لا كرونة البولونيز اية اللي مشكلة لا خااااالص كرونتها الحمد لله كويسة وتشد عربية نقل لا تقول كرونة شاهين ولا واحد وتلاتين
عرض للطباعة
لا كرونة البولونيز اية اللي مشكلة لا خااااالص كرونتها الحمد لله كويسة وتشد عربية نقل لا تقول كرونة شاهين ولا واحد وتلاتين
سعيد اني لقيت شباب بتقدر البولونيز أخيرا,,,
عربيتي موديل 89 حمرا و عمرها ماعملتها معايا ,,
موضوع السخونيه ده بسيط جدا :
1: رادياتير نحاس 3 ماصوره
2: زبط rpm على 7 (وهنا الفن عشان زبطتها مش سهله ) كهرباء بس كده
حاليا العربيه مركونه لأني مسافر و فيها شغا كتير جدا من كرونه و جنوط ,دهان ,تنجيد .تابلوه ,وعفشه بس كده
شكرا على التوبيك
شكرا د /تيمو
بس السؤال الي مش لقيلو اجابه و اتسألتو كتير من الصنايعيه
هو ليه معظم اللي راكبين البولو دكاتره؟ عاجبكو فيها ايه؟
حد عندو فكره عن سعر الكرونه كامله كام دلوقتي؟
ههههههه اه فعلا دكاترة كتير جابو بولونيز مش عارف اية السبب الحقيقة بس يمكن لان الدكاترة عامة معروف عنهم انهم عمليين وعايز حاجة عملية وبيفكر بطريقة عملية فشايف انها فيها ميزات كتير واسعة قوية قطع غيارها رخيصة يعني فيها ميزات كتير ويمكن دة السبب
مش عارف حقيقة كام بالتحديد بس يعني هيكون لحد خمسومية تقريبا
هو الدفرانسيه كامل (كرونه بالشداد) من 1300 جنيه و انت طالع على حسب الحاله.....
التاج و البنيون (مجموعه التروس اللي جو الدشمه بتاعه الكرونه) ب 800 جنيه و قليلين شويه في السوق..
يا رب اكون افدت
موضوع الإشعال الإلكترونى ده شاغلنى جدا اليومين دول
انا دلوقت عاوز افهم يعنى اركب مشط الكترونى على الاسبراتير العادى ولا ايه بالظبط لأنى بفكر فعلا فى التغيير لأنى اتخنقت من قرف الأبلاتين والكوندينسر وتغييرهم
وسؤال تانى هوا ينفع اركبهم بنفسى ولا لازم كهربائى محترف
لأن عندنا فى الصعيد صعب الاقى واحد فاهم كويس
وشكرا لحضرتك
اه فى حاجه كمان
هوا ينفع يركب عليها المشط الإلكترونى بتاع الشاهين ولا لأ ؟
أنا معايا بولونيز موديل 1988 عربية موتورها 100 100 وعمرها ما سخنت اطلاقا حتى فى عز الصيف وفى الزحمة وبالنسبة اللى بيقول الدركسيون تقيل فيه زيت بيتحط فيه بيخلى العربية ناعمة إلى حد كبير والثبات ماقولكش عليه على 120 كم ولازقة فى الأرض العربية حمل فيها اللى نفسك فيه هتلاقى الموتور قوى جدا
شوف حضرتك هي ليها نظام اشعال مستقل للبولونيز و بيبقي مشط بلاسبراتير الالكتروني بتاعه ببك سلانسيه الكتروني...
و بلاش موضوع التوفيق دا اولا مقرف و مش بيظبط اوي و لازم و الاهم اللي يعملك الموضوع دا يكون فاهم اوي مش فهلوي عشان لو مظبطش هتكره اليوم اللي اشتريت العربيه (حصلت معايا و كان بسبب صنايعي جاهل)....
يا رب اكون افدت