ههههههههههههههه
هي البولونيز فعلاً عضمها ناشف
و دي ميزة في العربيات القديمة كلها
أنا ماعنديش تجربة مع الغاز
لكن إللي أعرفه إن الغاز هيتقل سحب العربية جدًا جدًا
ده غير الأنبوبة إللي هتاكل نص حجم الشنطة
و كمان بقى المصيبة الكبيرة و هي
إن الموتور لما يكون بارد
الاشعال مش بيكون كويس
فالنتيجة تكوّن مية نار داخل غرف الاحتراق
مية النار بتاكل الشمايز و البساتم و الشنابر
يعني من الآخر الموتور هيودع خلال كام سنة
و تجيب غيره استيراد
و هكذا
و على أحسن الظروف هتعمل عمرة
كمان كهرباء العربية لازم تكون مظبوطة
و إلا هيطلع عينك و العربية هتطفي منك كل شوية
في حل للموضوع ده بس مش عارف في حد هيقدر ينفذه و لا لأ
و هو إن العربية تشتغل بنزين و غاز بحيث إنك أول ما تدور العربية أو لما يكون الموتور بارد العربية تشتغل بالبنزين بس و لما الموتور يسخن يقلب غاز
ميزة الغاز إنه رخيص
و ممكن توفر فرق الفلوس بين البنزين و الغاز و تخليه لموضوع الموتور ده
و بردو كلف نفسك كام مشوار بالتاكس
و اسأله على الغاز عامل معاه إيه في العربية
شكرًا يا هلالي على نقل التجربة
بالنسبة للفرش
الجلد أشيك و أسهل في التنضيف على عكس القماش إللي بيلم تراب للصبح
و للأسف ماعنديش فكرة عن الخامات و الجودة
أما بقى اللون
فأنا شايف إن أبيض في أزرق غامق (مش كحلي) هيكون جميل جدًا
ده رأيي
و كل واحد له ذوقه