المشاركة الأصلية كتبت بواسطة elhelaly
ازيكو ياحبايبى
انا زعلان :(
وانا بظبط الموتور الميكانيكى قال لى ان الكاربرتير عاوز يتظبط عشان ملخبط خالص
اخدته ورحت عند بتاع الكاربيرترات , قال لى عدى عليا بكره أكون خلصته
المهم لما عديت عليه كان الزعل هناك ينتظرنى (معلش هقلبها نكد شويه)
الراجل قال لى انا ظبطهولك لكن باب واحد بس اللى شغال - وانا مش فاهم اصلا حاجه - المهم قولت له هي كام باب أصلا قال لى اتنين قولت له وايه الضرر ان الباب التانى ميشتغلش قال لى اصلا الباب التانى مش بيشتغل الا بعد ال 100 - يعنى بعد العربية سرعتها تعدى الميه الباب التانى بيشتغل - فاللى هيحصل ان العربية هتبقى مخنوقة
قولت له يعنى الكاربرتير ده يمشى العربيه كويس تحت الميه قال لى اه
وطبعا الحل المثالى ان اشترى كاربرتير جديد , سألت الراجل عليه قال لى انا مش ببيع لكن بيعمل ف حدود 300 او 400
طبعا انا قلبى وقع ف رجلى لان انا خلاص خلصت كل اللى معايا ف التظبيط اللى انا بظبطه - حد يسلفنى :) - المهم الحمد لله على كل حال
ودى كانت تجربتى مع الكاربرتير