ايوة معقول جدا عشان الناس فاكراها عربية ناشفة وعضمها جامد طلعت فشنك
لسه بقى باحاول اوصل لاختبارات الفيات والشاهين اساطير مصر الوهمية
عرض للطباعة
دى مثلا مقارنة بسيطة بين اختبار تصادم البولونيز مو 78 وشيرى الصينية مو2004
YouTube - 2004 Chery Amulet vs 1978 FSO Polonez
بصراحة حاجة تكسف يا جماعة
كان نفسى انتاج البولونيز يستمر لحد دلوقتى عشان بجد دى عربية محترمة وسبقت ماركات عالمية كبيرة فى وقت الثمانينات والتسعينات
حضرتك لو ركزت في الكلام هتفهم المقصود ....
هي نفس العربيه1994 هي ال 1990 مع اختلاف الرفرفين الامامي و صدر العربيه و طبعا التابلوه و شكل الفوانيس....
اما الموديلات القديمه هناك اختلاف كبير بينها و بين الموديل 1994 من حيث طريقه تثبيت الفتيس بالسياره (القواعد) و حجم القوايم بتاعه السقف و كمان عندك الرفرفين و الصدر و شك العربيه بالكبوت....
الفكره في طريقه تصميم الجزء الامامي اللي على اساسه بتمتص العربيه الصدمه و دا الجزء اللي حضرتك تهكمت عليه بدون داع
عشان كده حضرتك لو ركزت هتفهم المقصود بجمله الاختلاف و اكيد لو ركزت شويه هتعرف ان بين كل موديل و اخر في البولونيز في اختلافات....
تقبل فائق احترامي
انا متهكمتش بس انا بعمل بمقولة الا يجهلن احد علينا فنجهل فوق جهل الجاهلين فيبقي حضرتك اللي تهكمت عليا لما بتقولي الظاهر ان معلوماتك قليلة الطبيعي ا حضرتك لما تقول معلومة تقولها من غير متقول للي قدامك انت معلوماتك قليلة هوة انت متعرفش ان كزا كزا يبقي حضرتك اللي تهكمت مش انا مش معقول كل واحد عنده معلومة زيادة عن التاني هيقعد يقوله انت معلوماتك قليلة ومعندكش فكرة عن الموضوع لو كدة انا كنت فضلت اقول لكل واحد اكشف عليه ياه انت معلوماتك قليلة اوي انت مش عارف انت عندك اية ومش عارف هتاخد علاج اية طيب ليه جالي المستشفي اصلا الا لان كل واحد اكيد يعرف عن التاني حاجة ولازم نفيد بعض بيها من غير تهكم علي بعض عشان احنا بنكمل بعض مش بنعاير بعض بمين اللي عارف اقل وعارف اكتر وشكرا
مشكور على المقطع بس سؤال دي مش موديل 1978 صح ولا انا غلطان؟ هو في شبه كبير من 1994 عن الموديلات القديمه التابلوه مكانش كده و الشراعات الخلفيه بلاستيك مش زجاج....
و مشكور على المجهود
كل سنة وانت طيب
بصراحة يا جماعة الخير دي أول مشاركة ليا في المنتدى وأنا فعلا حبيت البولونيز بسبب هذه الرابطة وأنا كنت بادور على عربية مستعملة في حدود 20000 ونويت ان شاء الله اجيب حتة بولونيز موديل 92 فابريكة برة وجوة .....هيا ادامي دلوقتي بس لسه ماسألتش على سعرها فتتوقعوا تعمل كام مع العلم انها لسه طالعة من عمرة من اسبوع واحد ...
سؤال اخير أنا محتاجها علشان اسافر بيها 80 كيلو في اليوم على طريق مكسر 40 رايح و40 جاي خمس ايام في الاسبوع فهل يا ترى تستحمل معايا؟
انتظروني مع الصور قريبا جدا بإذن الله
اه طبعا تستحمل امال لو البولونيز مستحملش اية اللي يستحمل مش عارف اقولك سعرها اية الحقيقة بس غالبا ما بين عشرين وتلاتة وعشرين لانها موديل عالي وفبريكة