يفضل دائما عند شراء قطع الغيار ان تكون جديدة وان تكون اصلية بالنسبة لرادياتير يجب ان يكون جديد و ماسورة نحاس لان النحاس اسرع من الحديد فى امتصاص او انتقال الحرارة من الماء الذى ارتفعت درجة حرارتة عن طريق الموتور وشكرا
عرض للطباعة
اتفق معك تماما أخى رمضان
انا كنت نزلن عزبة شلبى برده عشان اشترى شنب للعربيه لقيت اللى عاوز يديهولى بتمن ربع لحد م واحد قابلنى وقال لى لو اشترته من حد هنا هيحاول يكسب فيه جامد عشان انت هتاخد حاجه هتبوظ له شكل الربع أوى ووصف لى واحد عند أول الكابلات وجبته جديد كان ب 145 تقريبا روح هناك هتلاقى عنده حاجات كويسه باسعار كويسه
انا فاكر اتكلمت قبل كده عن الموضوع ده هنا
شكرا لرد الاخوة الافاضل وصحيح ياخ هلالى كذا مرة عاوز اسالك عن الشنب اللى اشتريتة من السكرى هو انه شنب اللى بيقى عند الكبوت ولا تقصد الشبكة اللى بيركب فيها الفوانيس
الشنب اللى هوه فى الصورة دى منقط بأبيض
http://www11.0zz0.com/2012/04/02/08/318798720.jpg
وهو تقريبا مش موجود ف كل موديلات البلونيز مش عارف تقريبا موجود من أول 1989 الاخوه يفيدونا فى الموضوع ده
اللى انت مشاور علية ددى الشبكة بتاعة الفوانيس لكن الشنب ده الحتة اللى بين الكبوت وجسم العربية فى موديلات 89 وانت نازل ورحت سالت عليهم فى الوكالة فى مرة اللى قدام وى ورا استيراد 400ج ومارديش ينزل تعريفة وفيه حاجة عايز اسال عليها اخونا انا فتحت غطا الزيت والعربية دايرة لقيت هوا طالع وانا حاطط ايدى فوقيها ناس قالت ممكن يكون الموتور ابتدى يخف وناس قالت لا ده عادى وانا احترت ياريت اللى يعرف حاجه يقولنا ولكم جزيل الشكر
غالبًا بدأ يخف فعلاً
لو عايز تعرف الموتور خفيف و لا لأ شوف خرطوم الفايظ
زود بنزين
لو نفخ هواء أو دخنة يبقى الموتور بدأ يخف فعلاً.
انا رحت امبارح عملت صيانة للكربيراتير عند واحد بتاع كاربيرتير امبارح وخد منى 40 ج فكة وغسله بالجاز وبعدين ركبة وهو قالى انا غيرتلك البيكات بس مادنيش البيكات اللى كانت فيها مع انى لسة شاريها ب20 جنيةمستوردة واتحرجت اقولة هاتهم وسمعت ان الصيانة اصلا فى كل حتة ب30ج مش عارف هو ضحك عليا ولا لاء وبعدين هو قالى انا مكتفلك العربية سنة علشان ماتكلش بنزين وركبتلك بيكات اقل سنة من اللى فيها وبع مامشيت بالعربية حسيت انها بتاخد وقت على مابتشد بس ماعرفتش اجربها فى السرعة العليا علشان الشوارع زحمة مش عارف تكتيفة العربية او خنقها ده صح ولا غلط وهل ليها اثر على الموتور..... وفى حاجة تانية نسيت اقول عليهأ رحت لنفس الراجل قبليها بيوم وشاف الكربيراتير قالى مافيهوش حاجة وفك البوجيهات وقالى البوجيهات مرطبة وخلانى جبت بوجيهات مصرية اسمها حسن حمدى ب15ج وقالى دى احسن بوجيهات موجودة وانا كنت مركب كى ان جى يابانى سمعت كلامه وغيرت بس ماصبرتش واعت العب فى العربية شوية فبرجلت منى علشان كدة رحتلة تانى يوم على طول وقلت اعمل صيانة علشان انا لعبت فى الهوا فى الكهربا علشان كدة رحتلة ادونى رايكم فى اللى حصل وفى تكتيفة العربية غلط على الموتور ولا لاء وبتمنع اكل البنزين ولا لا
طالما صغر البيكات يبقى هتحس إن العربية متكتفة طبعًا لأن البنزين إللي داخل بقى أقل من الأول، و الاستهلاك هيتحسن طبعًا.
كان لازم تاخد البيكات القديمة طبعًا، حتى لو حبيت تركبهم تاني تلاقيهم، و هو كده ممكن يبيعهم لواحد تاني.
ماعنديش فكرة 40 جنيه مصنعية دي كتيرة و لا لأ.
طالما لعبت في الهواء و الكهرباء يبقى كان المفروض تروح لميكانيكي يظبطهم.
السلام عليكم ورحمة الله وبركاته ....انا سمعت كلامك يازيكا ورحت للميكانيكى وركبت نفس مقاس البيكات بس القدام اللى كانو فيها من الاول وضبطلى الكهربا والهوا وبسم الله ماشاء الله بقت على الشعرة ونسيت اقول انى غيرت البوجيهات وركبت القديم اليبانى بعد ماحطيتها على النار شوية علشان الرطوبة لان المصرى طلعت مش كويسة