موضوع حلو :k32:
رقم العضوية : 19543
تاريخ التسجيل : 19Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
_ فى الحقيقه أنا عملت من قبل موضوع عن حساس الأكسجين .....ومعجبنيش أوى .....فقررت أن أعاود عمل الموضوع مره تانيه ....كالآتى
_ حساس الأكسجين (الشكمان ) بيركب على مخرج فرن الشكمان exhaust manifoldفى مسار غازات العادم الخارجه من المحرك قبل الوصول الى مشترك الشكمان ........_ الحساس وظيفته التعرف على نوعيه دورة الحريق التى يمر بها المحرك من خلال قياس نسبة الأكسجين الخارج مع عادم المحرك ............_ لو قام الحساس بالتعرف على أن الأكسجين الخارج مع العادم نسبته قليله عن الوضع المثالى للحريق ....بنقول فى الحاله دى أن المحرك بيمر بدوره حريق هزيله (ضعيفه ) بسبب كون الخليط المحترق داخل غرف الحريق بيكون فيه الهواء فيه أكبر من المقرر لحرق البنزين lean mixture_ لو الحساس لقى نسبة الأكسجين اللى خارجه مع العادم كتير عن الحدد المثالى ....بنقول أن المحرك بيمر بدورة حريق غنيه rich mixure....علشان الهواء اللى فى غرف الحريق أاقل من المطلوب للحريق المثالى (وبكده المحرك بيأكل بنزين )....._ النسبه المثاليه لكى تكون دورة الحريق تمام هى 14.7 :1 ودى بنقول عليها perfect air to fuel ratio .....بمعنى أنه للحصول على دورة حريق جيده فأن كل 14.7 رطل أو جرام هواء بيلزم لهم 1 رطل أو جرام بنزين............_ لما الحساس بيقيس أى تغيير فى كمية الأكسجين الخارجه مع العادم وبيعرف أن القيمه غير طبيعيه .....بينبه وحدة التحكم على طول من خلال أشاره فى صورة فولت كهربى .....وبيقولها بالبلدى كده ....أحنا حودنا عن الطريق الصح ......ويجب عليكى التدخل لعمل الازم ......[/RIGHT]_ وحدة التحكم على طول بتروح واخده الأجراءات الازمه نحو تصحيح نسبة الهواء للبنزين وذلك بالتحكم فى آداء الرشاشات بتطويل أو تقصير زمن فتح الرشاشات ......_ من هنا بنعرف أن دور الحساس مهم جدا فى الحفاظ على آداء دورة البنزين والحريق المثالى للمحرك .....لأن وحدة التحكم مبرمجه فقط على النسب ......ولما الحساس بيحصل فيه أى خلل ...بيحصل خلل على طول فى أستهلاك البنزين ......._ يعنى الحساس لو كان بيقرأ غلط ......الوحده حتأمر الرشاشات بضخ بنزين غلط .....لأن آداء الوحده تابع لآداء الحساس ......_ نفترض أن الحساس قال للوحده الهواء اللى فى الدوره كتير وهو مش كتير لأى سبب ( زى جسمه الداخلى ملوث بطريقه كبيره .....ومدى أشاره فولت قليله ) الوحده حتخللى الرشاشات تضخ بنزين زياده وهكذا النظام .....وكده زياده فى أستهلاك البنزين .....لأن الحساس ليه مدى قياس بيعمل من خلاله وممكن الأسكانر مايبينش عطل الحساس.........._ يضاف أيضا أن تواجد حساس الأكسجين فى دواير التحكم الكامل بيفيد جدا فى أنظمة التحكم فى تلوث البيئه .....وذلك بالتحكم فى مكونات العادم الخارج من المحرك للجو الخارجى......بناء على توصيات منظمات المحافظه على البيئه ..........طبعا الكلام ده مش حدانا......ولكن فى البلاد اللى بيهمها صحة الأنسان ....._ وكل اللى بيهمنا عندنا ( دور الحساس وأثره على أستهلاك البنزين ).......ندخل بقه فى النقاط الفنيه وأزاى بيشتغل حساس الأكسجين بأنواعه .........The zirconia oxygen sensor__ يصمم النوع ده من الحساسات فى شكل أنتفاخ مجوف وذلك لأتاحة العمل الهندسى لمادة ثانى أكسيد الزركينيوم ........وسنتعرف عليها لاحقا ...._ يوجد طبقه رقيقه من مادة تانيه وهى البلاتينيوم ...يطلى بها الجسم الخارجى والداخلى للحساس ......_ أنتفاخ الحساس بيكون شبيه بأنبوبة الأختبار على شكل حرف U ....الجزء المجوف بيكون معرض للهواء الخارجى ( بتاع غرفة المحرك )......والجزء الخارجى (الغير مجوف بيكون مغمور فى طريق العادم داخل فرن الشكمان )............_ حينما تصل حرارة الحساس الى 600 درجه فاراد تقريبا مع عمل المحرك وخروج العادم بعد أنتهاء التسخين وخلافه .....بيبدأ عمل الحساس ......_ فى الحاله دى بتبدأ زرات الأكسجين الموجوده حول ألواح البلاتينيوم ( سواء على جسم الحساس الخارجى أو الداخلى فى الـتأين .....و بتحمل شحنات كهربيه )......_ وعلى حسب عدد زرات الأكسجين المتأينه من الداخل والخارج لأنتفاخ الحساس بيبدأ تولد فولت كهربى من خلال سلك أشارة الحساس ....وده بيعتمد على الفرق بين عدد زرات الأكسجين المتأينه على الجانبين ......_ حينما تكون نسبة الأكسجين فى العادم قليله عن الحد المقرر فأن الجهد الكهربى الناتج من عمل الحساس بيكون أكبر مايمكن ....وبناء عليه بتعرف وحدة التحكم أن الحريق الحالى للمحرك يمر بدورة حريق فقيره لأن كده الهواء اللى فى الغرف كتير ....وعلى طول بتزود زمن ضخ البنزين........RIGHT]_ حينما تكون نسبة الأكسجين فى العادم كبيره عن الحد المقرر ( حريق غنى ) بيكون الفولت الخارج من الحساس أقل من المطلوب ....وعلى طول بتقوم الوحده بتقليل زمن ضخ البنزين ....._ هذا النوع من الحساسات مطبق فى بعض انواع السيارات طراز ....تويوتا_ ويمكننا ببساطه شديده أعتبار الحساس ده شبه البطاريه بتاعة العربيه بالضبط ......حيث بيعتبر جهاز الكتروكيميائى يقوم بمقارنه محتوى الأكسجين داخل العادم مع الأكسجين اللى فى غرفة المحرك ......_ حيث أن تواجد عنصر مثل مادة ثانى أكسيد الزركينيوم محصورا بين لوحين من مادة البلاتينيوم بيخللى الحساس يولد فولت بطريقه تشبه بطارية العربيه الى حد كبير ( لوحى البلاتينيوم هما القطب الموجب والسالب للبطاريه ......ومادة ثانى أكسيد الزركينيوم هى ألكتروليت البطاريه يعنى الميه بالحامض )....._ يوجد داخل وحدة تحكم المحرك دايره ألكترونيه لدراسة ومقارنة أشارة الحساس الوارده اليها فى صورة فولت كهربى ( حسب حالة الحريق )............._ دايرة المقارنه هذه بتجرى عمليات حسابيه داخلها بناء على المعلومات المخزنه داخلها فى صورة soft wareأى برنامج تشغيل الأكترونى معين ......_ بعد ذلك بتقوم وحدة المقارنه بأرسال تقرير فنى كامل عن الحاله الى الميكروبروسيسور ......والذى بدوره يعطى أمر تشغيلى لدايرة قياده خاصه بتنبيه الرشاشات نحو أجراء معين يجب أتخاذه....بزيادة أو نقصان فترة ضخ البنزين ........The titania oxygen sensor _ هذا النوع من حساسات الأكسجين يعمل بطريقه هندسيه مختلفه تماما عن الحساس السابق شرحه .....حيث لا يتم أنتاج فولت كهربى لوحدة التحكم لكى تتعرف على حالة الحريق داخل الحرك ونسبة الأكسجين داخل العادم ......_ نظرية عمل الحساس ده تعتمد على التغيير فى قيمة مقاومة الحساس بناء على محتوى الأكسجين فى العادم فى جميع أوقات عمل المحرك ......._ النوع ده بيكون مغلق وشبه حساسات الحراره ....وجواه شريحه سميكه من مادة التيتانيا ....._ يكون متصل بنهاية أطراف الشريحه دى سلكين وموجودين عند نهاية العازل الخزفى المركب على جسم الحساس من الخارج .....وبيكون باين العازل ده والحساس راكب على فرن الشكمان ........_ من هنا نعرف بأن هذا الحساس لا يكون معرض لهواء الغرفه ....لأن تصميمه مغلق ......وأنما فقط بيكون مغمور فى أتجاه مسار العادم ......_ نظرأ لأن هذا النوع يلزم له توافر درجة حراره عاليه لتشغيله فى أقرب وقت ممكن ( كما سنعرف لاحقا ) فانه يتم تركيب سخان كهربى معين داخله لكى يعمل الحساس بكفاءه عاليه ........_ حينما تصل حراره الحساس الى الحراره الازمه لبدء أرسال أشاره منه الى وحدة التحكم تعبر عن حالة الحريق داخل المحرك ....._ بيلاحظ أنه بيحدث تغيير فى مقاومة الحساس ( حسب نسبة الأكسجين فى العادم )............._ علشان وحدة التحكم تتعرف على نسبة الأكسجين من خلال الحساس ده ......فبتقوم بأرسال فولت كهربى معيارى محدد ( 5 فولت ) على أحد الأسلاك الموجوده خارج الحساس وعلى نهايته ....._ ومن خلال السلك الآخر بيخرج فولت وحدة التحكم فى شكل تانى ( بناء على التغيير اللى حصل فى مقاومة الحساس ).....وده هو سلك الأشاره ........._ من خلال سلك الأشاره الوحده بتستطيع مراقبة التغيير الحادث فى الفولت الكهربى اللى أرسلته للحساس ......._ وبالطريقه دى التغيير فى الفولت ده بيعبر عن نسبة الأكسجين فى العادم ....وحالة الحريق الحالى للمحرك ......وبتبدأ الأجراءات من جانب وحدة التحكم ( كما سبق مع النوع الأول )..وأدى صوره للنوع ده ( واحد جديد والتانى تالف )....._ حندخل بسرعه شديده على بعض الملاحظات .................._ حينما تستخدم وحدة التحكم الأشاره اللى رايحلها من حساس الأكسجين للتحكم فى آداء حريق المحرك ....فأن نظام الحريق بيطلق عليه ( نظام مغلق ) closed loop_ ولكن بتوجد أحوال تشغيل لا تتطلب هذا النظام والوحده مابتعبرش أشاره حساس الأكسجين .....وبقول عليه الدوره المفتوحه للحريق open loopحيث يجب أن يكون الخليط غنى فى الحاله دى ......1_ أثناء بدء الدواره ..........2- أثناء عمل المحرك وهو بارد...........3_ خلال الأحمال الفجائيه المطلوبه من المحرك ( حالات التسارع - السحب المفاجىء أى الكيك داون ).....4_ أثناء التعجيل والتهدئه المفاجئه بدواسة الأكسراتير ........._ فى الحالات دى وحدة التحكم بتتجاهل المعلومات 0والأشاره ) اللى رايحلها من حساس الأكسجين ....وبتعتمد على تحديد فترة ضخ البنزين من خلال أشارات حساسات أخرى (الماب _ الماف _ وضع البوابه _ الحراره وهكذا ) حسب تصميم المحرك _ أشكركم كثيرا على قراءة الموضوع .....وحسيت فعلا أنى عاوز أتكلم عن حساس الأكسجين مره تانيه...........ومطروح للتعليق والأضافه من أجل الأستفاده لنا جميعا ( وأنا أول من يريد الأستفاده !!!!!!!!!)
رقم العضوية : 5950
تاريخ التسجيل : 18Feb2008
المشاركات : 8,108
النوع : ذكر
الاقامة : .
السيارة: .
السيارة[2]: .
دراجة بخارية: .
الحالة :
موضوع حلو :k32:
بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ
رقم العضوية : 19543
تاريخ التسجيل : 19Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
الله يخليك يا أبو حميد
رقم العضوية : 2665
تاريخ التسجيل : 17Oct2007
المشاركات : 2,326
النوع : ذكر
الاقامة : cairo
السيارة: لا يوجد
السيارة[2]: 128 حمرا
دراجة بخارية: لا يوجد
الحالة :
شكرا ليك يا بشمهندس وللاعاده افاده
سبحان الله وبحمده سبحان الله العظيم
اخوكم : محمد عماد الدين
الوظيفه : محاسب
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 19543
تاريخ التسجيل : 19Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
رقم العضوية : 35927
تاريخ التسجيل : 18Mar2009
المشاركات : 139
النوع : ذكر
الاقامة : cairo
السيارة: verna
السيارة[2]: fiat
دراجة بخارية: no
الحالة :
هايل يا بشمهندس....
واسمح لى ان اضيف الفيديو ده:
http://www.youtube.com/watch?v=4G6LiALLOEc
وكمان الصوره دى:
رقم العضوية : 19543
تاريخ التسجيل : 19Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
ياباشا .....الموضوع نور بأضافاتك ......وهو ده المطلوب .....وشكرا ليك يابشمهندس...................
رقم العضوية : 28777
تاريخ التسجيل : 30Dec2008
المشاركات : 2,248
الحالة :
تسلم ايدك يا بشمهندس
رقم العضوية : 19543
تاريخ التسجيل : 19Sep2008
المشاركات : 18,152
النوع : ذكر
الاقامة : ismailia/Egypt
السيارة: لايوجد حاليا
السيارة[2]: نوبيرا 2007
الحالة :
الله يخليك يا أخى ..................
رقم العضوية : 19501
تاريخ التسجيل : 19Sep2008
المشاركات : 408
النوع : ذكر
الاقامة : Haram, Giza
السيارة: Mitsubishi Lancer 2007
السيارة[2]: Lada 1500
دراجة بخارية: لا يوجد
الحالة :
دائما في المقدمة يا باشمهندس سمير
ألف شكر ليك يا باشا
المفضلات