسه مغير بوجيهات ( البوجيهات بتتغلب على عيب الرشاشات )........

_ أنما بعد أسبوع وخلافه ....بتكون البوجيهات هببت ....وكفاءتها بتبدأ تقل شويه عن الأول ......وكده عيب الرشاشات بيبدأ يظهر .....مع تلوث البو جيهات ........

_ ودلوقتى أنصح بعمل أختبار تلييك للرشاشات .......وياريت بالمره تعمل أختبار برضه لقوة الشراره اللى رايحه من البوبينا للبوجيهات ( أهم شىء يكونوا الأربعه فى قوة بعض ).........

_ والعيب فى الغالب حاجه من الأثنين ...............شراره ضعيفه على أحد مخارج البوبينا........أو رشاشات عاوزه تتغير ......

**bravehorse** · 08-05-2009 04:51 PM

معلش يا بشمهندس سؤال تانى....... هو ده السبب فى الدخنه البيضه والسوده ؟

**samirayad** · 08-05-2009 04:55 PM

نعم يا أخى .....هو ده السبب .....وحاول أولا تختبر قوة الشراره اللى رايحه لكل بوجيه ........والطريقه سهله ومعروفه لدى الصنايعيه ........لو كله تمام يبقى رشاشات على طول ......وبرضه ممكن تعمل عليها أختبار فى أحد مراكز الخدمه ( لكى يطمأن قلبك )

_ وبرضه ياريت تقولنا موقف الزيت عندك ( بتزود ولا لا )....على فكره النقطه دى مهمه جدا بسبب جزئية التفتفه اللى قولت عليها...

_ وعاوزك برضه تكشف على كل بوجيه .....وتشوفهم كلك مهببين زى بعض ولا فيه أختلاف............

**bravehorse** · 08-05-2009 05:04 PM

بنسبه للزيت يا بشمهندس انا بحت زيت موبيل ون ومبزودش زيت عشان مابينقص وبكرة ان شاء الله هروح للميكانيكى اشوف البوجيهات واشوف الشرارة .......... والف شكر ليك يا بشمهندس ......... طيب انا عاوز اعرف حاجه انا سمعت ان انجكشن النوبيرا بيركب فى اللانوس وانه افضل من بتاع اللانوس الكلام ده صحيح وسمعت انه بيوفر بنزين .............. وممكن تقلى سعرة فى حدود كام واعرف الاصلى من التقليد ازاى