المشاركة الأصلية كتبت بواسطة elhelaly
رحت امبارح عند الميكانيكى بتاعى عشان كان الجوان بتاع المكنة كان بيجيب زيت فغيره الجوان ب 9 جنيه
وكنت رايح له عشان حصل معايا موقف , ربنا م يوريه لحد يارب
كنت بجيب واحد صاحبى من المطار وتمام التمام وانا رايح وانا راجع الدائرى كان زحمة وزفت مش عارف يعنى ايه الطريق يتسفلت الساعه 3 أو 4 العصر , منهم لله
المهم بعد م تشليت حوالى ساعه كده والدنيا فكت جاي بفتح ف السرعه بحط رجل لى على الفرامل عشان اهدى كان فيه زي مطبات كده
لقيت الفرامل واخده رجلى ونزله لتحت كأنها دبرياج طبعا انا قلبى نزل ف رجلى وضغط ب أكارك لها طبعا وانا باخد يمين والحمد لله انها حصلت والدنيا رايقة
المهم ركنت ابص على زيت الفرامل تمام مش ناقص ولا حاجه قعدت أكارك شوية بدون جدوى
المهم قلت امشى على مهلى عشان برده معملش قلق لصاحبى اللى لسه جاي من السفر - طبعا معرفتوش حاجه وإلا كان باعنى :)
المهم مشيت على مهلى
فجأة لقيت الفرامل اشتغلت تانى !!
والحمد لله لحد م وصلت محلصش حاجه رحت للميكانيكى وحكيت له
شاف الزيت وفك الفرد وشاف التيل والطنابير و قال لى كله سليم
وقال لى هعملك حاجه لعلها تكون هيه اللى عملت معاك كده وأخد الهوا من الفرامل
سألت بعد كده هو عمل ايه ؟ قالوا لى ممكن يكون مواسير الزيت بتاع الفرامل فيها هوا بيفضيه
المهم بص لى برده على الاسبراتير وظبطه وحصل حاجة غريبة لما ظبطه بشغل شريط الكاسيت اشتغل من غير صوته ميقطع
والفلاشة بتشتغل بشرط ان العربية تكون مبطلة وبعد كده اشغلها من الفلاشة ف الكاسيت تقوم تشتغل !!
طبعا لما سألت صاحبى اللى كان هيصلحه قال لى كده يبقى الكاسيت سليم وشوف كهربة العربية
اشتريت برده سلك بوجيهات حرارى ب 24 جنيه
وهروح ان شاء الله النهارده للكهربائى عشان الكاسيت
سؤال ياشبااااااب انتو عندكو كام مروحة ؟ هل مروحة الريداتير فقط و لا مروحتين الريداتير واللى بتبقى ركبة على السير على المكنة
معلش طولت عليكم ياشباب بس انا قولت اقول لكو كل حاجه عشان لو حد حصل معاه حاجه زيي يكون فيها إفادة